San Lucas 7:42 - Tz'utujil (Ja Cꞌacꞌa Chominem)

⁴² Ja cꞌa tok ma xecowin ta quetoj ja quecꞌas mta ban chique, xecuyi rmal ja rajaw pwok. Camic Simón, tabij cꞌa chwe ¿nak chique ja caꞌiꞌ achiꞌiꞌ ja más najoꞌn chic rxin ja rajaw pwok? neꞌxi ja Simón.

Tz'utujil NT

⁴² Tak mxecwin ta xquetoj quec'as majo'n achnak xba'na chca, xecu'ya rmal rajaw pak. Camic Simón, tbij c'a chwa ¿nak chca e c-e' ach-i' más njo'na rxin rajaw pak? cara' xbixa tzra Simón.

San Lucas 7:42 Iomraidhean Croise

San Mateo 18:27

Ja rey congana xpokonaj rwach ja rajsamajel, xsokpijel in xucuy ja rucꞌas.

San Mateo 18:34

Congana yictaj ryewal ja rey, xujach ja ritzel ajsamajel chique juleꞌ chic winak chi nutij pokon pa quekꞌaꞌ in xbij tre chi triꞌ nqꞌuejeꞌ wiꞌ, cꞌa tokoriꞌ nel libre ja tok xtutoj nojel ja rucꞌas. Queriꞌ nbij ja cꞌambal tzij.

San Mateo 6:12

Tacuyuꞌ ja kil kamac ja caniꞌ nkaban ajoj nekacuy ja winak tok cꞌoli quibanon chake.

San Lucas 7:43

—Ja nbij anin jariꞌ ja más nim rucꞌas, neꞌ tre. —Queriꞌ, neꞌx rmal ja Jesús.

Romanos 3:24

Pro ja Dios nokrwasajel libre, nuban chake caniꞌ mta kil kamac kabanon pro jariꞌ jun utzil nuban chake, xa nsipaj chake, mta nkalokꞌbej. Ja Cristo Jesús arjaꞌ tojowi ja kil kamac, xcꞌa rmalariꞌ ja tok nokwasaxel libre ja wi xa jun nkaban ruqꞌuin.

Romanos 5:6

Bien kꞌalaj chi congana nokrajoꞌ ja Dios como xutakto ja Cristo chi katoꞌic. Ajoj ni ma okcowinnak ta wiꞌ katoꞌon ta kiꞌ in ja tok xurwilaꞌ ja tiempo ja ni chomarsanto wiꞌ tokocꞌariꞌ peti ja Cristo, xurcam kaj pa kacuenta ja rok winak pro makanaꞌ maquita itzel ja kacꞌaslemal.

Gálatas 3:10

Pro canojel ja winak ja yukul quecꞌuꞌx ruqꞌuin ja nqueban kaj ejeꞌeꞌ queyon chi rbanic cumplir ja ley ejeꞌeꞌ cꞌo maldición cꞌo ryewal ja Dios chiquij. Caniꞌ tzꞌibtal can chipan ja rtzobal Dios quewaꞌ nbij riꞌ: —Rjawaxic chi ni naban wiꞌ cumplir nojelal ja tzꞌibtal chipan ja libro xin ley. Ja winak xa nak ta chi winakil wi matiqueban cumplir nojelal ja nbij ja ley chi nqueban jariꞌ cꞌo maldición cꞌo ryewal ja Dios chiquij.

Efesios 1:7

Ja tok xa jun kabanon ruqꞌuin ja Jesucristo jariꞌ okwasanel chic libre pa rukꞌaꞌ ja il mac como arjaꞌ xutoj ja kil kamac tre ja rquiqꞌuel. Ja tok xa jun kabanon ruqꞌuin jariꞌ cuytajnak chic ja kil kamac. Ja Dios tok xuban queriꞌ chake jariꞌ caniꞌ jun nimlaj mebaꞌil xsipaj chake.

Efesios 4:32

Ja neban, kas lokꞌ tenaꞌaꞌ ewiꞌ, tipokonaj riꞌ ewach, tecuyuꞌ ewiꞌ caniꞌ xuban ja Dios chewe xixrucuy pro xa rmal ja xa jun ebanon ruqꞌuin ja Cristo chewiꞌ tok xixrucuy.

Colosenses 3:13

in tok chaka jalal neban ofender ewiꞌ tecochꞌoꞌ in tecuyuꞌ ewiꞌ. Quirtariꞌ neban ja caniꞌ xuban ja Cristo, como arjaꞌ xixrucuy chewiꞌ tok nbij chewe, tecuyuꞌ ewiꞌ ixix chakajaꞌ.