San Lucas 8:18 - Tz'utujil (Ja Cꞌacꞌa Chominem)

¹⁸ Rmalcꞌariꞌ tok nbij chewe, bien teyaꞌaꞌ ewxquin tre ja remajon rcꞌaxaxic como ja winak ja cꞌo jeꞌe yatajnak chique ejeꞌeꞌ nyataj na más chique. Ja cꞌa winak ja mta yatajnak chique pro nquechꞌob chi cꞌoli jariꞌ nlasax chique. Queriꞌ xbij ja Jesús chique ja rdiscípulo.

Tz'utujil NT

¹⁸ Rmal c'ara' tak quenbij chewa, bien tey-a' ewexquin tzrij jemjon rc'axic com je' wnak jc'ola yatanak chca arj-e' nyataj na más chca. Je' wnak je nmajo'n yatanak chca per j-e' nquech'ob chc'ola jara' nelsasa chca. Cara' xbij Jesús chca rdiscípulo.

San Lucas 8:18 Iomraidhean Croise

San Mateo 13:12

Queriꞌ nbij chewe como ja winak ja cꞌo jeꞌe yatajnak chique ejeꞌeꞌ nyataj na más chique in tok nqꞌuiswani nuban qꞌuiy cuqꞌuin. Pro ja cꞌa winak ja mta yatajnak chique pro nquechꞌob chi cꞌoli jariꞌ nlasax chique.

San Mateo 25:29

Queriꞌ neban tre como ja winak ja cꞌo jeꞌe yatajnak chique in wi nquisamajij jariꞌ xa janiꞌ nyataj más chique in tok xtiqꞌuiswani congana nqꞌuiyi, nuban qꞌuiy cuqꞌuin. Pro ja winak ja matiquisamajij ja yatajnak chique ejeꞌeꞌ nlasax chique ja yatajnak chique.

Marcos 13:14

Pro kas turkaj chewe ja bitajnak can rmal ja rojer profeta Daniel. Ja xbij ja Daniel chi nerilaꞌ na jun kꞌij ja tok cꞌoli ja npeti ja más chi na itzel ntzꞌa̱t rmal ja Dios. Ja cꞌa tok npeti arjaꞌ npeꞌe chipan ja lugar ja ma yatal ta trij chi npeꞌe triꞌ in congana camíc nuban. (Ja nesiqꞌuin awaꞌ juleꞌ tzij riꞌ kas tiquiwasaj jutzꞌit quinaꞌoj trij.) Jariꞌ, tok xtetzꞌat chi paꞌl chic chipan ja lugar, ja cꞌa neban, ja rixcꞌo chipan ja departamento Judea mejor quixanmaji, tewawaj ewiꞌ pa tak cꞌachelaj.

San Lucas 19:26

—Ja cꞌa camic nbij chewe chi canojel ja winak ja cꞌo jeꞌe yatajnak chique, ejeꞌeꞌ nyataj na más chique. Pro ja cꞌa winak ja mta yatajnak chique pro nquechꞌob chi cꞌoli jariꞌ nlasax chique.

San Lucas 9:44

—Kas toc pan ewxquin ja xtinbij chewe riꞌ. Ja Ralcꞌwalaxel ja xoc alaxic cuqꞌuin ja winak arjaꞌ nja̱ch na pa quekꞌaꞌ ja winak, neꞌ chique.

San Juan 15:2

Arjaꞌ nkupijel ja rkꞌaꞌ uva nojelal ja mta rwach nuyaꞌ, ejeꞌeꞌ cꞌariꞌ ja winak ja chaka ecꞌoloc wqꞌuin. Pro ja rkꞌaꞌ uva ja nwachini jariꞌ njoskꞌix rmal ja Nataꞌ utzcꞌa chi nwachin más.

Hechos 10:33

In queriꞌ xinban, xintaklaꞌel asiqꞌuixic chanim in maltiox chawe ja xatpeti. Ja camic kamolon kiꞌ waweꞌ chwach ja Dios kanojel utzcꞌa chi nkacꞌaxaj ja nabij chake ja binto chawe rmal ja Dios, neꞌe ja Cornelio tre.

Hechos 17:11

Ja raj Israel ja recꞌo triꞌ pa Berea más na e utzlaj tak winak chiquewach ja recꞌo pa Tesalónica como ejeꞌeꞌ congana queyaꞌ quixquin tre ja rtzobal Dios. Kꞌij kꞌij ni nquisiqꞌuij wiꞌ ja rtzobal Dios utzcꞌa chi nquetzꞌat wi nucꞌam riꞌ ruqꞌuin ja nbix chique cumal ja Pablo.

Romanos 12:3

Como ja Dios ryaꞌon chwe chi inocnak apóstol rxin ja Jesucristo chewiꞌ tok cꞌo jun paxbanem nyaꞌ chewe riꞌ chejujunal. Maxta congana ix nimak tenaꞌ kaj pro kas techꞌoboꞌ chi utz nak ja kas mero ebanic chejujunal. Bien techꞌoboꞌ chi Dios yoyon chewe ja yukulbal ecꞌuꞌx in xa chewiꞌ tok nixcowini neban ja samaj xin Dios.

1 Corintios 14:37

Ja cꞌa wi cꞌo jun chewe wi nuchꞌob chi arjaꞌ ocnak profeta owi nuchꞌob chi cꞌoli rcochin tre ja rEspíritu Santo jariꞌ yatal trij chi nuban reconocer nak rbanic ja nmajon rchꞌobic chewach camic chi jariꞌ jun mandamiento rxin ja kajaw Jesucristo.

1 Corintios 3:18

Maxta teban kaj engañar ewiꞌ eyon. Ja wi cꞌo jun chewe wi nuchꞌob kaj chi congana nimak tak naꞌoj xin rwachꞌulew rotak, mejor ja nuban, tibanaꞌ como caniꞌ jun ti nacnic. Quirtariꞌ nuban utzcꞌa chi xtiyataj tre ja naꞌoj xin Dios.

1 Corintios 8:2

Ja wi cꞌoli awotak in wi kas nim nanaꞌ kaj rmal jariꞌ majaꞌn tawotakij chi mta noc wiꞌ ja rawotak ja wi ma rachbil ta ja rajoben riꞌil.

Filipenses 3:4

Ja cꞌa chwe anin sobre ja razón cꞌo wqꞌuin ja wixta cꞌo ngana nyukeꞌ kaj nucꞌuꞌx wqꞌuin anin nuyon. Más chi na nrazón chwach xa nak ta chi winakil ja nuchꞌob chi cꞌo razón ruqꞌuin chi nyukeꞌ kaj rucꞌuꞌx ruqꞌuin arjaꞌ ruyon.

Hebreos 2:1

Janila nim rukꞌij ja Ralcꞌwal Dios rmalcꞌariꞌ congana rjawaxic chi más na nkayaꞌ kaxquin tre ja utzlaj tzij ja rcꞌamonto chake, maquita nkayaꞌ can jutzꞌit.