San Lucas 5:17 - Tz'utujil (Ja Cꞌacꞌa Chominem)

¹⁷ Xuban cꞌa jutij ja Jesús arjaꞌ rmajon quitijoxic ja winak. Ecꞌo cꞌa juleꞌ fariseo etzꞌubul chirnakaj e cachbil juleꞌ maestro ja netijon quixin ja winak tre ja ley xin Dios, ejeꞌeꞌ nojel tak tinamit epenak wiꞌ ja cꞌo pa rcuenta Galilea in pa rcuenta Judea in ecꞌoli chique pa Jerusalén epenak wiꞌ. Ja cꞌa Jesús cꞌoli ja poder xin Dios ruqꞌuin utzcꞌa chi nertzursaj ja yawaꞌiꞌ.

Tz'utujil NT

¹⁷ Xuban jmul Jesús remjon ctojxic wnak. Ec'ola jle' fariseo etz'bula chenkaj e quexbil jle' maestro je nquetijona cxin wnak tzrij rley Dios, arj-e' njelal tnamet epenak wa' jc'ola precwent Galilea ruq'uin precwent Judea, y ec'ola chca pJerusalén epenak wa'. Ja' Jesús c'ola rpoder Dios ruq'uin che nquerchumsaj yuw-i'.

San Lucas 5:17 Iomraidhean Croise

San Mateo 11:5

Ja moyaꞌ necaꞌy chic. Ja maquecowini nebini nebin chic. Ja recꞌo itzel tak chꞌaꞌc chiquij xetzuri. Ja taconaꞌ nquicꞌaxaj chi tzij. Ja camnakiꞌ xecꞌastaji. Ja mebaꞌiꞌ majtajnak rbixic chique ja utzlaj tzij xin totajem ja rtakonto ja Dios.

San Mateo 15:1

Ecꞌo cꞌa juleꞌ maestro ja netijon quixin ja winak tre ja ley xin Dios ja tzꞌibtal can rmal ja Moisés e cachbil juleꞌ fariseo, ejeꞌeꞌ epenak pa Jerusalén, xeꞌekaj ruqꞌuin ja Jesús in quewaꞌ quibij tre riꞌ:

Marcos 1:45

Pro ja rachi tok be ma xuban ta ja caniꞌ bix tre rmal ja Jesús, congana xlasaj rbixic chi Jesús ja tzursan rxin. Rmalcꞌariꞌ ja Jesús congana cꞌayew chic tre ja ni ta chiquewach winak noc chic chipan ja tinamit pro ja xuban, be in triꞌ qꞌuejeꞌ wiꞌ ja bar ma ecꞌo ta wiꞌ winak, in nij ecꞌo wiꞌ winak ja neꞌekaj ruqꞌuin, nojel tinamit epenak wiꞌ.

Marcos 16:18

in jun chic, wi chaka jalal nequechap itzel tak cumatz pro mta nba̱n chique cumal in wi chaka jalal nquetij veneno mta nuban chique chakajaꞌ. In chakajaꞌ wi nqueyaꞌ quekꞌaꞌ pa quewiꞌ ja yawaꞌiꞌ netzuri. Queriꞌ xbij chique ja rdiscípulo.

Marcos 3:22

In chakajaꞌ ecꞌo juleꞌ maestro ja netijon quixin ja winak tre ja ley xin Dios ja tzꞌibtal can rmal ja Moisés, ejeꞌeꞌ epenak pa Jerusalén in quewaꞌ quibij chique ja winak riꞌ: —Jalaꞌ rachi leꞌ Beelzebú ucꞌayon rxin, xa poder rxin ja jefe quixin ja ritzel tak espíritu xa jariꞌ nucoj chi quilasaxic ja ritzel tak espíritu, xecheꞌe.

Marcos 5:30

Ja cꞌa Jesús arjaꞌ xunaꞌ chi cꞌoli ja poder xel tre, ni quipitzꞌon wiꞌ quiꞌ ja winak trij, xuyaꞌ vuelta in quewaꞌ xbij riꞌ: —¿Nak chapowi ja ntziak? neꞌe.

Marcos 7:1

Ecꞌo cꞌa juleꞌ fariseo xequimoloꞌ quiꞌ ruqꞌuin ja Jesús e cachbil juleꞌ maestro ja netijon quixin ja winak tre ja ley xin Dios ja tzꞌibtal can rmal ja Moisés, ejeꞌeꞌ epenak pa Jerusalén.

San Lucas 15:2

Ecꞌo cꞌa juleꞌ fariseo e cachbil ja maestro ja netijon quixin ja winak tre ja ley xin Dios ejeꞌeꞌ quemaj rtzijoxic ja Jesús: —Jalaꞌ jun achi leꞌ xa ma utz ta ja nuban, takaꞌan nerucꞌul ja rajꞌil ajmaquiꞌ in nwaꞌ takaꞌan cuqꞌuin chakajaꞌ, xecheꞌe.

San Lucas 2:46

Cꞌa chi oxiꞌ kꞌij xequiwilaꞌ wiꞌ, chipan ja nimlaj templo xin Dios cꞌo wiꞌ, tzꞌubul chiquicojol ja maestro ja netijon quixin ja winak tre ja rtzobal Dios. Kas nuyaꞌ rxquin tre ja nquibij ja maestro in cꞌoli ja ncꞌaxaj jeꞌe chique chakajaꞌ.

San Lucas 5:21

Ja cꞌa maestro e cachbil ja fariseo ja tok chaka maril quicꞌaxaj ja xbij ja Jesús quewaꞌ quemaj rchꞌobic pa tak canma riꞌ: —¿Nak ocnak wiꞌ ja jun achi leꞌ chewiꞌ tok nbij juleꞌ tzij ja xa ofensa rcꞌamonto tre ja Dios? Como mchita nak chi ta ncuyuwi ja il mac, xa ruyon ja Dios ncuyuwi, xecheꞌ kaj pa tak canma.

San Lucas 5:30

Ecꞌo cꞌa juleꞌ maestro ja netijon quixin ja winak tre ja ley xin Dios e cachbil juleꞌ fariseo ejeꞌeꞌ cꞌoli quechꞌaꞌ chique ja rdiscípulo ja Jesús quewariꞌ: —¿Nak cꞌa tre tok nixwaꞌ cuqꞌuin ja juleꞌ molol tak impuesto leꞌ in cuqꞌuin chakajaꞌ ja juleꞌ chic ajꞌil ajmaquiꞌ leꞌ? xecheꞌ chique.

San Lucas 6:19

Canojel ja winak quimajon rtijic quekꞌij chi nquechapoc jutzꞌit ja Jesús como arjaꞌ cꞌo poder ruqꞌuin in ja poder nelto ruqꞌuin in nertzursaj ja winak pro ni canojelal.

San Lucas 7:30

Pro ja cꞌa fariseo e cachbil ja maestro ja netijon quixin ja winak tre ja ley xin Dios ejeꞌeꞌ ma xcajoꞌ ta xeba̱n ta bautizar rmal ja Juan, jariꞌ xa nquechꞌaꞌ ja rvoluntad Dios pa tak quicꞌaslemal.

San Lucas 8:46

—Wotak chi cꞌo jun xinchapowi como xinnaꞌ chi cꞌoli ja poder xel chwe, neꞌe ja Jesús chique.

San Juan 3:10

Ja cꞌa Jesús xbij chic tre: —At maestro waꞌan quixin ja tinamit Israel ja rtinamit Dios pro takaꞌan matichꞌobtaj amwal ja nbij chawe.

San Juan 3:21

Pro ja cꞌa wi amajon rbanic ja rutzil xin Dios jariꞌ matapokonaj natekaji ja bar cꞌo wiꞌ ja luz. Matapokonaj como cꞌol agana chi natquetzꞌat ja winak chi ja Dios ucꞌayon awxin chi rbanic nojel ja nattajini naban.

Hechos 19:11

Congana nimak tak milagro xuban ja Pablo ja yataj tre rmal ja Dios chi nuban.

Hechos 4:30

Atat ta xcattzursan quixin ja yawaꞌiꞌ in xtaban ta nimak tak milagro pa rubiꞌ ja Jesús ja Santilaj Awalcꞌwal. Queriꞌ ja roración queban.

Hechos 5:34

Pro triꞌ cꞌo wiꞌ jun fariseo Gamaliel rubiꞌ, arjaꞌ jun chique ja maestro ja netijon quixin ja winak tre ja ley xin Dios in congana utz ntzꞌa̱t cumal ja tinamit canojel. Ja cꞌa Gamaliel peꞌi in xbij chique ja rapóstol chi neꞌel jurata chiquicojol.