San Lucas 8:25 - Tz'utujil (Ja Cꞌacꞌa Chominem)

²⁵ Cꞌacꞌariꞌ xbij chique: —¿Bar cꞌa xoc wariꞌ ja yukulbal ecꞌuꞌx wqꞌuin? neꞌ chique. Ja cꞌa rejeꞌeꞌ congana quixben quiꞌ, congana cꞌascꞌoꞌi quetzꞌat ja bantaji in quemaj rbixic chibil tak quiꞌ: —¿Nak rbanic cꞌalaꞌ ja rachi leꞌ? Como arjaꞌ nuban mandar ja ikꞌ, nuban mandar ja yaꞌ in nnimax takaꞌan rmal, xecheꞌe.

Tz'utujil NT

²⁵ C'jara' cawra xbij chca: —¿Abar c'a xoc wa' yukbal ec'u'x wq'uin? cara' xbij chca. Arj-e' congan cxiben qui', congan xel ta quec'u'x tzrij tak xquetz'et je xbantaja y cawra xquemaj rbixic chbil tak qui': —¿Nak rbanic c'ala' jala acha? Com arja' nuban mandar k'ek', nuban mandar ya', y nnimax tak wan chka', cara' xecbij.

San Lucas 8:25 Iomraidhean Croise

San Mateo 14:31

Ja cꞌa Jesús chanim xuyuk pon rukꞌaꞌ, xuyic ja Pedro in quewaꞌ xbij tre riꞌ: —Achi, xa ma nim ta ja yukulbal acꞌuꞌx wqꞌuin ¿nak tre tok xuban caꞌiꞌ acꞌuꞌx? neꞌ tre.

San Mateo 17:20

—Rumac ja yukulbal ecꞌuꞌx wqꞌuin xa ti ma nim ta chewiꞌ tok ma xixcowin ta. Como ni katzij wiꞌ ja xtinbij chewe riꞌ, ja wi cꞌo yukulbal ecꞌuꞌx wqꞌuin, wi nsamaji ja yukulbal ecꞌuꞌx ja caniꞌ nuban jun ti chirwach mostaza nixcowin cꞌariꞌ neban jun nimlaj samaj. Caniꞌ trewaꞌ ja jun jayuꞌ riꞌ, nixcowini nebij tre chi neli ja bar cꞌo wiꞌ in nbe cha jun lugar chic in nixrnimaj in mta nak chi ta ja maquita nixcowini neban.

San Mateo 6:30

Ja cotzꞌiꞌj masqui xa ncami, masqui xa nchakiji chanim in nporox pa kꞌakꞌ pro ja Dios arjaꞌ nuyaꞌ rcoloril. Ja wi queriꞌ nuban ¿la matuyaꞌ cꞌariꞌ chewe chakajaꞌ ja retziak necoj? Xarwariꞌ nbij chewe, ma kas ta yukul ecꞌuꞌx ruqꞌuin ja Dios.

San Mateo 8:10

Ja cꞌa Jesús congana cꞌascꞌoꞌi xcꞌaxaj ja tzij ja bix tre rmal ja capitán in como ecꞌo juleꞌ winak ja retran trij quewaꞌ xbij chique riꞌ: —Ni katzij wiꞌ ja xtinbij chewe riꞌ, ja capitán arjaꞌ más chi na kꞌaxnak ja yukulbal rucꞌuꞌx wqꞌuin chewach ixix ja rix wach tak aj Israel, nixtacꞌa cꞌo ta jun chewe nwilon ta ja queriꞌ ta ja yukulbal rucꞌuꞌx wqꞌuin ja caniꞌ rxin arjaꞌ.

San Mateo 8:26

—¿Nak tre tok nexbej ewiꞌ? takaꞌan xa ma nim ta ja yukulbal ecꞌuꞌx wqꞌuin, xecheꞌxi rmal ja Jesús. Cꞌacꞌariꞌ yictaji ja Jesús, xukꞌil ja ikꞌ, xukꞌil ja yaꞌ chakajaꞌ, ni chanim cami ja ikꞌ in sileꞌe ja yaꞌ.

Marcos 4:35

Jariꞌ kꞌij ja tok xoc akꞌaꞌ ja Jesús arjaꞌ xbij chique ja rdiscípulo: —Joꞌ chajuparaj yaꞌ, neꞌ chique.

San Lucas 12:28

Ja cotzꞌiꞌj masqui xa ncami, masqui xa nchakiji chanim in nporox pa kꞌakꞌ pro ja Dios arjaꞌ nuyaꞌ rcoloril. Ja wi queriꞌ nuban ¿la matuyaꞌ cꞌariꞌ chewe chakajaꞌ ja retziak necoj? Xarwariꞌ nbij chewe, ma kas ta yukul ecꞌuꞌx ruqꞌuin ja Dios.

San Lucas 8:24

Ja cꞌa discípulo ejeꞌeꞌ quecꞌas ja Jesús: —Maestro, Maestro, camic nokcami, nokbe pa yaꞌ, xecheꞌ tre. Yictaji ja Jesús, xukꞌil ja ikꞌ, xukꞌil ja yaꞌ chakajaꞌ. Cꞌacꞌariꞌ cami ja ikꞌ in ni sileꞌe ja yaꞌ.

San Lucas 8:26

Xeꞌekaj cꞌa chipan jun lugar Gadara rubiꞌ ja cꞌo chajuparaj yaꞌ tre ja departamento Galilea.

San Juan 11:40

—¿La ma xinbij ta cꞌa chawe ja wi nyukeꞌ acꞌuꞌx wqꞌuin natzꞌat na chi ja Dios congana rchokꞌakꞌ in congana nim rukꞌij? neꞌe ja Jesús tre.