San Lucas 7:17 - Tz'utujil (Ja Cꞌacꞌa Chominem)

¹⁷ Ja milagro ja xuban ja Jesús jariꞌ xel rbixic nojel nat nakaj chipan ja departamento Judea in xel rbixic chakajaꞌ nojel tinamit ja cꞌo chinakaj ja departamento.

Tz'utujil NT

¹⁷ Jmilagro jxuban Jesús jara' xel ela rbixic njelal nat nkaj chpam departamento Judea y xela rbixic chka' njelal tnamet jc'ola chenkaj ruq'uin departamento.

San Lucas 7:17 Iomraidhean Croise

San Mateo 2:1

Ja cꞌa Jesús, chipan ja tinamit Belén xalax wiꞌ ja cꞌo pa rcuenta Judea. Jariꞌ tiempo ja Herodes arjaꞌ ocnak rey. Cꞌacꞌariꞌ ecꞌo caꞌiꞌ oxiꞌ achiꞌiꞌ epenak chipan jun nación ja cꞌo pan oriente, ejeꞌeꞌ xeꞌurkaj chipan ja tinamit Jerusalén. Jariꞌ achiꞌiꞌ e magos necheꞌxi. Ejeꞌeꞌ quemaj rcꞌaxaxic chique ja winak:

San Mateo 4:24

In be rbixic chipan nojel ja lugar jeꞌe ja cꞌo pa rcuenta Siria. Xecꞌamarel ruqꞌuin ja yawaꞌiꞌ pro canojelal. Xa nak ta chi yobilal cucꞌan, xa nak ta ntiꞌon chique, wi ecꞌo itzel tak espíritu eꞌocnak chique, wi cꞌol ataque chique, wi e sicaꞌ, xecꞌamarel canojelal ruqꞌuin in xertzursaj.

San Mateo 9:26

Jawaꞌ bantaji riꞌ xel rbixic nat nakaj chipan ariꞌ lugar.

San Mateo 9:31

Pro ja cꞌa rejeꞌeꞌ xeꞌeli, quemaj rtzijoxic nojel nat nakaj chipan ariꞌ lugar ja ban chique rmal ja Jesús.

Marcos 1:28

In chanim be nat nakaj rtzijoxic ja Jesús chipan ja juleꞌ chic lugar ja cꞌo pa rcuenta Galilea.

Marcos 6:14

Ja Jesús nojel ja ntajini nuban xekaj rbixic ruqꞌuin ja rey rbinaꞌan Herodes como benak nat nakaj ja rtzijoxic. Ja cꞌa Herodes quewaꞌ xbij riꞌ: —Ja rachi ja maxcoꞌ ntajini nuban arjaꞌ Juan Bautista cꞌastajnakto chiquicojol camnakiꞌ chewiꞌ cꞌa tok ocnak tre ja nimak tak poder ja ntajini nsamaj ruqꞌuin camic, neꞌe.

San Lucas 4:14

Ja cꞌa Jesús arjaꞌ meloj chipan ja departamento Galilea, nojnak chic ja poder rxin ja rEspíritu Santo pa ranma. Be cꞌa rtzijoxic cumal ja winak nojel nat nakaj.

San Lucas 7:14

Cꞌacꞌariꞌ xuchap ja chꞌatan cheꞌ ja bar telen wiꞌ ja camnak. Ja cꞌa winak ja retelyon rxin ja camnak ejeꞌeꞌ xepapoꞌi. Cꞌacꞌariꞌ ja Jesús quewaꞌ xbij tre ja camnak riꞌ: —Joven, camic nbij chawe, catyictaji. Queriꞌ xbij tre.