San Lucas 6:29 - Tz'utujil (Ja Cꞌacꞌa Chominem)

²⁹ Ja wi cꞌo jun xuyaꞌ jun kꞌaꞌ xewey teyaꞌaꞌ lugar tre chi nuyaꞌ chic jun chajuparaj. In wi cꞌo chic jun xumaj chewe ja recamisa ja neban, teyaꞌaꞌ echaqueta tre chakajaꞌ.

Tz'utujil NT

²⁹ Wc'ola jun xuya' jun k'a' chaplaj tey-a' c'as tzra chnuya' chic jun pjupraj chic aplaj. Wc'ola jun chic xumaj acmis chawa tey-a' ela achump tzra chka'.

San Lucas 6:29 Iomraidhean Croise

San Mateo 26:67

Cꞌacꞌariꞌ quichubaj rpalaj, quesoc in ecꞌoli chique queyaꞌ kꞌaꞌ chi rpalaj,

San Lucas 22:64

Quitzꞌapij rwach chi suꞌt in tok tzꞌaptaj cumal queyaꞌ kꞌaꞌ chi rpalaj in quewaꞌ quibij tre riꞌ: —Tabij cꞌa chake camic ¿nak yowi kꞌaꞌ chi apalaj? xecheꞌ tre.

San Lucas 6:30

Ja wi cꞌo jun cꞌoli xcꞌutuj chewe teyaꞌaꞌ tre in wi na cꞌo jun cꞌoli ja xucꞌamel chewe ma techꞌojij ta tre.

San Juan 18:22

Ja Jesús tok bitaj rmal ja tzij riꞌ cꞌo jun chique ja pulisiyaꞌ ja recꞌo triꞌ xuyaꞌ jun kꞌaꞌ chi rpalaj in xbij tre: —¿La rubey ta cꞌa ja chaka quelaꞌ nacꞌulbaꞌ? Makanaꞌ maquita lokꞌlaj sacerdote ja ntzijon awqꞌuin, neꞌxi rmal ja pulisiꞌy.

Hechos 23:2

Cꞌacꞌariꞌ ja Ananías ja lokꞌlaj sacerdote arjaꞌ xuyaꞌ orden chique ja recꞌoloc chinakaj ja Pablo chi nqueyaꞌ jun kꞌaꞌ chwa rey.

1 Corintios 4:11

Ja cꞌa rpokonal cꞌa majtajnak na chakij camic caniꞌ tre waꞌal chakichiꞌ in caniꞌ tre katziak kas tak lawuloꞌ chic chakij. Cꞌo jeꞌe noc kꞌaꞌ chakij in mta kochoch ja ni ta kaxin wiꞌ.

1 Corintios 6:7

Inso chakajaꞌ ja tok neyaꞌ parte chibil tak ewiꞌ jariꞌ xa nixmeloj chewij tre ja recꞌaslemal. Ja tok cꞌoli nba̱n chewe in tok cꞌoli nalakꞌax chewe ¿nak tre tok matecochꞌ kaj chwach ja neyaꞌ parte?

2 Corintios 11:20

Como ixix chaka quiꞌ chewe ja tok wi cꞌo jun winak ja chaka nixruban mandar in nuban chewe ix caniꞌ esclavo pa rukꞌaꞌ, owi nuqꞌuis chewach nojel ja cꞌol ewqꞌuin, owi nlakꞌaj ja renakun, owi nucoj riꞌ ruyon chi congana nim rukꞌij arjaꞌ chewach ixix, owi nuyaꞌ kꞌaꞌ xeꞌ tak ewey.

Hebreos 10:34

Como ja xeqꞌuejeꞌ pa tak cheꞌ rumac ja Jesucristo xepokonaj quewach. In tok majtaj chewe ja mebaꞌil ma xepokonaj ta, xixquicoti. Como bien ewotak chi cꞌol emebaꞌil chilaꞌ chicaj ja más chi na utz ja ni mta wiꞌ qꞌuisic trij chewiꞌ tok xixquicoti.