San Lucas 7:47 - Tz'utujil (Ja Cꞌacꞌa Chominem)

⁴⁷ Rmalcꞌariꞌ ja tok nbij chawe, ja rixok masqui congana il mac rbanon pro bien kꞌalaj chi cuytajnak chic nojelal como congana ninrajoꞌ. Pro ja wi xa ma qꞌuiy ta ja rawil amac ja cuytajnak jariꞌ ma kas ta nwinakari ja rajoben riꞌil pan awanma, neꞌ tre.

Tz'utujil NT

⁴⁷ Rmal c'ara' tak quenbij chawa, jawra ixak mesque congan il mac rebnon per bien k'alaj che cuytanak chic njelal com congan quenrajo'. Per we mq'uiy ta awil amac cuytanak jara' majo'n kas ta nwankera ojben ri'il chpam awanm, cara' xbij tzra.

San Lucas 7:47 Iomraidhean Croise

San Mateo 10:37

Ja winak ja más na necajoꞌ ja quitataꞌ chinwach anin owi queteꞌ, ejeꞌeꞌ ma yatal ta chique xqueꞌoc ta ndiscípulo. Ja winak ja cꞌo jun calcꞌwal ja más na ncajoꞌ chinwach anin, ejeꞌeꞌ ma yatal ta chique xqueꞌoc ta ndiscípulo chakajaꞌ.

San Lucas 7:39

Ja cꞌa fariseo ja banyon invitar rxin ja Jesús tok xutzꞌat ja xuban ja rixok quewaꞌ xuchꞌob kaj pa ranma riꞌ: —Ja Jesús wixta katzij chi profeta xin Dios rotak ta cꞌariꞌ nak rbanic ja jun ixok leꞌ ja ntajini nuchap rkan. Como jalaꞌ jun ixok leꞌ xa itzel rcꞌaslemal. Queriꞌ xuchꞌob kaj.

San Lucas 7:46

Atat nixtacꞌa aceite xayaꞌ ta pa nwiꞌ chi ncꞌulic pro jawaꞌ ixok riꞌ arjaꞌ xujiꞌ wakan chipan jun akꞌom ja congana quiꞌ rxulaꞌ.

San Lucas 7:48

Cꞌacꞌariꞌ xbij tre ja rixok: —Cuytaji ja rawil amac, neꞌ tre.

Hechos 5:31

Ja Dios congana xucoj rchokꞌakꞌ, xuyaꞌ tre ja Jesús chi más nim chi na rukꞌij in ja camic rcojon como Jefe pa kawiꞌ, rcojon como Toꞌonel kaxin. Queriꞌ xuban ja Dios como ja kas nrajoꞌ chewe ja rix wach tak aj Israel chi neqꞌuex ja renaꞌoj in neyaꞌ can ja ritzelal utzcꞌa chi ncuytaji ja rewil emac.

Romanos 5:20

Ja cꞌa Dios tok xuyaꞌ ja ley tre ja Moisés jariꞌ xcꞌutbej chi xa janiꞌ benak más pa nim ja ritzelal ja nqueban ja winak. Pro masqui be más pa nim ja il mac pro más chi na be pa nim ja totajem ja nkacochij tre ja Dios.

2 Corintios 5:14

Queriꞌ nkaban como ja rajoben riꞌil xin Cristo jariꞌ nbano mandar kaxin. Como bien kotak chi ja Cristo cam pa kacuenta kanojelal tibij cꞌa tzij ariꞌ chi ajoj jun xokcam ruqꞌuin kanojelal.

Gálatas 5:6

Ja tok xa jun naban ruqꞌuin ja Cristo Jesús jariꞌ macatrutoꞌ ja natban circuncidar in macatrutoꞌ chakajaꞌ ja macatban circuncidar. Pro ja ntoꞌo awxin jariꞌ tok nyukeꞌ acꞌuꞌx ruqꞌuin ja Jesucristo, tok nsamaji ja yukulbal acꞌuꞌx chi rwinakarsaxic ja rajoben riꞌil xin Dios pan acꞌaslemal.

Efesios 6:24

Ja rutzil xin Dios xtiqꞌuejeꞌ ta cuqꞌuin canojel ja neꞌajoꞌn rxin ja kajaw Jesucristo pro jun ajoben riꞌil ja ni mta wiꞌ qꞌuextajic trij. Amén.

Filipenses 1:9

Anin ncꞌutuj tre ja Dios chi ni ta nqꞌuiy wiꞌ más ja rajoben riꞌil xin Dios pa tak ewanma, ncꞌutuj tre chi ni ta nwinakar wiꞌ más ja renaꞌoj in ni ta nchꞌobtaj wiꞌ emwal nak ja rutzil in nak ja ritzelal.

1 Timoteo 1:14

In ja kajaw Jesucristo congana xinrajoꞌ masqui in ajꞌil in ajmac in xuyaꞌ chwe chi yukeꞌ nucꞌuꞌx ruqꞌuin in xwinakarsaj ja rajoben riꞌil xin Dios pa ncꞌaslemal como jariꞌ nyataj chawe ja tok nojel acꞌuꞌx nanimaj ja Cristo Jesús.

1 Juan 1:7

Pro wi sakil cꞌayon kaxin caniꞌ tre ja Dios arjaꞌ ni pa sakil wiꞌ cꞌo wiꞌ, ja wi queriꞌ kabanon xcꞌa jun kabanon ariꞌ. Ja wi queriꞌ kabanon ja rquiqꞌuel ja Jesucristo ja Ralcꞌwal jariꞌ nchꞌachꞌojirsaj nojel ja kil kamac nkaban.

1 Juan 3:18

Chakꞌlaj walcꞌwal, maxta xa chi kachiꞌ cꞌo wiꞌ ja tok nkabij chi nkajoꞌ kiꞌ. Ja kas nrajoꞌ chi cꞌoli nkaban ja nkacꞌutbej chi ni katzij wiꞌ chi nkajoꞌ kiꞌ.

1 Juan 4:19

Ja Dios arjaꞌ xokrajoꞌ ajoj nabey rmalcꞌariꞌ tok nkajoꞌ arjaꞌ chakajaꞌ.

1 Juan 5:3

Ja wi nkanimaj ja mandamiento xin Dios jariꞌ nkacꞌutbej chi nkajoꞌ ja Dios chakajaꞌ. Ja cꞌa mandamiento xin Dios ma al ta rcꞌaxic