San Lucas 6:25 - Tz'utujil (Ja Cꞌacꞌa Chominem)

²⁵ Ixix ja ni cꞌo wiꞌ nimak tak waꞌim neban camic jariꞌ congana lawuloꞌ chewe como xtetij na waꞌal. Ixix ja solo tzeb neban camic jariꞌ congana lawuloꞌ chewe como xquixbison na, xquixokꞌ na.

Tz'utujil NT

²⁵ Ixix jc'ola nmak tak w-im neban camic, jara' congan lowlo' chewa com netaj na wyejal. Ixix je kas congan tzeb neban camic jara' congan lowlo' chewa com nquixbison na y nquixok' na.

San Lucas 6:25 Iomraidhean Croise

San Lucas 12:20

Pro quewaꞌ bix tre rmal ja Dios riꞌ: —Nacnic achi, chipan awaꞌ jun akꞌaꞌ riꞌ puersa natcami in nojel ja mebaꞌil ja racꞌolon jariꞌ xa nqꞌuejeꞌ can, neꞌxi ja rachi.

San Lucas 13:28

Tokocꞌariꞌ tok xtetzꞌat ja rAbraham chi arjaꞌ cꞌo chipan ja gobierno xin Dios e rachbil ja rIsaac in Jacob e rachbil chakajaꞌ canojel ja rojer tak profeta xin Dios pro ja cꞌa rixix ma xtiyataj ta chewe chi nixoc ta chiquicojol. Rmalcꞌariꞌ ja tok xtemaj jun nimlaj bis okꞌej in xtecachꞌachꞌej ewakꞌ rmal.

San Lucas 6:24

Pro ja cꞌa rixix ja rix biyomaꞌ jariꞌ congana lawuloꞌ chewe como nixquicoti camic pro jariꞌ jun quicotemal ja xa nocꞌowi.

San Lucas 6:26

Ja tok nya̱ꞌ ekꞌij cumal canojel ja winak jariꞌ congana lawuloꞌ chewe como ja catiꞌt quimamaꞌ ejeꞌeꞌ queyaꞌ quekꞌij chakajaꞌ ja rojer tak profeta ja ma e xin Dios ta.

San Lucas 8:53

Pro ja rejeꞌeꞌ xa quitzebej como bien cotak chi cami ja xtan.

Efesios 5:4

Maxta tzꞌilalaj tak tzij tetzijoj nixtacꞌa chꞌujlaj tak tzij ta in nixtacꞌa juleꞌ tzij ta ja solo tzeb rcꞌamonto como jariꞌ ma yatal chi ta chewij chi neban pro mejor ja neban, temaltioxij tre ja Dios nojelal ja rbanon pan ecuenta.

1 Tesalonicenses 5:3

Ja tok xajalal majaꞌn tipeti ja Jesucristo ja winak xtiquibij: —Congana quiꞌil ja tiempo okcꞌo wiꞌ riꞌ, ni majun rcꞌayewal, xquecheꞌe, pro chaka jalal tok nkajto juicio chiquij caniꞌ tre jun ixok chaka jalal tok nmajtaj rmal ja rtiꞌobal jun ti ral tok xajalal majaꞌn tiqꞌuejeꞌe. Queriꞌ xtibantaj chique, ni majun nutoꞌ riꞌ chique.

Santiago 4:9

Titiꞌon cꞌa chewe ja rewil emac ja rebanon in quixokꞌ rmal chakajaꞌ. Ma quixtzeben chi ta rmal ja quicotemal xin rwachꞌulew, ja neban quixokꞌ rmal ja rewil emac in quixbison rmal.

Apocalipsis 3:17

Queriꞌ nbij chewe como ixix nebij chi congana ix biyomaꞌ in congana benak pa nim ja remebaꞌil in majun nak ta ncꞌatzin chewe, nixcheꞌe. Queriꞌ nebij pro xa ma ewotak ta chi ja chwach Dios congana lawuloꞌ ja rebanon, ix tak mebaꞌiꞌ, ix moyaꞌ in ni majun tetziak chewij.