San Lucas 6:45 - Tz'utujil (Ja Cꞌacꞌa Chominem)

⁴⁵ Jun utzlaj achi utzil ja rcꞌolon pa ranma in tok ntzijoni utzil rcꞌamonto ja nbij. Jun itzel achi xa itzelal ja rcꞌolon pa ranma in tok ntzijoni xa itzelal rcꞌamonto ja nbij. Queriꞌ nbij chewe como ja nojnak pa ranma jun winak jariꞌ nelto pa ruchiꞌ.

Tz'utujil NT

⁴⁵ Jun utzlaj acha utzil rec'lon pranm y tak ntzijona utzil rec'mon ta je nbij. Jun itzel acha xitzel tak achnak rec'lon pranm y tak ntzijona xitzel tak achnak rec'mon ta je nbij. Cara' quenbij chewa com jnojnak pranm jun wnak jara' nel ta pruchi'.

San Lucas 6:45 Iomraidhean Croise

San Juan 7:38

Caniꞌ nbij ja rtzobal Dios, ja winak ja nyukeꞌ quecꞌuꞌx wqꞌuin cꞌoli rkan tak yaꞌ ja congana xtipulinto pa tak canma pro juleꞌ yaꞌ ja rcꞌamonto ja utzlaj cꞌaslemal ja mta qꞌuisic trij. Queriꞌ nbij, neꞌe ja Jesús chique.

Hechos 5:3

Ja cꞌa tok jachtaj rmal quewaꞌ bix tre rmal ja Pedro riꞌ: —Ananías, cꞌo jalal rjil ja rulew qꞌuejeꞌ can awqꞌuin. ¿Nak tre ja tok xaban queriꞌ? ¿Nak tre ja tok xayaꞌ lugar tre ja Satanás chi xoc pan awanma in xatrtakchiꞌij chi xatzꞌak tzij chwach ja rEspíritu Santo?

Efesios 3:8

Chwe anin yatajnak wiꞌ jawaꞌ samaj riꞌ masqui xa ma nim ta nukꞌij nnaꞌ kaj chiquewach ja juleꞌ chic kachꞌalal ja re xin Dios, chwe anin yataj wiꞌ chi ninbe ewqꞌuin ja ma ix aj Israel ta chi nenyaꞌaꞌ rbixic chewe nojel ja nkawil ruqꞌuin ja Cristo, jariꞌ caniꞌ jun nimlaj mebaꞌil nkawil pro jun mebaꞌil ja mta qꞌuisic trij.

Efesios 4:29

Ni ta majun itzel tak tzij nelto pan echiꞌ, ni ta buen tak tzij wiꞌ nebij, juleꞌ tzij ja cꞌo qꞌuiyem rcꞌamonto, juleꞌ tzij ja cꞌoli noc wiꞌ. Quirtariꞌ neban jutzꞌit utzcꞌa chi cꞌol utzil xin Dios rcꞌamonto chique ja necꞌaxan ewxin.

Efesios 5:19

Ja tok nekꞌijlaꞌ ewiꞌ quewaꞌ neban chibil tak ewiꞌ riꞌ, tebanaꞌ salmo, tebanaꞌ himno, tebixaj ja bix ja nwinakarsax pa tak ewanma rmal ja rEspíritu Santo. Quixbixani pro ruqꞌuin ta ewanma nebixaj rubiꞌ ja kajaw Jesucristo.

Colosenses 3:16

Kas ta xtinoji chi utz ja utzlaj tzij xin Cristo pa tak ewiꞌ pa tak ewanma. Tetijoj ewiꞌ in tepaxbaj ewiꞌ pro ruqꞌuin ta ja naꞌoj xin Dios. Tebanaꞌ salmo, tebanaꞌ himno, tebixaj ja bix ja nwinakarsax pa tak ewanma rmal ja rEspíritu Santo pro ruqꞌuin ta ewanma nebixaj rubiꞌ ja kajaw Jesucristo in nemaltioxij tre ja Dios.

Colosenses 4:6

Ja tok nixtzijoni ni ta utz wiꞌ ja tzij nebij, cꞌo ta rcꞌamonto chique ja necꞌaxani. Ni ta quirwariꞌ neban utzcꞌa tok cꞌoli ncꞌaxax chewe cumal winak xa nak ta chi winakil pro bien ewotak nak nrajoꞌ ja Dios chewe chi nebij chique.

Hebreos 8:10

Ja tok xterilaꞌ ja tiempo anin cꞌo chi na jun ja chominem ja nchomarsaj na cuqꞌuin ja riy rumam can ja rIsrael in quewaꞌ rbanic riꞌ. Ja ley ja xquenbanbej mandar jariꞌ pa tak quewiꞌ xtincoj wiꞌ in xtintzꞌibaj pa tak canma chakajaꞌ. Anin in Dios quixin in ejeꞌeꞌ e ntinamit.

Judas 1:15

arjaꞌ npeti chi nurkꞌetaꞌ tzij chiquij canojelal. Canojel ja rajꞌil ajmaquiꞌ ja mta quigana ruqꞌuin ja Dios arjaꞌ nerutakel chipan ja rpokonal pro rumac nojelal ja quibanon ja ni majun rgana ja Dios ruqꞌuin in rumac chakajaꞌ nojel ja cowlaj tak tzij ja quibin tre ja Dios. Queriꞌ bitajnak can rmal ja rEnoc.