San Lucas 7:33 - Tz'utujil (Ja Cꞌacꞌa Chominem)

³³ Ja cꞌa rixix nixnjunsaj cuqꞌuin ja racꞌalaꞌ ja ni majun nak ta ncajoꞌ como ja Juan Bautista tok arjaꞌ peti ma kas ta waꞌ jeꞌe cuqꞌuin ja winak in mta vino xutij in rmalariꞌ tok xebij tre chi cꞌo jun itzel espíritu ocnak tre.

Tz'utujil NT

³³ Ixix quixenjumsaj cuq'uin ac'ala' je nmajo'n nak ncajo', com Juan Bautista tak arja' xpeta majo'n kas ta nwa'a cuq'uin wnak y majo'n vino xutaj ta, rmal c'ara' tak xebij tzra chc'ola jun itzel espíritu pranm.

San Lucas 7:33 Iomraidhean Croise

San Mateo 10:25

Ja cꞌa nuban ja discípulo mejor, queqꞌuejeꞌ conforme chi nba̱n chique ja caniꞌ nba̱n tre ja quimaestro, in ja rajsamajelaꞌ chakajaꞌ mejor, queqꞌuejeꞌ conforme chi nba̱n chique ja caniꞌ nba̱n tre ja quipatrón. Anin in Epatrón in como quibij chwe chi anin in jefe quixin ja demonio pior cꞌa ja chewe ixix, congana nixquitzelaj na chakajaꞌ ja rix ajsamajelaꞌ wxin.

San Mateo 3:1

Xerilaꞌ ja tiempo chi ja Juan Bautista arjaꞌ peti, ntajini nuyaꞌ rbixic ja rtzobal Dios chipan jun lugar kas talani cꞌo pa rcuenta Judea.

San Mateo 3:4

Ja cꞌa Juan puro rsamal camello ocnak ja rtziak rcojon in cꞌo jun cincha rcojon xerupan. Ja rocnak rqꞌuexwach rway, sacꞌ nerutij in raxcab chakajaꞌ ncanoj pa tak kꞌayis.

Marcos 1:6

Ja cꞌa Juan ja rtziak rcojon puro rsamal camello ocnak in rximon rupan chi jun tzꞌum. Ja rocnak rqꞌuexwach rway, sacꞌ nerutij in raxcab chakajaꞌ ncanoj pa tak kꞌayis.

San Lucas 1:15

Como ja talaꞌ arjaꞌ congana nim rukꞌij ntzꞌa̱t na rmal ja Dios. Ni majun vino xtutij ta nixtacꞌa xtutij ta nak chi ta ja natkꞌabar rmal. Majaꞌn talaxi ja tok xtinoji ja rEspíritu Santo pa ranma.

San Lucas 7:32

Cuqꞌuin caꞌiꞌ moc acꞌalaꞌ nixnjunsaj wiꞌ ja quimajon tzꞌanem pa tak cꞌaybal. Jun moc nquerak quechiꞌ chiquij ja jun moc chic: —Ajoj kaban ja música xin quicotemal pro ja rixix mta xajoj xeban, ma xixquicot ta. In kaban chic jun xin bis in nixtacꞌa xixbison ta chakajaꞌ, ni majun nak ta newajoꞌ, necheꞌe ja racꞌalaꞌ chique ja jun chic moc.

San Lucas 7:34

In xinpi chic anin ja rin Alcꞌwalaxel ja xinoc alaxic cuqꞌuin ja winak, xinwaꞌ cuqꞌuin ja winak in cꞌoli vino xintij in rmalariꞌ xebij chwe chi xa in mun in xa in tijol vino in xa e wamigo ja molol tak impuesto e cachbil ja juleꞌ chic ajmaquiꞌ.

San Juan 10:20

Ecꞌoli chique quewaꞌ quibij riꞌ: —Xa jun demonio ucꞌayon rxin ja rachi leꞌ, xa chꞌujarnak. ¿Nak tre tok neyaꞌ caso tre? xecheꞌe.

San Juan 8:48

Ja cꞌa raj Israel quemaj chic ryokꞌic, quewaꞌ quibij tre riꞌ: —Ajoj ni rubey wiꞌ tok kabij chawe chi xa at caniꞌ jun aj Samaria in cꞌo jun demonio ucꞌayon awxin chakajaꞌ, xecheꞌ tre.

San Juan 8:52

Ja cꞌa raj Israel ejeꞌeꞌ quibij chic jutij tre: —Camic bien kꞌalaj chi cꞌo jun demonio ucꞌayon awxin como atat nabij chi ni mta wiꞌ camíc trij jun winak wi arjaꞌ nnimaj ja ratzobal pro ¿la ma xcam ta laꞌan ja rAbraham ojer in la ma xecam ta laꞌan ja rojer tak profeta chakajaꞌ?

Hechos 2:13

Pro ecꞌo juleꞌ chique xa neyokꞌoni in quewaꞌ quibij riꞌ: —Jalaꞌ winak leꞌ xa e kꞌabarelaꞌ, xecheꞌe.