San Lucas 7:40 - Tz'utujil (Ja Cꞌacꞌa Chominem)

⁴⁰ Cꞌacꞌariꞌ bix tre rmal ja Jesús: —Simón, camic cꞌo jun tzij nwajoꞌ nbij chawe riꞌ, neꞌxi. —Utz cꞌariꞌ Maestro, tabij cꞌa chwe, neꞌe ja Simón.

Tz'utujil NT

⁴⁰ C'jara' Jesús cawra xbij tzra: —Simón, camic c'ola jun tzij quenwajo' quenbij chawa: —Utz c'ara' Maestro, tbij chwa, cara' xbij ja' Simón.

San Lucas 7:40 Iomraidhean Croise

San Mateo 26:49

Be cꞌa alnak ja Judas ruqꞌuin ja Jesús, ja cꞌa tok xekaj chwach xuban saludar: —Xoc akꞌaꞌ Maestro, neꞌ tre, in xtzꞌubaj ruchiꞌ.

San Mateo 7:22

Ja cꞌa tok xterilaꞌ ja nimlaj kꞌij xin juicio e qꞌuiy ja winak quewaꞌ xtiquibij chwe riꞌ: —Kajaw, Kajaw ¿la ma pan abiꞌ ta cꞌa kayaꞌ rbixic ja rtzobal Dios, la ma pan abiꞌ ta cꞌa xekawasajel demonio pa tak canma ja winak in la ma pan abiꞌ ta cꞌa chakajaꞌ kaban nimak tak milagro? xquecheꞌ na chwe.

San Lucas 18:18

Cꞌo cꞌa jun achi nim rukꞌij, quewaꞌ xbij tre ja Jesús riꞌ: —Maestro, atat congana at utzlaj achi. ¿Nak nban utzcꞌa chi nyataj chwe ja utzlaj cꞌaslemal ja mta qꞌuisic trij? neꞌ tre.

San Lucas 5:22

Pro ja Jesús arjaꞌ bien rotak ja netajini nquechꞌob kaj pa tak canma in xbij chique: —¿Nak tre tok queriꞌ nechꞌob kaj pa tak ewanma?

San Lucas 5:31

Pro peti ja Jesús, quewaꞌ xbij chique riꞌ: —Ja ma e yawaꞌiꞌ ta ejeꞌeꞌ maticꞌatzin jun doctor chique pro ja yawaꞌiꞌ jariꞌ ni ncꞌatzin wiꞌ jun doctor chique.

San Lucas 6:8

Pro ja Jesús arjaꞌ rotak ja quimajon rchꞌobic in xbij tre ja rachi ja siquirnak rukꞌaꞌ: —Catyictaji in catpeꞌe waweꞌ chikacojol, neꞌ tre. Ja cꞌa rachi yictaji in peꞌi chiquicojol.

San Lucas 7:39

Ja cꞌa fariseo ja banyon invitar rxin ja Jesús tok xutzꞌat ja xuban ja rixok quewaꞌ xuchꞌob kaj pa ranma riꞌ: —Ja Jesús wixta katzij chi profeta xin Dios rotak ta cꞌariꞌ nak rbanic ja jun ixok leꞌ ja ntajini nuchap rkan. Como jalaꞌ jun ixok leꞌ xa itzel rcꞌaslemal. Queriꞌ xuchꞌob kaj.

San Lucas 7:41

Cꞌacꞌariꞌ bix chic tre rmal ja Jesús: —Cꞌo jun achi ecꞌo caꞌiꞌ achiꞌiꞌ ja cꞌo quecꞌas ruqꞌuin. Jun, joꞌoꞌ ciento ja rucꞌas, ja cꞌa jun chic cincuenta.

San Juan 13:13

Ixix nebij chwe Maestro, nixcheꞌ chwe, in Kajaw, nixcheꞌ chwe, in jariꞌ ni rubey wiꞌ ja nebij como ni katzij wiꞌ chi in Emaestro, in Ewajaw chakajaꞌ.

San Juan 16:19

Ja cꞌa Jesús arjaꞌ rotak chi ncajoꞌ nquicꞌaxaj tre nak rbanic in xbij chique: —¿La jaꞌ necꞌwaxaj chibil tak ewiꞌ ja xinbij chewe chi xa jurata chic ninqꞌuejeꞌ checojol in maquinetzꞌat chic pro xa ma nim ta ja tiempo ja maquinetzꞌat cꞌacꞌariꞌ ninetzꞌat chi na jutij?

San Juan 16:30

Ja camic bien chꞌobtajnak chic kumal chi atat nojel awotak, ma rjawaxic ta chawe chi nacꞌwaxaj ta na ja nkacꞌaxaj chawe como jariꞌ awotak chic tok majaꞌn tikacꞌaxaj chawe rmalcꞌariꞌ nkanimaj chi ruqꞌuin ja Dios atpenak wiꞌ, xecheꞌ tre.

San Juan 3:2

Xuban cꞌa jutij xekaji ja Nicodemo ruqꞌuin ja Jesús chakꞌaꞌ in xumaj tzij ruqꞌuin, quewaꞌ xbij tre riꞌ: —Rabí, ajoj kotak chi atat at jun tijonel attakonto rmal ja Dios como anin wotak chi majun winak xticowin ta xtuban ta ja nimak tak milagro ja ramajon rbanic atat ja wi mta ja Dios ruqꞌuin, neꞌ tre.