San Lucas 7:24 - Tz'utujil (Ja Cꞌacꞌa Chominem)

²⁴ Ja cꞌa Jesús tok ebenak chic ja caꞌiꞌ discípulo cꞌacꞌariꞌ xumaj tzij cuqꞌuin ja winak tre ja Juan Bautista: —Ja Juan ja tok qꞌuejeꞌ pa tak lugar ja kas talan wiꞌ ¿nak cꞌa tre tok xixbe ruqꞌuin chi rtzꞌatic, la rmal ja Juan chi xa puersa caniꞌ jun aj nsi̱l rmal xcomel?

Tz'utujil NT

²⁴ Tak ebnak chic e c-e' discípulo ja' Jesús xumaj chic tzij cuq'uin wnak tzrij Juan Bautista. —Ja' Juan tak xec'je'a chpam je' tenlak tak lwar ¿nak tzra tak xixba ruq'uin che rtz'etic, le rmal ja' Juan chek remril ajni' jun aj je njech'loxa rmal xecmel?

San Lucas 7:24 Iomraidhean Croise

San Lucas 1:80

Queriꞌ cꞌa xuban, qꞌuiyi ja ti calcꞌwal ja Zacarías in Elisabet, congana cowir más ranma chi rbanic ja rutzil. Pa tak lugar ja bar kas talan wiꞌ triꞌ nqꞌuejeꞌ wiꞌ. Ja cꞌa tok xerilaꞌ ja kꞌij rxin be, xumaj rbixic ja rtzobal Dios chique ja rach tak aj Israel.

San Lucas 7:23

In tebij tre ja Juan chakajaꞌ chi congana quiꞌil chique ja winak ja ma junwiꞌ ta nquenaꞌ rmal ja samaj ja nintajini nban. Queriꞌ tebij tre, neꞌel ja Jesús chique ja discípulo rxin ja Juan Bautista.

San Lucas 7:25

¿Nak cꞌa tre tok xixbe ruqꞌuin chi rtzꞌatic, la rmal ja Juan chi congana rwekon riꞌ tre buen tak tziak ja nimak rjil? Pro ixix bien ewotak chi ja winak ja necojo buen tak tziak ja nimak rjil in nquelokꞌ xa nak ta cꞌo quigana nquelokꞌ jariꞌ pa nimak tak jay quixin rey neqꞌuejeꞌ wiꞌ.

San Juan 1:23

Ja cꞌa Juan xbij chique: —Ja nbanic anin jariꞌ rtzꞌiban can ja profeta Isaías ojer quewariꞌ: —Cꞌo jun achi nurak na ruchiꞌ pa jun lugar ja bar kas talan wiꞌ in quewaꞌ nbij chique ja winak riꞌ: —Techomarsaj ja recꞌaslemal chi raybexic ja kajaw Dios, neꞌ chique. Jawaꞌ ja tzꞌibtajnak can, anin cꞌariꞌ ja nrak nuchiꞌ, neꞌe ja Juan chique.

Efesios 4:14

Pro bien ntzꞌakat na ja kanaꞌoj utzcꞌa chi ma ok caniꞌ chi ta juleꞌ acꞌalaꞌ utzcꞌa chi ma chaka ta nojel tijonem ta nkanimaj caniꞌ tre juleꞌ tijonem ja xa quixin juleꞌ winak ja rebanol engaño, juleꞌ winak ja congana e listo in natqueyaꞌ pa jun bey ja ma xin Dios ta.

2 Pedro 2:17

Ejeꞌeꞌ riꞌ winak xa e junan ruqꞌuin jun tzꞌuquel yaꞌ ja chakijnak, xa mta neꞌoc wiꞌ, xa e caniꞌ juleꞌ sutzꞌ ja xa ncꞌamarel rmal ikꞌ. Ejeꞌeꞌ chomin chic jun lugar quixin ja congana kꞌekuꞌm, triꞌ neꞌeqꞌuejeꞌ wiꞌ chijutij.

2 Pedro 3:17

Rmalcꞌariꞌ chakꞌlaj wachꞌalal, como ixix ewotak chic tebanaꞌ cuenta, maxta quixkaj chipan ja ritzel tak tijonem ja nqueyaꞌ ja ritzel tak winak. Ixix cowirnak ecꞌuꞌx chipan ja rtzobal Dios, maxta quixyojtaji.