San Lucas 7:19 - Tz'utujil (Ja Cꞌacꞌa Chominem)

¹⁹ Ja cꞌa Juan Bautista arjaꞌ ecꞌo caꞌiꞌ chique ja rdiscípulo xersiqꞌuij, xerutakel ruqꞌuin ja Jesús in quewaꞌ xbijel chique riꞌ chi nequicꞌaxaj tre: —¿La atat ja rat Cristo ja bitajnak can chi natpi na owi nkaybej chi na jun? neꞌel chique.

Tz'utujil NT

¹⁹ Ja' Juan ec'ola e c-e' chca rdiscípulo xersiq'uij, xerutak ela ruq'uin Jesús y cawra xbij ela chca ra che necc'axaj: —¿Le atet at Cristo jbitanak cana che ncatpet na, owe nkeybej chna jun? cara' xbij ela chca.

San Lucas 7:19 Iomraidhean Croise

Marcos 6:7

Ja cꞌa Jesús arjaꞌ xersiqꞌuij ja cablajuj discípulo in xuyaꞌ chique chi cꞌo quekꞌaꞌ chique ja ritzel tak espíritu chi necowini nequiwasajel chique ja winak. Pa cacaꞌ xerutakel in bien xuchꞌobel chiquewach nak ja xtequibanaꞌ:

San Lucas 10:1

Cꞌacꞌariꞌ ja kajaw Jesús ecꞌo chic setenta achiꞌiꞌ ja xeruchaꞌ, pa cacaꞌ xerutakel chi nenabeyaj chwach, nebe chipan nojel tak tinamit in chipan ja juleꞌ chic lugar ja bar xtekaj wiꞌ arjaꞌ.

San Lucas 11:1

Xuban jutij ja Jesús arjaꞌ cꞌo pa jun lugar, rmajon rbanic oración. Ja cꞌa tok tzuri ja roración rmal pi jun chique ja rdiscípulo in quewaꞌ xbij ja discípulo tre riꞌ: —Wajaw, koꞌatijoj tre ja banoj oración ja caniꞌ xuban ja Juan Bautista xertijoj ja discípulo rxin arjaꞌ, neꞌ tre.

San Lucas 11:39

Ja cꞌa kajaw Jesús quewaꞌ xbij tre riꞌ: —Ixix ja rix fariseo ix caniꞌ juleꞌ plato rachbil juleꞌ vaso ja bien chꞌajchꞌoj rij pro ja rpan congana tzꞌilornak. Queriꞌ cꞌa ebanic ixix como ja rewanma nojnak ja ritzelal chipan, congana alakꞌ ebanon.

San Lucas 12:42

—Techꞌoboꞌ cꞌa chi utz ja xtinbij chewe riꞌ, ja rajsamajelaꞌ ¿echinatak ja nebano cumplir ja nbix chique cumal ja quipatrón, echinatak ja buena quinaꞌoj? Caniꞌ tre jun patrón tok cꞌo jun ajsamajel ruqꞌuin in nuyaꞌ rsamaj chi arjaꞌ npeꞌe chiquij ja juleꞌ chic rach tak ajsamajelaꞌ chi neruban cuenta in nuyaꞌ queway ja tok ncꞌatzin chique.

San Lucas 13:15

Ja cꞌa kajaw Jesús tok xcꞌaxaj ja xbij ja jefe quewaꞌ xbij tre riꞌ: —Caꞌiꞌ apalaj. Ixix ja pa tak xulaꞌnbal kꞌij ¿la mta cꞌa jun chewe ja maquita nuquirel ja rwacax owi ruquiej in maquita nucꞌamel neryaꞌaꞌ ruyaꞌ?

San Lucas 17:5

Ja cꞌa rapóstol quewaꞌ quibij tre ja kajaw Jesús riꞌ: —Camic nayaꞌ ta más ja yukulbal kacꞌuꞌx awqꞌuin, xecheꞌ tre.

San Lucas 17:6

Ja cꞌa kajaw Jesús xbij chique: —Ja wi cꞌo yukulbal ecꞌuꞌx wqꞌuin, wi nsamaji ja yukulbal ecꞌuꞌx ja caniꞌ nuban jun ti chirwach mostaza nixcowin cꞌariꞌ neban jun nimlaj samaj. Caniꞌ trewaꞌ ja jun mocaj cheꞌ riꞌ, nixcowini nebij tre chi nboktajel rachbil rcꞌamal utzcꞌa chi netiqueꞌe pa mar in nixrnimaj.

San Lucas 18:6

Bien teyaꞌaꞌ cuenta tre ja xbij ja juez. Arjaꞌ ma utzlaj juez ta pro xbij chi nutoꞌ na ja ti malcaꞌn.

San Lucas 19:8

Ja cꞌa Zaqueo arjaꞌ peꞌi in xbij tre ja kajaw Jesús: —Ja camic Wajaw, cꞌa xinchꞌob chi caꞌiꞌ nban tre ja nmebaꞌil in nsipaj nicꞌaj chique ja tak mebaꞌiꞌ. In jun chic, cꞌo jeꞌe ja xocꞌo rwiꞌ ja rimpuesto ja xincꞌutuj chique ja winak pro ja camic can nmeloj quijiꞌ chiquitakariꞌ ja caniꞌ nwalakꞌan chique, neꞌe ja Zaqueo.

San Lucas 22:61

Ja cꞌa kajaw Jesucristo arjaꞌ xuyaꞌ vuelta in xtzꞌelwachij ja Pedro. Ja cꞌa Pedro xurkaj tre ja bin tre rmal ja Jesús, quewaꞌ bin tre riꞌ: —Ja tok majaꞌn tokꞌi ja acꞌ, oxmul xtabij na chwe chi: —Anin ma wotak ta rwach ja Jesús, natcheꞌ na chwe. Queriꞌ ja bin tre rmal ja Jesús.

San Lucas 24:34

Quewaꞌ bix chique cumal ja rapóstol riꞌ: —Cꞌastajnak chic waꞌan ja kajaw Jesús, xucꞌut waꞌan riꞌ chwach ja Simón, xecheꞌxi ja caꞌiꞌ discípulo.

San Lucas 7:13

Ja cꞌa kajaw Jesús tok xutzꞌat ja rixok congana xpokonaj rwach: —Ma catokꞌ ta, neꞌ tre.

San Lucas 7:20

Ja cꞌa tok xeꞌekaj ruqꞌuin ja Jesús quewaꞌ quibij tre riꞌ: —Ja Juan Bautista arjaꞌ okrtakonto awqꞌuin, quewaꞌ rbinto chawe riꞌ: —¿La atat ja rat Cristo ja bitajnak can chi natpi na owi nkaybej chi na jun? neꞌto chawe, xecheꞌ tre.

San Juan 11:2

Jariꞌ María ja xuban jutij xucꞌam juleꞌ akꞌom quiꞌ rxulaꞌ, xucoj chi rkan ja kajaw Jesús in xusuꞌ chi rsamal rwiꞌ.

San Juan 4:1

Ja cꞌa fariseo xekaj rbixic ja Jesús cuqꞌuin quewariꞌ: —Ja Jesús más na e qꞌuiy ja winak netajini neꞌoc rdiscípulo chwach ja neꞌoc ruqꞌuin ja Juan in más na e qꞌuiy neruban bautizar chakajaꞌ, xecheꞌxi.

San Juan 4:25

—Anin wotak chi npi na ja Mesías chi nurchꞌoboꞌ chikawach nojelal nak rbanic, neꞌe ja rixok. (Mesías tibij tzij Cristo.)

San Juan 6:23

Pro cꞌo juleꞌ ja lancha xelel pa Tiberias, be kꞌax chic chajuparaj chic mar. Ja lugar ja bar xekaj wiꞌ chinakaj ja mismo lugar ja bar qꞌuejeꞌ wiꞌ ja Jesús tokoriꞌ tok xmaltioxij tre ja Dios in xerutzuk ja winak.

Apocalipsis 11:3

Ja cꞌa ranin ecꞌo caꞌiꞌ testigo wxin nyaꞌ na chique chi nqueyaꞌ rbixic ja ntzobal, jun mil doscientos sesenta kꞌij ja nqueyaꞌ rbixic in ejeꞌeꞌ quicojon juleꞌ tziak banbal bis. Queriꞌ ja bix chwe.