San Lucas 6:22 - Tz'utujil (Ja Cꞌacꞌa Chominem)

²² Congana quiꞌil chewe ixix ja nixtzelax cumal ja winak in maquixcꞌul cumal in xa nixtzꞌuj cumal in nbix chewe cumal chi xa ix itzel tak winak pro congana quiꞌil chewe ja wi mwal anin tok nba̱n queriꞌ chewe, anin ja rin Alcꞌwalaxel ja xinoc alaxic cuqꞌuin ja winak.

Tz'utujil NT

²² Congan quicotemal rxin Dios nyataja chewa je nquixtzelaxa cmal wnak, jmajo'n nquixquec'ul ta y xe nquixquetz'uj y xe ix itzel tak wnak necbij chewa, per congan quicotemal nyataja chewa tak nmal anen tak cara' nba'na chewa, anen ja en Rlec'walxel jxenoca alxic cuq'uin wnak.

San Lucas 6:22 Iomraidhean Croise

San Mateo 10:18

Nixquecꞌamel chiquewach gobernador, nixquecꞌamel chiquewach rey pro mwal anin tok xtiban queriꞌ chewe. Queriꞌ xtiban chewe utzcꞌa chi nel ntzijoxic chiquewach ejeꞌeꞌ in chiquewach ja winak ja ma e aj Israel ta.

San Mateo 10:22

Ja cꞌa rixix xa itzel nixtzꞌat na cumal canojel ja winak pro mwal anin ja tok xtiban queriꞌ chewe. Pro canojel ja xtiquecochꞌ quewach chipan ja rpokonal in ni matiqueyaꞌ can wiꞌ ja yukulbal quecꞌuꞌx wqꞌuin ejeꞌeꞌ riꞌ nquewil na ja totajem xin Dios.

San Mateo 10:39

Ja winak ja nquipokonaj nqueyaꞌ can ja quicꞌaslemal jariꞌ nquitzꞌilaꞌ ja utzlaj cꞌaslemal ja mta qꞌuisic trij. Pro ja winak ja matiquipokonaj nqueyaꞌ can ja quicꞌaslemal mwal anin jariꞌ nquewil na ja utzlaj cꞌaslemal ja mta qꞌuisic trij.

San Lucas 20:15

Cꞌacꞌariꞌ quiwasajto chipan ja chenoj in quicamsaj. Queriꞌ nbij ja cꞌambal tzij, neꞌe ja Jesús chique. Cꞌacꞌariꞌ xbij chic chique: —Camic tebij cꞌa chwe, ja rajaw chenoj ¿nak nuban cꞌariꞌ?

San Lucas 21:17

Xa itzel nixtzꞌat na cumal canojel ja winak pro mwal anin ja tok xtiban queriꞌ chewe.

San Lucas 6:21

Ixix ja nkꞌakꞌan epan congana quiꞌil chewe como xquixnoj na chi utz. Ixix ja nixtajini nixokꞌi congana quiꞌil chewe como xquixtzeben na.

San Juan 12:42

Pro e qꞌuiy chique ja kꞌetol tak tzij ejeꞌeꞌ quinimaj ja Jesús pro xa nquipokonaj nquibij chi yukul quecꞌuꞌx ruqꞌuin como nquixbej quiꞌ chiquewach ja fariseo: —Maxla nokquichꞌakijto chipan ja jay xin molbal riꞌil ja bar ncꞌaxax wiꞌ ja rtzobal Dios in makoquecꞌul chic chipan, xecheꞌe.

San Juan 16:2

Como ja winak ejeꞌeꞌ nixquichꞌakijto na pa tak jay xin molbal riꞌil ja bar ncꞌaxax wiꞌ ja rtzobal Dios in maquixcꞌul chic chipan. In cꞌuluto, nerilaꞌ na jun kꞌij ja tok nixquicamsaj in ja pa quetzij ejeꞌeꞌ rvoluntad Dios nqueban ja nixquicamsaj.

San Juan 17:14

Anin bien xinkꞌalasaj chiquewach ja ratzobal ja rabin chwe in camic xa itzel netzꞌa̱t cumal ja winak ja xa ruqꞌuin rwachꞌulew yukul wiꞌ quecꞌuꞌx como ejeꞌeꞌ ma ruqꞌuin ta rwachꞌulew yukul wiꞌ quecꞌuꞌx in caniꞌ chwe anin chakajaꞌ ma ruqꞌuin ta rwachꞌulew yukul wiꞌ nucꞌuꞌx.

San Juan 7:7

Como ja chewe ixix, ja winak mta moda itzel ta xquixquetzꞌat pro ma queriꞌ ta chwe anin, xa itzel ninquetzꞌat rmal ja nmajon rkꞌalasaxic chiquewach ja ritzelal nqueban.

San Juan 9:34

Ja cꞌa rejeꞌeꞌ quemaj chic ryokꞌic ja rachi, quewaꞌ quibij tre riꞌ: —Ja ratat xa rmal il mac tok nij at moy wiꞌ xatalaxi ¿in atat nawajoꞌ nokatijoj ajoj? Queriꞌ quibij tre in quiwasajel chiquicojol chijutij in ma xquecꞌul chi ta.

Hechos 22:22

Ja Pablo tok xernataj ja winak ja ma e aj Israel ta mchita quigana ja winak nquicꞌaxaj más ja nbij. Rmalcꞌariꞌ ja tok quemaj rakic quechiꞌ in quewaꞌ quibij riꞌ: —Ticamsaxi ja rachi leꞌ. Ma yatal chi ta trij chi ncꞌaseꞌ na más, xecheꞌe.

Hechos 24:5

Jalaꞌ jun achi leꞌ xa ticol chꞌaꞌoj, nojel nat nakaj nbe wiꞌ in xa neruyoj ja kach tak aj Israel. Arjaꞌ cꞌayon quixin ja winak ja quiniman ja tijonem rxin ja rachi ja raj Nazaret.

Hechos 9:16

Como anin nchꞌobo chwach chi congana rpokonal nutij na pa nubiꞌ, neꞌe ja kajaw Jesucristo tre.

Santiago 1:12

Kas quiꞌil chique ja necochꞌowi ja prueba ja nkꞌax jeꞌe chiquij. Ja tok nquechꞌec ja prueba jariꞌ nquicꞌutbej chi ni katzij wiꞌ chi cꞌo yukulbal quecꞌuꞌx ruqꞌuin ja Dios. Ja wi queriꞌ nqueban cꞌacꞌariꞌ xtiyataj chique ja premio jariꞌ jun utzlaj cꞌaslemal ja mta qꞌuisic trij, jariꞌ premio rtzujun ja Dios chique canojelal ja neꞌajoꞌn rxin.

1 Pedro 3:14

Owi cꞌoli ja pokon nba̱n chewe rmal ja rutzil neban pro jariꞌ cꞌoli rcꞌamonto chewe. Ma texbej ta ewiꞌ chiquewach ja winak ja ncajoꞌ nqueban pokon chewe in ma quixoclaꞌ ta il chakajaꞌ.