San Lucas 8:21 - Tz'utujil (Ja Cꞌacꞌa Chominem)

²¹ Ja cꞌa Jesús quewaꞌ xbij chique riꞌ: —Ja necꞌaxani ja rtzobal Dios in nquinimaj ja nbij chique chi nqueban ejeꞌeꞌ cꞌariꞌ eꞌocnak nuteꞌ in eꞌocnak wachꞌalal, neꞌ chique.

Tz'utujil NT

²¹ Ja' Jesús cawra xbij chca ra: —Je nquec'axana rtzojbal Dios y nqueban je nbij chca che nqueban arj-e' c'ara' e'ocnak nute' ruq'uin e'ocnak wch'alal, cara' xbij chca.

San Lucas 8:21 Iomraidhean Croise

San Mateo 17:5

Cꞌa rmajon na tzij ja Pedro tok chaka jalal cꞌo juleꞌ sutzꞌ congana ruchꞌaꞌ xermujaj in cꞌo jun kulaj tzijonto chipan, quewaꞌ xbij chique riꞌ: —Jawaꞌ wariꞌ jawaꞌ chakꞌlaj Walcꞌwal, congana ninquicot trij, teyaꞌaꞌ ewxquin tre nak ja nbij arjaꞌ chewe, neꞌe.

San Mateo 25:40

Ja cꞌa Rey quewaꞌ xtibij chic chique riꞌ: —Ni katzij wiꞌ ja xtinbij chewe riꞌ, ja tok xeꞌetoꞌ ja tak wachꞌalal, anin cꞌariꞌ ja xinetoꞌ. Queriꞌ rbanic masqui xa más sencillo jun ti wachꞌalal ja xetoꞌ. Queriꞌ ja xtibij chic chique.

San Mateo 25:45

Ja cꞌa rarjaꞌ quewaꞌ xtibij chic chique riꞌ: —Ni katzij wiꞌ ja xtinbij chewe riꞌ, ja tok ma xeꞌetoꞌ ta ja tak wachꞌalal, anin cꞌariꞌ ja ma xinetoꞌ ta. Queriꞌ rbanic masqui xa más sencillo jun ti wachꞌalal ja ma xetoꞌ ta. Queriꞌ ja xtibij chic chique.

San Mateo 28:10

Ja cꞌa Jesús arjaꞌ xbij chique: —Ma texbej ta ewiꞌ, jix cuqꞌuin ja wachꞌalal, jebij chique chi nebe pa Galilea, triꞌ ninequitzꞌataꞌ wiꞌ, neꞌ chique.

San Lucas 8:15

Pro ja cꞌa rijaꞌtz ja kaj pan utzlaj ulew jariꞌ tibij tzij chi ecꞌoli winak ja nquicꞌaxaj ja rtzobal Dios in nquecꞌol pa tak canma pro jun utzlaj anma ja mta engaño rcꞌan. Ejeꞌeꞌ nquecochꞌ ja npi chiquij in tok nqꞌuiswani buena nwachini ja rutzil pa tak quicꞌaslemal.

San Lucas 8:20

Cꞌacꞌariꞌ bix tre ja Jesús: —Pakasaꞌ rateꞌ in ja re awachꞌalal ecꞌo chwa jay, natquisiqꞌuij, neꞌxi.

San Juan 13:17

Ja wi nchꞌobtaj emwal ja cꞌa xinbij chewe riꞌ jariꞌ congana quiꞌil chewe pro ja wi nenimaj.

San Juan 20:17

Ja cꞌa Jesús xbij tre: —Ma quinachap ta, quinasokpij como majaꞌn quinjoteꞌe ruqꞌuin ja Nataꞌ. Pro ja naban, jat cuqꞌuin ja wachꞌalal, jabij chique chi ninjoteꞌ na ruqꞌuin ja Nataꞌ. Arjaꞌ Etataꞌ ixix chakajaꞌ. Arjaꞌ Dios wxin anin in chakajaꞌ Dios ewxin ixix, neꞌ tre.

2 Corintios 5:16

Rmalcꞌariꞌ nbij chewe, ja camic chic tok nkamaj rchꞌobic janiꞌ rcꞌaslemal jun winak, xa nak ta chi winakil, ma queriꞌ chi ta nkachꞌob trij ja caniꞌ nquechꞌob ja winak ja cꞌa eꞌucꞌan na rmal ja tzabuklaj tak naꞌoj xin rwachꞌulew. Masqui queriꞌ kachꞌob trij ja Cristo nabey ja caniꞌ nquechꞌob ja winak ja reꞌucꞌan rmal ja tzabuklaj tak naꞌoj pro ma queriꞌ chi ta nkachꞌob ajoj trij camic.

2 Corintios 6:18

ninoc Tatixel ewxin in nixoc tak ncꞌajol, nixoc tak nmeꞌal. Queriꞌ ja bitajnak can rmal ja kajaw Dios ja ni majun poder ja maquita cꞌo pa rukꞌaꞌ.

Santiago 1:22

Pro ja utzlaj tzij maxta chaka tecꞌwaxaj, tebanaꞌ cumplir ja nbij. Ja wi chaka necꞌwaxaj jariꞌ xa eyon neban kaj engañar ewiꞌ.

1 Juan 2:29

Ixix bien ewotak chi ni utz wiꞌ rnaꞌoj ja Jesucristo in triꞌ cꞌa newotakij wiꞌ chi canojel ja winak ja ni utz wiꞌ ja nqueban ejeꞌeꞌ riꞌ e ralcꞌwal Dios.

3 Juan 1:11

Chakꞌlaj walcꞌwal, maxta tacꞌam ja rejemplo ja nbanowi ja ritzelal pro ja nbanowi ja rutzil ja tariꞌ nacꞌam ja rejemplo rxin. Como ja nbanowi ja rutzil jariꞌ ralcꞌwal Dios pro ja nbanowi ja ritzelal jariꞌ xa ma rotak ta rwach ja Dios.