San Lucas 5:33 - Tz'utujil (Ja Cꞌacꞌa Chominem)

³³ Cꞌacꞌariꞌ quibij chic tre: —Ja cꞌa discípulo rxin ja Juan Bautista ejeꞌeꞌ triꞌ triꞌ nqueban ja rayuno rachbil oración in queriꞌ nqueban ja discípulo kaxin ajoj chakajaꞌ ja rok fariseo pro ¿nak cꞌa tre tok ma queriꞌ ta nqueban ja radiscípulo atat?

Tz'utujil NT

³³ C'jara' cawra xecbij chic tzra: —Je rdiscípulo Juan Bautista arj-e' q'uiy mul nqueban ayuno ruq'uin oración y cara' nqueban je' kdiscípulo ajoj chka' ja ok aj fariseo per ¿nak q'ue tzra mcara' ta nqueban adiscípulo atet?

San Lucas 5:33 Iomraidhean Croise

San Mateo 23:13

Pro congana lawuloꞌ chewe ixix ja rix maestro rxin ja ley xin Dios ja tzꞌibtal can rmal ja Moisés in chewe ixix ja rix fariseo, cacaꞌ epalaj como ixix nixtajini netzꞌapij quebey ja winak chiquewach utzcꞌa chi maqueꞌoc chipan ja gobierno xin chilaꞌ chicaj. Nixtacꞌa ixix ta ixocnak ta chipan in nixtacꞌa neyaꞌ ta lugar chique ja winak ja cꞌo quigana neꞌoc chipan.

Marcos 12:40

Ejeꞌeꞌ kas kꞌalawachili nquemaj cochoch tak malcaniꞌ ja e camnak chic cachajilal. Cꞌo nimak tak oración nqueban pro xa chi quechiꞌ cꞌo wiꞌ. Pro ja tok xtikꞌet tzij chiquij rmal ja Dios más chi na jun nimlaj rpokonal nquetij na. Queriꞌ xbij ja Jesús chique ja winak.

San Lucas 11:1

Xuban jutij ja Jesús arjaꞌ cꞌo pa jun lugar, rmajon rbanic oración. Ja cꞌa tok tzuri ja roración rmal pi jun chique ja rdiscípulo in quewaꞌ xbij ja discípulo tre riꞌ: —Wajaw, koꞌatijoj tre ja banoj oración ja caniꞌ xuban ja Juan Bautista xertijoj ja discípulo rxin arjaꞌ, neꞌ tre.

San Lucas 18:12

Anin caꞌmul ayuno nban ja jujun semana, in jun chic, nojel ja mebaꞌil ja noc pa nukꞌaꞌ nlasan ja ndiezmo tre in nyaꞌon chawe. Queriꞌ xbij ja fariseo.

San Lucas 2:37

como chanim cami ja rchajil, xoc can ti malcaꞌn in ma xcꞌuleꞌ chic ta. Ochenticuatro chic rjunaꞌ. Kꞌij kꞌij ni matel wiꞌ chipan ja nimlaj templo xin Dios, nuban ja rayuno in nuban ja roración jariꞌ nyabej rukꞌij ja Dios chi pa kꞌij chi chakꞌaꞌ.

San Lucas 20:47

Ejeꞌeꞌ kas kꞌalawachili nquemaj cochoch tak malcaniꞌ ja e camnak chic cachajilal. Cꞌo nimak tak oración nqueban pro xa chi quechiꞌ cꞌo wiꞌ. Pro ja tok xtikꞌet tzij chiquij rmal ja Dios más chi na jun nimlaj rpokonal nquetij na. Queriꞌ xbij ja Jesús chique ja rdiscípulo.

San Lucas 5:32

Anin inpenak chi neꞌuncanoj ja rajꞌil ajmaquiꞌ utzcꞌa chi nqueyaꞌ can ja quil quemac, ma ejeꞌeꞌ ta ja chꞌajchꞌojiꞌ chic ja neꞌuncanoj. Queriꞌ xbij ja Jesús chique.

San Lucas 5:34

Ja cꞌa Jesús arjaꞌ xbij chique: —Caniꞌ chique juleꞌ winak ebanon invitar tre jun cꞌulbic, ja tok cꞌa cꞌo na ja rachi chiquicojol ja ncꞌuleꞌe ¿la cꞌo ta cꞌa moda ariꞌ xtebij ta chique chi tebanaꞌ ayuno, xquixcheꞌ ta chique?

San Juan 1:35

Ja cꞌa chi rcab kꞌij cꞌo chic jutij ja Juan chipan ja lugar e rachbil e caꞌiꞌ rdiscípulo.

San Juan 3:25

Ja discípulo rxin ja Juan ejeꞌeꞌ quemaj tzij cuqꞌuin juleꞌ chic aj Israel in cꞌoli quechꞌaꞌ chibil tak quiꞌ tre ja bautismo.

Hechos 9:11

—Camic jat, tacꞌamaꞌel ja bey ja cꞌo jun rubiꞌ nbix tre Derecha neꞌxi, in natbe chi rochoch ja Judas. Ja tok xcatekaji triꞌ nacanoj wiꞌ jun achi aj Tarso Saulo rubiꞌ. Ja cꞌa Saulo arjaꞌ rmajon rbanic oración camic