San Lucas 5:32 - Tz'utujil (Ja Cꞌacꞌa Chominem)

³² Anin inpenak chi neꞌuncanoj ja rajꞌil ajmaquiꞌ utzcꞌa chi nqueyaꞌ can ja quil quemac, ma ejeꞌeꞌ ta ja chꞌajchꞌojiꞌ chic ja neꞌuncanoj. Queriꞌ xbij ja Jesús chique.

Tz'utujil NT

³² Anen enpenak che que'encanoj aj-il ajmac ch-utz c'ara' nqueya' cana quil quemac, me j-e' ta ra' que'encanoj je bnoy rbeyal. Cara' xbij Jesús chca.

San Lucas 5:32 Iomraidhean Croise

San Mateo 18:10

Kas tebanaꞌ cuenta nak neban chique waꞌ ja re taknoꞌy riꞌ, nixtacꞌa jun ta chique xteban ta tre ni mta. Como anin nbij chewe chi ja chilaꞌ chicaj ecꞌoli ja ángel quixin in jariꞌ ángel mta ariꞌ ja maquita yatajnak chique chi neꞌekaj chwach ja Nataꞌ ja cꞌo chilaꞌ chicaj.

San Mateo 9:13

Jix, mejor ja neban, tetijoj ewiꞌ trewaꞌ ja jun rtzobal Dios ja xtinbij chewe riꞌ: —Ja kas nwajoꞌ chewe chi neban, tepokonaj quewach ja winak, jariꞌ más chi na ncꞌatzini chwach ja netzujuj juleꞌ sacrificio chinwach, queriꞌ nbij ja Dios. Jawaꞌ tzij xinbij chewe como anin inpenak chi neꞌuncanoj ja rajꞌil ajmaquiꞌ utzcꞌa chi nqueyaꞌ can ja quil quemac, ma ejeꞌeꞌ ta ja chꞌajchꞌojiꞌ chic ja neꞌuncanoj. Queriꞌ xbij ja Jesús chique.

Marcos 15:10

Queriꞌ xbij chique como arjaꞌ bien rotak chi ja jefe quixin sacerdote congana quiakirnak canma trij ja Jesús in xa rmal ja raquiakarem tok quijachon pa rukꞌaꞌ.

Marcos 15:7

Ecꞌo cꞌa juleꞌ preso, ejeꞌeꞌ eꞌocnak pa cheꞌ rumac ja xeyictaj trij ja gobierno in ecꞌo juleꞌ winak equicamsan. Cꞌo cꞌa jun chique ja preso rbinaꞌan Barrabás.

Marcos 2:17

Pro ja cꞌa Jesús ja tok cꞌaxtaj rmal ja quibij quewaꞌ xbij chique riꞌ: —Ja ma e yawaꞌiꞌ ta ejeꞌeꞌ maticꞌatzin jun doctor chique pro ja yawaꞌiꞌ jariꞌ ni rjawaxic wiꞌ jun doctor chique. Anin inpenak chi neꞌuncanoj ja rajꞌil ajmaquiꞌ utzcꞌa chi nqueyaꞌ can ja quil quemac, ma ejeꞌeꞌ ta ja chꞌajchꞌojiꞌ chic ja neꞌuncanoj. Queriꞌ xbij ja Jesús chique.

San Lucas 15:10

In queriꞌ cꞌa nbij anin chewe chakajaꞌ, jun ajꞌil ajmac tok nuqꞌuex rnaꞌoj in nuyaꞌ can ja ritzelal jariꞌ congana nequicoti ja ángel trij xin Dios. Queriꞌ xbij ja Jesús chique.

San Lucas 15:7

In queriꞌ cꞌa nbij anin chewe chakajaꞌ, jun ajꞌil ajmac tok nuqꞌuex rnaꞌoj in nuyaꞌ can ja ritzelal jariꞌ más chi na nequicoti ja recꞌo chilaꞌ chicaj chwach ja tok ecꞌo noventinueve ja re utzlaj tak winak necheꞌxi ja mta rjawaxic chique chi nqueqꞌuex quinaꞌoj.

San Lucas 19:10

Xattotaji como ja Ralcꞌwalaxel ja xoc alaxic cuqꞌuin ja winak arjaꞌ penak chi quicanoxic ja winak ja retzaknak chipan ja il mac utzcꞌa chi nquewil ja totajem xin Dios.

San Lucas 24:47

In tzꞌibtal can chakajaꞌ chi pa rubiꞌ ja Cristo nekaj na rbixic cuqꞌuin canojel ja winak ja recꞌo pa tak nación jeꞌe chi rjawaxic chi nqueqꞌuex ja quinaꞌoj in nqueyaꞌ can ja ritzelal utzcꞌa chi ncuytaji ja quil quemac, jariꞌ pa Jerusalén nmajtajel wiꞌ rbixic.

San Lucas 5:31

Pro peti ja Jesús, quewaꞌ xbij chique riꞌ: —Ja ma e yawaꞌiꞌ ta ejeꞌeꞌ maticꞌatzin jun doctor chique pro ja yawaꞌiꞌ jariꞌ ni ncꞌatzin wiꞌ jun doctor chique.

San Lucas 5:33

Cꞌacꞌariꞌ quibij chic tre: —Ja cꞌa discípulo rxin ja Juan Bautista ejeꞌeꞌ triꞌ triꞌ nqueban ja rayuno rachbil oración in queriꞌ nqueban ja discípulo kaxin ajoj chakajaꞌ ja rok fariseo pro ¿nak cꞌa tre tok ma queriꞌ ta nqueban ja radiscípulo atat?

Hechos 17:30

Ja chipan ja rojer tak tiempo ja kꞌaxnak can ja winak ma cotak ta janiꞌ ja Dios pro ja Dios arjaꞌ xucochꞌ. Pro ja cꞌa camic neruban mandar chi nqueqꞌuex ja quinaꞌoj in nqueyaꞌ can ja ritzelal. Queriꞌ nuban chique canojelal xa bar ta triꞌ ecꞌo wiꞌ.

Hechos 2:38

Ja cꞌa Pedro xbij chique: —Teqꞌuexaꞌ ja renaꞌoj in teyaꞌaꞌ can ja ritzelal in chakajaꞌ quixban bautizar chejujunal pa rubiꞌ ja Jesucristo utzcꞌa chi ncuytaji ja rewil emac. Ja wi queriꞌ neban ja Dios arjaꞌ nutakto na ja rEspíritu Santo ewqꞌuin.

Hechos 20:21

Xixnpaxbaj ewanojel chi ix wach tak aj Israel chi ma ix aj Israel ta, xinbij chewe chi rjawaxic neqꞌuex ja renaꞌoj in nenimaj ja Dios in nyukeꞌ ecꞌuꞌx ruqꞌuin ja kajaw Jesucristo.

Hechos 3:19

Rmalcꞌariꞌ tok nbij chewe, teqꞌuexaꞌ ja renaꞌoj in teyaꞌaꞌ can ja ritzelal. In quixmelojto ruqꞌuin ja Dios utzcꞌa chi nchuptaji ja rewil emac. Quirtariꞌ neban utzcꞌa chi newilaꞌ jun tiempo ja tok nqꞌuejeꞌe ja kajaw Dios checojol in nixquicot rmal.

Hechos 3:26

Ja Dios xutakto ja Jesús ja Ralcꞌwal in ewqꞌuin ixix ja rix kach tak aj Israel xutak wiꞌ nabey. Queriꞌ xuban como arjaꞌ nrajoꞌ nuyaꞌ ja rutzil chewe utzcꞌa chi neyaꞌ can ja ritzelal chejujunal. Queriꞌ xbij ja Pedro chique.

Hechos 5:31

Ja Dios congana xucoj rchokꞌakꞌ, xuyaꞌ tre ja Jesús chi más nim chi na rukꞌij in ja camic rcojon como Jefe pa kawiꞌ, rcojon como Toꞌonel kaxin. Queriꞌ xuban ja Dios como ja kas nrajoꞌ chewe ja rix wach tak aj Israel chi neqꞌuex ja renaꞌoj in neyaꞌ can ja ritzelal utzcꞌa chi ncuytaji ja rewil emac.

2 Pedro 3:9

Queriꞌ nbij chewe como ecꞌoli winak ja nebini chi ja kajaw Dios cꞌamalo nuban cumplir ja rbin can pro jariꞌ ma queriꞌ ta. Xar congana rpaciencia ja Dios kuqꞌuin ja rok winak como arjaꞌ matirajoꞌ chi cꞌo ta jun xtibe ta chipan ja nimlaj rpokonal. Ja nrajoꞌ chake kanojelal chi nkaqꞌuex kanaꞌoj in nkayaꞌ can ja ritzelal.