San Lucas 6:21 - Tz'utujil (Ja Cꞌacꞌa Chominem)

²¹ Ixix ja nkꞌakꞌan epan congana quiꞌil chewe como xquixnoj na chi utz. Ixix ja nixtajini nixokꞌi congana quiꞌil chewe como xquixtzeben na.

Tz'utujil NT

²¹ Ixix je nk'ak'ana epam congan quicotemal rxin Dios nyataja chewa com congan nquixnoj na. Ixix je nquixok'a camic congan quicotemal rxin Dios nyataja chewa com nquixtzeben na.

San Lucas 6:21 Iomraidhean Croise

San Mateo 5:4

Congana quiꞌil chique ja winak ja netajini neꞌokꞌi in nebisoni, congana quiꞌil chique como nyukbax cꞌa quecꞌuꞌx ariꞌ.

San Mateo 5:6

Congana quiꞌil chique ja winak ja congana nquiyarij nquetzuk ja canma tre ja rutzil xin Dios, congana quiꞌil chique como ja rutzil nquiyarij jariꞌ xtinoj na pa tak canma.

San Lucas 1:53

Congana utzlaj tak nakun xuyaꞌ chique ja winak ja nkꞌakꞌan quepan pro ja cꞌa biyomaꞌ ejeꞌeꞌ xbij chique chi neꞌeli in ni majun nak ta xuyaꞌel ta chique.

San Lucas 6:20

Cꞌacꞌariꞌ ja Jesús xertzꞌelwachij ja rdiscípulo in quewaꞌ xbij riꞌ: —Ixix ja rix tak mebaꞌiꞌ congana quiꞌil chewe como ewxin cꞌariꞌ ja gobierno xin Dios.

San Lucas 6:22

Congana quiꞌil chewe ixix ja nixtzelax cumal ja winak in maquixcꞌul cumal in xa nixtzꞌuj cumal in nbix chewe cumal chi xa ix itzel tak winak pro congana quiꞌil chewe ja wi mwal anin tok nba̱n queriꞌ chewe, anin ja rin Alcꞌwalaxel ja xinoc alaxic cuqꞌuin ja winak.

San Lucas 6:25

Ixix ja ni cꞌo wiꞌ nimak tak waꞌim neban camic jariꞌ congana lawuloꞌ chewe como xtetij na waꞌal. Ixix ja solo tzeb neban camic jariꞌ congana lawuloꞌ chewe como xquixbison na, xquixokꞌ na.

San Juan 11:35

Ja cꞌa Jesús xumaj okꞌej.

San Juan 4:10

Ja cꞌa Jesús xbij chic tre: —Ja wixta chꞌobtajnak amwal nak rbanic ja cochinem ja nsipaj ja Dios chawe, wixta chꞌobtajnak amwal nak inocnak wiꞌ anin ja nintajini nintzijon awqꞌuin camic riꞌ ja nmajon rcꞌutuxic nuyaꞌ chawe, atat xacꞌutuj ta yaꞌ ariꞌ chwe chakajaꞌ in xinyaꞌ ta jun yaꞌ chawe pro jun yaꞌ ja rcꞌamonto jun cꞌacꞌa cꞌaslemal chawe, neꞌ tre.

San Juan 6:35

—Anin cꞌariꞌ ja rin way, anin ninyowi ja utzlaj cꞌaslemal ja mta qꞌuisic trij. Ja winak ja nyukeꞌ quecꞌuꞌx wqꞌuin jariꞌ ni mchita wiꞌ waꞌal xtiquetij ta nixtacꞌa chakichiꞌ ta chakajaꞌ.

1 Corintios 4:11

Ja cꞌa rpokonal cꞌa majtajnak na chakij camic caniꞌ tre waꞌal chakichiꞌ in caniꞌ tre katziak kas tak lawuloꞌ chic chakij. Cꞌo jeꞌe noc kꞌaꞌ chakij in mta kochoch ja ni ta kaxin wiꞌ.

2 Corintios 11:27

Congana jun samaj nbanon in congana xinrcosaj chakajaꞌ. Qꞌuiylaj mul ja ma xinwar ta chakꞌaꞌ, xintij waꞌal chakichiꞌ. Qꞌuiylaj mul ja ma xinwaꞌ ta, xintij pokon rmal tew in ja ntziak kas tak lawuloꞌ chwij.

2 Corintios 12:10

Rmalcꞌariꞌ ja tok ninquicot rmal ja bien nchꞌobtaj mwal chi anin in jun achi ja xa in débil, caniꞌ tre tok nintzꞌuji in ninyokꞌi rmal ja samaj xin Dios in caniꞌ tre tok cꞌo jeꞌe nuban falta chwe rmal ja samaj, in caniꞌ tre tok nba̱n pokon chwe in tok ninqꞌuejeꞌ pa rcꞌayewal rmal ja Cristo. Ninquicoti como ja tok bien nchꞌobtaj mwal chi xa in débil jariꞌ congana nsamaji ja poder xin Cristo chipan ja ncꞌaslemal.

2 Corintios 6:10

Cꞌoli nokbisoni pro ja quicotemal xin Dios mta ariꞌ ja maquita cꞌo kuqꞌuin. Xa ok tak mebaꞌiꞌ pro e qꞌuiy ja reꞌocnak e biyomaꞌ rmal ja mebaꞌil xin Dios ja nkapaxij chiquewach. Xa kakꞌeten ti kakꞌaꞌ pro ni majun nak ta ja maquita kaxin. Nojel awaꞌ ja xinbij chewe riꞌ jariꞌ nkꞌalasan kaxin chi ni katzij wiꞌ chi ok ajsamajelaꞌ rxin ja Dios.

Santiago 1:12

Kas quiꞌil chique ja necochꞌowi ja prueba ja nkꞌax jeꞌe chiquij. Ja tok nquechꞌec ja prueba jariꞌ nquicꞌutbej chi ni katzij wiꞌ chi cꞌo yukulbal quecꞌuꞌx ruqꞌuin ja Dios. Ja wi queriꞌ nqueban cꞌacꞌariꞌ xtiyataj chique ja premio jariꞌ jun utzlaj cꞌaslemal ja mta qꞌuisic trij, jariꞌ premio rtzujun ja Dios chique canojelal ja neꞌajoꞌn rxin.

Apocalipsis 21:3

Cꞌo cꞌa jun kulaj xincꞌwaxaj penak chilaꞌ chicaj congana nim rukul, quewaꞌ nbij riꞌ: —Camic ja Dios ni chiquicojol ja winak nqꞌuejeꞌ chi wiꞌ. Arjaꞌ nqꞌuejeꞌ cuqꞌuin in ejeꞌeꞌ nij e tinamit wiꞌ rxin. Dios mismo ja nqꞌuejeꞌ cuqꞌuin, arjaꞌ Dios quixin.

Apocalipsis 7:16

Mchita waꞌal mchita chakichiꞌ xtiquetij, mchita rwakꞌij xtiquetij chi ta pokon pa rukꞌaꞌ nixtacꞌa cꞌatan chi ta xtiquenaꞌ.