San Lucas 5:30 - Tz'utujil (Ja Cꞌacꞌa Chominem)

³⁰ Ecꞌo cꞌa juleꞌ maestro ja netijon quixin ja winak tre ja ley xin Dios e cachbil juleꞌ fariseo ejeꞌeꞌ cꞌoli quechꞌaꞌ chique ja rdiscípulo ja Jesús quewariꞌ: —¿Nak cꞌa tre tok nixwaꞌ cuqꞌuin ja juleꞌ molol tak impuesto leꞌ in cuqꞌuin chakajaꞌ ja juleꞌ chic ajꞌil ajmaquiꞌ leꞌ? xecheꞌ chique.

Tz'utujil NT

³⁰ Ec'ol c'a jle' maestro je nquetijona cxin wnak tzrij rley Dios e quexbil jle' fariseo arj-e' xecch'ojquij chca rdiscípulo Jesús y cawra xecbij: —¿Nak tzra tak nquixwa'a cuq'uin e mloy tak impuesto, chka' cuq'uin jle' chic aj-il ajmac?

San Lucas 5:30 Iomraidhean Croise

San Mateo 5:46

Queriꞌ nbij chewe como ixix ja wi xa queyon lokꞌ neꞌenaꞌ ja lokꞌ ixquinaꞌon ixix ¿la cꞌo ta cꞌa jun rtojbalil ariꞌ nyataj chewe nechꞌob ixix? Ja wi xa queriꞌ neban xcꞌa ix junan ariꞌ cuqꞌuin ja molol tak impuesto como ejeꞌeꞌ lokꞌ nquenaꞌ quiꞌ chibil tak quiꞌ.

San Mateo 9:11

Ecꞌo cꞌa juleꞌ fariseo, ejeꞌeꞌ tok xequetzꞌat ja winak ja xetzꞌabeꞌ pa mesa ruqꞌuin ja Jesús quewaꞌ quibij chique ja rdiscípulo riꞌ: —¿Nak cꞌa tre tok ja remaestro ixix nwaꞌ cuqꞌuin ja juleꞌ molol tak impuesto leꞌ in nwaꞌ cuqꞌuin chakajaꞌ ja juleꞌ chic ajꞌil ajmaquiꞌ leꞌ? xecheꞌ chique.

Marcos 2:16

Ecꞌo cꞌa juleꞌ maestro ja netijon quixin ja winak tre ja ley xin Dios e cachbil juleꞌ fariseo, ejeꞌeꞌ tok quetzꞌat ja Jesús chi cuqꞌuin molol tak impuesto nwaꞌ wiꞌ e cachbil juleꞌ chic ajꞌil ajmaquiꞌ necheꞌ chique, quewaꞌ quibij chique ja rdiscípulo riꞌ: —¿Nak cꞌa trelaꞌ tok xa cuqꞌuin molol tak impuesto nwaꞌ wiꞌ e cachbil juleꞌ chic ajꞌil ajmaquiꞌ? xecheꞌ chique.

Marcos 7:3

Como ja fariseo in canojel ja cach tak aj Israel ejeꞌeꞌ ni maquewaꞌ wiꞌ ja wi ma congana ta nqueban tre ja chꞌajoj kꞌabaj, jariꞌ costumbre ja cꞌutun can chiquewach cumal ja catiꞌt quimamaꞌ.

Marcos 9:16

Ja cꞌa Jesús xcꞌaxaj chique: —¿Nak ja remajon rtzijoxic cuqꞌuin? neꞌ chique.

San Lucas 18:11

Ja cꞌa tok xeꞌekaj chipan ja templo ja fariseo arjaꞌ peꞌi in xumaj rbanic jun oración pro xa yaꞌbal rukꞌij arjaꞌ xuban kaj ruyon, quewaꞌ ja roración ja xuban riꞌ: —Anin nmaltioxij chawe Dios ja ma in junan ta cuqꞌuin ja juleꞌ chic achiꞌiꞌ caniꞌ chique alakꞌomaꞌ in chique ja matiquinimaj ja ley in chique ja nebano rij tak quewiꞌ ja quixjayilal. Nmaltioxij chawe chakajaꞌ ja ma in junan ta ruqꞌuin alaꞌ jun achi ja molol impuesto leꞌ.

San Lucas 19:7

Ja cꞌa winak tok quetzꞌat chi xoqui ja Jesús pa rochoch jun molol impuesto cꞌacꞌariꞌ quemaj rtzijoxic canojel: —Xa pa rochoch jun ajꞌil ajmac nqꞌuejeꞌ wiꞌ, xecheꞌe.

San Lucas 5:17

Xuban cꞌa jutij ja Jesús arjaꞌ rmajon quitijoxic ja winak. Ecꞌo cꞌa juleꞌ fariseo etzꞌubul chirnakaj e cachbil juleꞌ maestro ja netijon quixin ja winak tre ja ley xin Dios, ejeꞌeꞌ nojel tak tinamit epenak wiꞌ ja cꞌo pa rcuenta Galilea in pa rcuenta Judea in ecꞌoli chique pa Jerusalén epenak wiꞌ. Ja cꞌa Jesús cꞌoli ja poder xin Dios ruqꞌuin utzcꞌa chi nertzursaj ja yawaꞌiꞌ.

San Lucas 5:21

Ja cꞌa maestro e cachbil ja fariseo ja tok chaka maril quicꞌaxaj ja xbij ja Jesús quewaꞌ quemaj rchꞌobic pa tak canma riꞌ: —¿Nak ocnak wiꞌ ja jun achi leꞌ chewiꞌ tok nbij juleꞌ tzij ja xa ofensa rcꞌamonto tre ja Dios? Como mchita nak chi ta ncuyuwi ja il mac, xa ruyon ja Dios ncuyuwi, xecheꞌ kaj pa tak canma.

San Lucas 7:34

In xinpi chic anin ja rin Alcꞌwalaxel ja xinoc alaxic cuqꞌuin ja winak, xinwaꞌ cuqꞌuin ja winak in cꞌoli vino xintij in rmalariꞌ xebij chwe chi xa in mun in xa in tijol vino in xa e wamigo ja molol tak impuesto e cachbil ja juleꞌ chic ajmaquiꞌ.

San Lucas 7:39

Ja cꞌa fariseo ja banyon invitar rxin ja Jesús tok xutzꞌat ja xuban ja rixok quewaꞌ xuchꞌob kaj pa ranma riꞌ: —Ja Jesús wixta katzij chi profeta xin Dios rotak ta cꞌariꞌ nak rbanic ja jun ixok leꞌ ja ntajini nuchap rkan. Como jalaꞌ jun ixok leꞌ xa itzel rcꞌaslemal. Queriꞌ xuchꞌob kaj.

Hechos 23:9

Cꞌacꞌariꞌ quemaj jun nimlaj sícꞌ. Ecꞌo juleꞌ maestro quixin ja fariseo ejeꞌeꞌ xeyictaji in quewaꞌ quibij ja nquitobej ja Pablo riꞌ: —Mta ril ja rachi leꞌ. Maxla cꞌo jun espíritu owi jun ángel takonto rmal ja Dios tzijonnakto ruqꞌuin. Mejor ma kochꞌojin ta ruqꞌuin ja Dios, xecheꞌe.