San Lucas 6:24 - Tz'utujil (Ja Cꞌacꞌa Chominem)

²⁴ Pro ja cꞌa rixix ja rix biyomaꞌ jariꞌ congana lawuloꞌ chewe como nixquicoti camic pro jariꞌ jun quicotemal ja xa nocꞌowi.

Tz'utujil NT

²⁴ Per ixix je ix byoma' jara' congan lowlo' chewa com nquixquicota camic per jara' jun quicotemal xe nk'axa.

San Lucas 6:24 Iomraidhean Croise

San Mateo 6:16

In jun chic, ja tok neban ayuno chi ryabexic rukꞌij ja Dios maxta teban ixix ja caniꞌ nqueban ja winak ja xa cacaꞌ quipalaj como ejeꞌeꞌ ni quigana wiꞌ nqueban nbisoni ja quipalaj, ni lawuloꞌ nqueban tre utzcꞌa chi netzꞌati cumal ja winak chi ayuno ja quimajon rbanic. Anin ni katzij wiꞌ ja xtinbij chewe riꞌ, ja tok nya̱ꞌ quekꞌij cumal ja winak tok nqueban ja rayuno ni xa ruyon wariꞌ ja rtojbalil nquechꞌec trij, mchita nak chi ta.

San Mateo 6:2

Rmalcꞌariꞌ nbij chewe, tok cꞌo jun ti ayuda nesipaj maxta tewasaj ja rtzijoxic ja caniꞌ nqueban ja winak ja xa cacaꞌ quipalaj. Ejeꞌeꞌ pa tak jay xin molbal riꞌil nquisipaj wiꞌ ja rayuda in pa tak bey chakajaꞌ utzcꞌa chi nya̱ꞌ quekꞌij cumal ja winak ja netzꞌato quixin. Anin ni katzij wiꞌ ja nbij chewe riꞌ, ejeꞌeꞌ ja tok nya̱ꞌ quekꞌij cumal ja winak ni xa ruyon wariꞌ ja rtojbalil nquechꞌec trij, mchita nak chi ta.

San Mateo 6:5

In jun chic, ja tok neban oración maxta queriꞌ teban ja caniꞌ nqueban ja winak ja xa cacaꞌ quipalaj. Queriꞌ nbij chewe como ejeꞌeꞌ congana nel quecꞌuꞌx trij ja nepeꞌe pa tak jay xin molbal riꞌil chi rbanic oración in pa tak esquina pa bey chakajaꞌ. Queriꞌ nqueban utzcꞌa chi nya̱ꞌ quekꞌij cumal ja winak ja netzꞌato quixin. Anin ni katzij wiꞌ nbij chewe, ja tok nya̱ꞌ quekꞌij cumal ja winak ni xa ruyon wariꞌ ja rtojbalil nquechꞌec trij, mchita nak chi ta.

San Lucas 6:25

Ixix ja ni cꞌo wiꞌ nimak tak waꞌim neban camic jariꞌ congana lawuloꞌ chewe como xtetij na waꞌal. Ixix ja solo tzeb neban camic jariꞌ congana lawuloꞌ chewe como xquixbison na, xquixokꞌ na.

1 Timoteo 6:17

Tabij chique ja biyomaꞌ chi ma tiqueyaꞌ ta quekꞌij, maxta tiyukeꞌ quecꞌuꞌx ruqꞌuin ja quibiyomal como ja biyomal mta yukulbal cꞌuxlal rcꞌamonto. Mejor tiyukeꞌ quecꞌuꞌx ruqꞌuin ja cꞌaslic Dios. Nojel ja cꞌo chwachꞌulew Dios tzꞌucarsyon, congana qꞌuiy rwach utzcꞌa chi nokquicot rmal.

Santiago 2:6

Pro ixix neban chique tak mebaꞌiꞌ ni ma ecꞌo ta. Ja cꞌa biyomaꞌ lokꞌ neꞌenaꞌ pro ¿la ma ejeꞌeꞌ ta cꞌa biyomaꞌ ja nebano pokon chewe, la ma ejeꞌeꞌ ta cꞌa biyomaꞌ ja nechararan ewxin pa tak kꞌetbaltzij?