San Lucas 6:17 - Tz'utujil (Ja Cꞌacꞌa Chominem)

¹⁷ Cꞌacꞌariꞌ ja Jesús arjaꞌ xuleꞌto chwach ja jayuꞌ e rachbil ja rapóstol. Ja cꞌa tok kajto chwach ja rwatakꞌaj triꞌ peꞌe wiꞌ cuqꞌuin ja rdiscípulo e cachbil juleꞌ chic winak pro congana e qꞌuiy. Ecꞌoli ja re aj Jerusalén in ecꞌoli ja repenak chipan ja juleꞌ chic tinamit ja recꞌo pa rcuenta Judea. Ecꞌoli chakajaꞌ ja repenak chiꞌ tak mar ja cꞌo pa rcuenta Tiro in pa rcuenta Sidón. Epenak canojel utzcꞌa chi nquicꞌaxaj ja nbij ja Jesús utzcꞌa chakajaꞌ chi netzursax tre ja quiyobilal.

Tz'utujil NT

¹⁷ C'jara' ja' Jesús xexle' ta chwech jyu' e rexbil apóstol. Tak xkaj ta chwech rutk'aj, tzra' xpe' wa' cuq'uin rdiscípulo e quexbil jle' chic wnak per congan e q'uiy. Ec'ola aj Jerusalén y ec'ola epenak chpam jle' chic tnamet jc'ola precwent Judea. Ec'ola chka' jepenak chi' tak mar jc'ola precwent Tiro y precwent Sidón. Epenak conjelal che necc'axaj je nbij Jesús y chka' che nquerchumsaj tzra je' cyubil.

San Lucas 6:17 Iomraidhean Croise

San Mateo 11:21

—Congana lawuloꞌ chewe ixix ja rix aj Corazín in congana lawuloꞌ chewe ixix chakajaꞌ ja rix aj Betsaida. Queriꞌ nbij chewe como congana nimak tak milagro xinban chewach pro ni ma xeqꞌuex ta wiꞌ ja renaꞌoj. Ja nimak tak milagro xinban chewach wixta ban chiquewach ja ritzel tak winak ja raj Tiro in ja raj Sidón ojer queqꞌuex ta cꞌariꞌ ja quinaꞌoj in queyaꞌ can ta cꞌariꞌ ja ritzelal, queban ta cꞌariꞌ ja nquicꞌutbej quiꞌ chi ntiꞌon chique ja ritzelal ja quibanon chipan ja quicꞌaslemal.

San Mateo 12:15

Ja cꞌa Jesús arjaꞌ rotak chi ncajoꞌ nquicamsaj, xelel chipan ja lugar in be. E qꞌuiy ja winak xetreꞌel trij. Arjaꞌ xertzursaj canojelal

San Mateo 14:14

Ja cꞌa Jesús tok xelto chipan ja lancha xerutzꞌat ja winak chi congana e qꞌuiy. Arjaꞌ xpokonaj quewach in xertzursaj ja yawaꞌiꞌ chique.

San Mateo 15:21

Cꞌacꞌariꞌ ja Jesús xelel chipan ja lugar, be cha jun lugar chic ja bar cꞌo wiꞌ ja caꞌiꞌ tinamit, jun rbinaꞌan Tiro in jun rbinaꞌan Sidón.

San Mateo 5:1

Ja cꞌa Jesús tok xutzꞌat chi congana e qꞌuiy ja winak arjaꞌ be, joteꞌ chwach jun jayuꞌ, xuwil jun lugar in triꞌ tzꞌabeꞌ wiꞌ. Ja cꞌa rdiscípulo ejeꞌeꞌ xeꞌekaj ruqꞌuin.

San Lucas 5:15

pro más chi na be rtzijoxic in congana e qꞌuiy ja winak nurquimoloꞌ quiꞌ ruqꞌuin chi rcꞌaxaxic ja tijonem nuyaꞌ in ja yawaꞌiꞌ chique, ejeꞌeꞌ ncajoꞌ chi netzursax rmal.

San Lucas 6:12

Chipan ariꞌ tiempo be ja Jesús, joteꞌ chwach jun jayuꞌ, xuwil jun lugar ja bar nuban wiꞌ oración. Ni jun akꞌaꞌ tzijon ruqꞌuin ja Dios pan oración.

San Lucas 6:16

Judas ja rcꞌajol Jacobo, in Judas Iscariote ja jachowi ja Jesús pa quekꞌaꞌ ja xetzelan rxin.

San Lucas 6:18

Ecꞌoli xetzursaxi chakajaꞌ ja remajtajnak cumal ja ritzel tak espíritu.