San Lucas 6:23 - Tz'utujil (Ja Cꞌacꞌa Chominem)

²³ Ja tok queriꞌ nqueban chewe quixquicoti pro congana quixquicoti como jariꞌ cꞌo jun nimlaj rtojbalil ja nyataj na chewe chilaꞌ chicaj. Como ja catiꞌt quimamaꞌ queriꞌ queban chique chakajaꞌ ja rojer tak profeta ja re xin Dios.

Tz'utujil NT

²³ Tak cara' nqueban chewa quixquicot c'a per congan quixquicota com jara' c'ola jun nimlaj rtojbalil je nyataj na chewa tzra' chcaj. Com je' cti't quemma' cara' xqueban chca chka' e ojer tak profeta rxin Dios.

San Lucas 6:23 Iomraidhean Croise

San Mateo 5:12

Ja tok queriꞌ nqueban chewe quixquicoti pro congana quixquicoti como jariꞌ cꞌo jun nimlaj rtojbalil ja nyataj na chewe chilaꞌ chicaj. Quixquicoti como queriꞌ ban chique ja rojer tak profeta chakajaꞌ ban itzel chique.

San Lucas 1:41

Ja cꞌa rElisabet ja tok xcꞌaxaj ja rutzil rwach yaꞌ rmal ja María chaka jalal tok xunaꞌ ja ti ral ja cꞌo pa gracia chi congana xusil riꞌ in noji ja rEspíritu Santo pa ranma ja rElisabet.

San Lucas 1:44

Queriꞌ nbij chawe como anin ja tok chaka maril xayaꞌ rutzil nwach xinnaꞌ ja ti wal ja cꞌo pa gracia congana xusil riꞌ rumac quicotemal.

San Lucas 6:35

Pro ja cꞌa rixix queꞌewajoꞌ ja recꞌulel, tebanaꞌ ja rutzil, teyaꞌaꞌ kajonem pro maxta quixoclaꞌ il tre ja rcꞌaxel. Ja wi queriꞌ neban jariꞌ cꞌo jun nimlaj rtojbalil nyataj na chewe in triꞌ nixkꞌalajin wiꞌ chi ix ralcꞌwal ja nimlaj Dios como ja Dios arjaꞌ nuban utzil chique ja winak masqui ejeꞌeꞌ ni matiquimaltioxij wiꞌ tre, masqui xa e itzel tak winak.

Hechos 14:10

Cow tzijon ruqꞌuin: —Catyictaji, neꞌ tre. Chaka cꞌa jalal tok yictaji in xumaj binem.

Hechos 3:8

Ja cꞌa cojo xuqꞌuiak riꞌ chicaj, peꞌi in xumaj binem. Xerachbilajel ja Pedro in Juan, xeꞌoc chipan ja templo. Congana nuqꞌuiak riꞌ chicaj, janila nuyaꞌ rukꞌij ja Dios.

Hechos 5:41

Xebe ja rapóstol, congana nequicoti como yataj chique chi quetij pokon pa rubiꞌ ja Jesucristo.

Romanos 5:3

In jun chic, congana nokquicot rmal chakajaꞌ ja rpokonal ja nkatij pa rubiꞌ ja Jesucristo. Nokquicoti como bien kotak chi chipan ja rpokonal nqꞌuiy wiꞌ más ja kapaciencia.

2 Corintios 12:10

Rmalcꞌariꞌ ja tok ninquicot rmal ja bien nchꞌobtaj mwal chi anin in jun achi ja xa in débil, caniꞌ tre tok nintzꞌuji in ninyokꞌi rmal ja samaj xin Dios in caniꞌ tre tok cꞌo jeꞌe nuban falta chwe rmal ja samaj, in caniꞌ tre tok nba̱n pokon chwe in tok ninqꞌuejeꞌ pa rcꞌayewal rmal ja Cristo. Ninquicoti como ja tok bien nchꞌobtaj mwal chi xa in débil jariꞌ congana nsamaji ja poder xin Cristo chipan ja ncꞌaslemal.

Colosenses 1:24

Ja cꞌa camic incꞌo chipan ja rpokonal chi etoꞌic pro ninquicot rmal. Como anin in rachbil ja Cristo chi rtijic ja rpokonal ja majaꞌn tikꞌax trij como cꞌa ntiꞌon na tre ja Cristo nojel ja nba̱n chake ja rok cuerpo rxin ja rok iglesia.

2 Timoteo 2:12

Ja wi nkacochꞌ ja rpokonal ja xtipi chakij jariꞌ xkoꞌoc rach kꞌetol tak tzij ja Jesucristo. Ja wi nkapokonaj nkabij chi okcꞌo pa rcuenta arjaꞌ nbij na chake chakajaꞌ chi ma ok rxin ta.

Hebreos 11:26

Más na vale ja ntij rpokonal rumac ja Cristo chwach ja xtinchꞌec ta nojelal ja mebaꞌil ja cꞌo pan Egipto, neꞌ kaj. Arjaꞌ kas tzꞌel pon rwach trij ja rtojbalil ja nya̱ꞌ na tre rmal ja Dios chewiꞌ tok queriꞌ xuchꞌob.

Hebreos 11:6

Ja Dios wi mta yukulbal acꞌuꞌx ruqꞌuin jariꞌ mta moda utz ta xtutzꞌat ja racꞌaslemal. Ja wi cꞌol agana nattiloc ruqꞌuin ja Dios rjawaxic chawe ja caꞌiꞌ riꞌ, jun, nanimaj chi cꞌoli ja Dios, in jun chic, nanimaj chi ja Dios, wi natij akꞌij chi rilic arjaꞌ nyoꞌ chawe ja rtojbalil.

Santiago 1:2

Wachꞌalal, ja tok newil jeꞌe prueba chipan ja recꞌaslemal congana ta nixquicot rmal, ma quixbison ta.

1 Pedro 4:13

Ja neban, quixquicoti rmal ja yatajnak chewe chi xa jun neban ruqꞌuin ja Cristo chi rtijic ja rpokonal. Ja wi queriꞌ neban jariꞌ más chi na nixquicoti chakajaꞌ ja tok xtipi chic jutij ja Jesucristo tokoriꞌ tok nkꞌalajin na chi congana nim rukꞌij.

Apocalipsis 2:17

Ja cꞌo quixquin tiquicꞌaxaj cꞌa ja ntajini nbij ja rEspíritu Santo chique ja riglesia. Xa nak ta ja nechꞌocmaji in matiqueyaꞌ quiꞌ tre ja ritzelal chi xqueruchꞌec ta, anin nyaꞌ na chique chi nquetij ja maná ja rawatali in nyaꞌ na jujun abaj sak chique chakajaꞌ in jariꞌ abaj cꞌo jun biꞌaj cꞌacꞌa tzꞌibtal chwach ja majun otakyon, xa ruyon ja njach wiꞌ ja rabaj arjaꞌ notakini. Queriꞌ ja natzꞌibajel tre ja ángel rxin ja riglesia ja cꞌo Pérgamo, neꞌ chwe.

Apocalipsis 2:26

Ja nechꞌocmaji in matiqueyaꞌ quiꞌ tre ja ritzelal chi xqueruchꞌec ta in ni matiqueyaꞌ can wiꞌ ja mandamiento wxin, anin xtinyaꞌ chique chi neꞌoc e kꞌetol tak tzij pa quewiꞌ ja winak ja recꞌo pa tak nación jeꞌe.

Apocalipsis 2:7

Ja cꞌo quixquin tiquicꞌaxaj cꞌa ja ntajini nbij ja rEspíritu Santo chique ja riglesia. Xa nak ta ja nechꞌocmaji in matiqueyaꞌ quiꞌ tre ja ritzelal chi xqueruchꞌec ta, anin nyaꞌ na chique chi nquetij rwach ja cheꞌ ja rcꞌamonto ja utzlaj cꞌaslemal ja mta qꞌuisic trij. Jariꞌ cheꞌ ja cꞌo pa nicꞌaj tre ja lugar paraíso ja bar cꞌo wiꞌ ja Dios. Queriꞌ ja natzꞌibajel tre ja ángel rxin ja riglesia ja cꞌo pa Efeso, neꞌ chwe.

Apocalipsis 21:7

Xa nak ta ja nechꞌocmaji in matiqueyaꞌ quiꞌ tre ja ritzelal chi xqueruchꞌec ta jariꞌ nyataj chique ja herencia xin Dios pro ni chi nojelal, ja cꞌa ranin nij in Dios wiꞌ quixin in ejeꞌeꞌ nij e walcꞌwal wiꞌ.

Apocalipsis 3:12

Ja nechꞌocmaji in matiqueyaꞌ quiꞌ tre ja ritzelal chi xqueruchꞌec ta, anin nyaꞌ na chique chi neꞌoqui e caniꞌ rkan tak jay rxin ja templo rxin ja nDios, xajutij neqꞌuejeꞌ triꞌ, ni majun nak ta xtilasan ta quixin chipan. In jun chic, can ntzꞌibaj na rubiꞌ ja nDios chiquij in ntzꞌibaj rubiꞌ ja tinamit rxin ja nDios chiquij chakajaꞌ. Jawaꞌ tinamit riꞌ jariꞌ ja cꞌacꞌa Jerusalén ja nelto chicaj ruqꞌuin ja nDios in nkajto cꞌa chwach ja rwachꞌulew. In cꞌo jun biꞌaj cꞌacꞌa wxin jariꞌ ntzꞌibaj chiquij chakajaꞌ.

Apocalipsis 3:5

Ja nechꞌocmaji in matiqueyaꞌ quiꞌ tre ja ritzelal chi xqueruchꞌec ta jariꞌ cꞌo juleꞌ tziak sak ja nyataj na chique chi nquecoj in anin matinchup quebiꞌ chipan ja libro ja bar tzꞌibtal wiꞌ quebiꞌ ja winak ja yatajnak chique ja utzlaj cꞌaslemal ja mta qꞌuisic trij in tok xqueꞌekaj chwach ja Nataꞌ e rachbil ja ángel ni chiquewach nbij wiꞌ chi ecꞌo pa ncuenta.