San Lucas 6:42 - Tz'utujil (Ja Cꞌacꞌa Chominem)

⁴² In chakajaꞌ ¿nak moda nebij tre ja rewachꞌalal: —Wachꞌalal, tayaꞌaꞌ lugar chake chi nkayaꞌ jun consejo chawe tre ja il mac ja cꞌo pan acꞌaslemal, nixcheꞌ tre, pro xa mateyaꞌ cuenta tre chi más na nim ja il mac cꞌo pan ecꞌaslemal ixix? Ja queriꞌ xa cacaꞌ epalaj ja neban. Ja wi newajoꞌ neyaꞌ consejo tre ja rewachꞌalal rjawaxic nabey chi neyaꞌ can ja ritzelal ja cꞌo chipan ja recꞌaslemal ixix utzcꞌa chi nixcowini neyaꞌ utzlaj tak consejo tre ja rewachꞌalal.

Tz'utujil NT

⁴² Chka' ¿nak tzra tak nebij tzra ewch'alal: —Kch'alal, tey-a' c'as chka che nkaya' ana'oj rmal il mac jc'ola chpam ac'aslemal, cara' nebij tzra, per xe mtena' kaja ixix xmás chna nim il mac c'ola chpam ec'aslemal ixix? Tak cara' neban xcaca' eplaj. Wnewajo' neya' rna'oj ewch'alal nc'atzina nabey mul che neya' cana rtzilal jc'ola chpam ec'aslemal ixix ch-utz c'ara' nquixecwina neya' utzlaj tak na'oj tzra.

San Lucas 6:42 Iomraidhean Croise

San Mateo 26:75

Cꞌacꞌariꞌ xurkaj tre ja Pedro ja bin tre rmal ja Jesús, quewaꞌ bin tre riꞌ: —Ja tok majaꞌn tokꞌi ja acꞌ, oxmul xtabij na chwe chi: —Anin ma wotak ta rwach ja Jesús, natcheꞌ na chwe. Queriꞌ ja bin tre. Cꞌacꞌariꞌ xelto, congana jun nimlaj bis okꞌej nuban.

San Mateo 7:3

¿Nak tre tok neyaꞌ cuenta tre jun ti ril nuban ja rewachꞌalal pro mateyaꞌ cuenta tre jun nimlaj ewil neban ixix? Ja tok neban queriꞌ jariꞌ caniꞌ neyaꞌ cuenta tre jun ti rcꞌutal cheꞌ ja cꞌo parwach ja rewachꞌalal pro mateyaꞌ cuenta tre jun nimlaj cheꞌ ja cꞌo panewach ixix.

San Mateo 7:4

In chakajaꞌ nak moda nebij tre ja rewachꞌalal: —Wachꞌalal, tayaꞌaꞌ lugar chake chi nkayaꞌ jun consejo chawe tre ja il mac ja cꞌo pan acꞌaslemal, nixcheꞌ tre, pro más na nim ja il mac cꞌo pan ecꞌaslemal ixix.

San Lucas 13:15

Ja cꞌa kajaw Jesús tok xcꞌaxaj ja xbij ja jefe quewaꞌ xbij tre riꞌ: —Caꞌiꞌ apalaj. Ixix ja pa tak xulaꞌnbal kꞌij ¿la mta cꞌa jun chewe ja maquita nuquirel ja rwacax owi ruquiej in maquita nucꞌamel neryaꞌaꞌ ruyaꞌ?

San Lucas 22:32

Pro anin nbanon orar pan acuenta utzcꞌa chi matiqꞌuisi chijutij ja yukulbal acꞌuꞌx wqꞌuin. Atat ja tok xcatmelojpi chic jutij pa nukꞌaꞌ tacowirsaj chic quecꞌuꞌx ja rawachꞌalal, neꞌ tre.

San Lucas 6:41

¿Nak tre tok neyaꞌ cuenta tre jun ti ril nuban ja rewachꞌalal pro mateyaꞌ cuenta tre jun nimlaj ewil neban ixix? Ja tok neban queriꞌ jariꞌ caniꞌ neyaꞌ cuenta tre jun ti rcꞌutal cheꞌ ja cꞌo parwach ja rewachꞌalal pro mateyaꞌ cuenta tre jun nimlaj cheꞌ ja cꞌo panewach ixix.

San Lucas 6:43

Queriꞌ nbij chewe como mta jun utzlaj cheꞌ xtuyaꞌ ta itzel rwach nixtacꞌa ja ritzel cheꞌ xtuyaꞌ ta rwach utz.

Hechos 13:10

in quewaꞌ xbij tre riꞌ: —Atat xa at banol engaño, xa at itzel achi, xa at ralcꞌwal diablo, ni mta wiꞌ agana ruqꞌuin ja rutzil. ¿Nak cꞌa tre ja tok nachꞌaꞌ ja rtzobal Dios? ¿Nak cꞌa tre ja tok matayaꞌ lugar chique ja winak chi nquinimaj?

Hechos 2:38

Ja cꞌa Pedro xbij chique: —Teqꞌuexaꞌ ja renaꞌoj in teyaꞌaꞌ can ja ritzelal in chakajaꞌ quixban bautizar chejujunal pa rubiꞌ ja Jesucristo utzcꞌa chi ncuytaji ja rewil emac. Ja wi queriꞌ neban ja Dios arjaꞌ nutakto na ja rEspíritu Santo ewqꞌuin.

Hechos 8:21

Jawaꞌ samaj xin Dios ja kamajon rbanic riꞌ mta akꞌaꞌ atat tre como xa ma utz ta ja rawanma chwa Dios.

Romanos 2:1

Como yatal camíc chiquij ja nebanowi ja ritzelal rmalcꞌariꞌ tok mta nquitobej quiꞌ ja winak ja tok neꞌoqui e caniꞌ kꞌetol tak tzij trij jun winak. Mta como ejeꞌeꞌ tok nquekꞌet tzij trij jariꞌ xa nquekꞌet kaj tzij chiquij ejeꞌeꞌ queyon. Queriꞌ cꞌa rbanic como ejeꞌeꞌ nquekꞌet tzij trij pro ejeꞌeꞌ jun nebanowi ja ritzelal chakajaꞌ.

2 Corintios 5:18

Nojel awaꞌ ja cꞌa xinbij kaj chewe riꞌ ruqꞌuin Dios penak wiꞌ in camic ja Dios arjaꞌ ryaꞌon chake chi okchomtajnak chic ruqꞌuin rmal ja Cristo in cꞌo jun samaj ryaꞌon chi kakul ajoj jariꞌ chi nkachꞌob chiquewach ja winak nak rbanic ja tok nechomtaj ruqꞌuin.

2 Timoteo 2:21

Ja wi cꞌo jun npartiꞌij riꞌ chi matuban ja ritzelal arjaꞌ noc jun ajsamajel ja nim rukꞌij, junan ruqꞌuin ja waꞌbal ja nimak rukꞌij. Arjaꞌ partiꞌin chi nuban ja samaj ja congana ncꞌatzin tre ja rajaw. Arjaꞌ ncowini nuban ja rutzil xa nak ta ja najoꞌx tre chi nuban.

2 Pedro 1:9

Pro ja winak ja mta chique ja xintzꞌibaj riꞌ ejeꞌeꞌ e caniꞌ moyaꞌ, xa matiquetzꞌat ja rtzujunto ja Dios, xa jaꞌ nquetzꞌat ja cꞌo chiquinakaj ja xin rwachꞌulew. Matinataj chic chique chi xechꞌachꞌojirsax chipan ja rojer quil quemac.