San Lucas 5:27 - Tz'utujil (Ja Cꞌacꞌa Chominem)

²⁷ Cꞌacꞌariꞌ xelel ja Jesús triꞌ, be. Cꞌo jun achi xutzꞌat molol impuesto, Leví rubiꞌ. Ja cꞌa Leví arjaꞌ tzꞌubul chipan ja lugar ja bar nto̱j can wiꞌ ja rimpuesto pa rukꞌaꞌ. Ja Jesús tok xekaj ruqꞌuin quewaꞌ xbij tre riꞌ: —Joꞌ, cattreꞌ chwij chi natoc ndiscípulo, neꞌ tre.

Tz'utujil NT

²⁷ C'jara' xel ela Jesús tzra' y xba. C'ola jun acha xutz'et mloy impuesto, Leví rubi'. Ja' Leví tz'bula chpam lwar abar nto'j wa' impuesto pruk'a'. Ja' Jesús tak xekaja ruq'uin cawra xbij tzra: —Jo' catetre' ta chwij che ncatoca ndiscípulo, cara' xbij tzra.

San Lucas 5:27 Iomraidhean Croise

San Mateo 10:3

Felipe, Bartolomé, Tomás, Mateo ja molol impuesto, Jacobo ja rcꞌajol Alfeo, Lebeo ja cꞌo chic jun rubiꞌ Tadeo,

San Mateo 16:24

Cꞌacꞌariꞌ ja Jesús xbij chique ja rdiscípulo: —Xa nak ta ja cꞌo rgana nyukeꞌ rucꞌuꞌx wqꞌuin rjawaxic chi matuyaꞌ rgana ja tzabuklaj cꞌaslemal rcꞌan. Rjawaxic chakajaꞌ chi matipokonaj nutij ja rpokonal mwal in ntreꞌel chwij. Jariꞌ caniꞌ jun cruz nya̱ꞌ trij pro matipokonaj nucꞌam ja cruz, nrijkajel in nbe ja bar necamsax wiꞌ.

San Mateo 8:22

In bix tre rmal ja Jesús: —Joꞌ cattreꞌ chwij, ja cꞌa re camnakiꞌ chwach Dios ejeꞌeꞌ na quemuku quixin ja necam jeꞌe chique, neꞌxi.

Marcos 3:18

Ja rAndrés, Felipe, Bartolomé, Mateo, Tomás, Jacobo ja rcꞌajol Alfeo, Tadeo, Simón, jun chique ja partido rbinaꞌan cananita,

San Lucas 18:22

Ja cꞌa Jesús tok xcꞌaxaj ja xbij ja rachi quewaꞌ xbij chic tre riꞌ: —Pro cꞌa cꞌo na ja ma abanon ta. Tacꞌayij can nojel ja cꞌol awqꞌuin, ja cꞌa rjil tayaꞌaꞌ can chique ja tak mebaꞌiꞌ. Ja wi queriꞌ naban jariꞌ cꞌoli ja mebaꞌil ja nyataj na chawe chilaꞌ chicaj. Ja tok xtibantaj amwal ja cꞌa xinbij chawe riꞌ catmelojto cꞌa wqꞌuin in cattreꞌel chwij, neꞌ tre.

San Juan 1:43

Ja cꞌa chi rcab kꞌij chic ja Jesús nuchꞌob chi nbe chipan ja departamento Galilea. Cꞌacꞌariꞌ be ruqꞌuin ja Felipe in xbij tre: —Joꞌ, cattreꞌel chwij, neꞌ tre.

San Juan 12:26

Ja winak ja neniman wxin rjawaxic chi triꞌ nekꞌax wiꞌ ja bar ninkꞌax wiꞌ anin in chakajaꞌ triꞌ neꞌeqꞌuejeꞌ wiꞌ ja bar incꞌo wiꞌ anin. Xa nak ta ja neniman wxin ejeꞌeꞌ nya̱ꞌ na quekꞌij rmal ja Nataꞌ.