San Lucas 7:26 - Tz'utujil (Ja Cꞌacꞌa Chominem)

²⁶ ¿Nak cꞌa tre tok xixbe ruqꞌuin chi rtzꞌatic, la rmal ja Juan chi arjaꞌ jun profeta xin Dios? Jariꞌ ni katzij wiꞌ chi profeta pro ma ruyon ta ja chaka ta profeta ocnak wiꞌ.

Tz'utujil NT

²⁶ ¿Nak tzra tak xixba ruq'uin che rtz'etic, le rmal Juan che arja' jun profeta rxin Dios? Jara' ne ktzij wa' che profeta per mruyon ta profeta ocnak wa'.

San Lucas 7:26 Iomraidhean Croise

San Lucas 1:76

—Ncꞌajol, atat xtibinaꞌax chawe chi at profeta rxin ja nimlaj Dios como atat natnabeyaj na chwach ja Cristo ja kajaw utzcꞌa chi nachomarsaj na rubey chwach ja tok xajalal majaꞌn tumaj ja rsamaj.

San Lucas 16:16

Ja ley xin Dios rachbil ja tzꞌibtal can cumal ja rojer tak profeta xin Dios jariꞌ ocnak chipan ja tiempo ja tok Juan Bautista majaꞌn tumaj ja rsamaj. Pro ja tok xurwilaꞌ ja rtiempo ja Juan Bautista triꞌ xumajto wiꞌ rbixic ja gobierno xin Dios in canojel ja winak netajini nquetij quichokꞌakꞌ utzcꞌa chi neꞌoc chipan ariꞌ gobierno.

San Lucas 20:6

In wi xtikabij tre chi xa winak xeyoꞌ tre jariꞌ xa nokquicamsaj tzꞌan abaj ja winak como ja chiquewach ejeꞌeꞌ ja Juan arjaꞌ jun profeta xin Dios, xecheꞌe.

San Lucas 7:25

¿Nak cꞌa tre tok xixbe ruqꞌuin chi rtzꞌatic, la rmal ja Juan chi congana rwekon riꞌ tre buen tak tziak ja nimak rjil? Pro ixix bien ewotak chi ja winak ja necojo buen tak tziak ja nimak rjil in nquelokꞌ xa nak ta cꞌo quigana nquelokꞌ jariꞌ pa nimak tak jay quixin rey neqꞌuejeꞌ wiꞌ.

San Lucas 7:27

Queriꞌ nbij chewe como ja Juan arjaꞌ chomarsani ja bey rxin ja Cristo ja caniꞌ tzꞌibtal can chipan ja rtzobal Dios quewariꞌ: —Anin ntakel ja ntajkoꞌm chi nnabeyaj chawach utzcꞌa chi arjaꞌ nerchomarsaj ja rabey. Queriꞌ bitajnak can rmal ja Dios tre ja Cristo.

San Juan 5:35

Ja Juan arjaꞌ xoqui caniꞌ jun kꞌakꞌ pro jun kꞌakꞌ tzijili ja congana ruchꞌaꞌ. Ja cꞌa rixix xixqꞌuejeꞌ conforme chi rcꞌaxaxic ja xbij ja Juan chewe in xixquicot rmal pro xa jurata, xa xocꞌo ecꞌuꞌx rmal chi rcꞌaxaxic.