San Lucas 4:8 - Tz'utujil (Ja Cꞌacꞌa Chominem)

⁸ Ja cꞌa Jesús quewaꞌ xbij tre riꞌ: —Jat, catel chinwach Satanás como tzꞌibtal can chipan ja rtzobal Dios chi xa ruyon ja Dios ja rawajaw catxuqueꞌ chwach, xa ruyon arjaꞌ tayaꞌaꞌ rukꞌij, queriꞌ nbij, neꞌ tre.

Tz'utujil NT

⁸ Ja' Jesús cawra xbij tzra: —Jat catel ela chenwech Satanás, com tz'ibtanak cana chpam rtzojbal Dios che xruyon Dios Awajaw ncatexque'a chwech y xruyon arja' tey-a' ruk'ij, cara' tz'ibtanak cana, cara' xbij tzra.

San Lucas 4:8 Iomraidhean Croise

San Mateo 16:23

Ja cꞌa Jesús xuyaꞌ vuelta in xbij tre ja Pedro: —Catel chinwach Satanás, atat xa at caniꞌ jun abaj ninapajsaj chipan ja bey nmajon. Queriꞌ nbij chawe como ma queriꞌ ta nawajoꞌ chwe chi nban ja caniꞌ nrajoꞌ chwe ja Dios chi nban, xa junan anaꞌoj cuqꞌuin winak, neꞌ tre.

San Mateo 4:10

Ja cꞌa Jesús quewaꞌ xbij tre riꞌ: —Jat, catel chinwach Satanás como tzꞌibtal can chipan ja rtzobal Dios chi xa ruyon ja Dios ja rawajaw catxuqueꞌ chwach, xa ruyon arjaꞌ tayaꞌaꞌ rukꞌij, queriꞌ nbij, neꞌ tre.

San Lucas 4:4

—Tzꞌibtal can chipan ja rtzobal Dios chi ja winak ma ruyon ta way ncꞌatzin chique tre ja quicꞌaslemal pro nojel ja rtzobal Dios jariꞌ ncꞌatzin chique chakajaꞌ, neꞌe ja Jesús tre.

Santiago 4:7

Teyaꞌaꞌ ewiꞌ pa rukꞌaꞌ ja Dios, cow quixpeꞌe chwach ja Satanás in arjaꞌ nanmaji chewach.

1 Pedro 5:9

Maxta teyaꞌ ewiꞌ tre ja diablo, ni tiyukeꞌ wiꞌ ecꞌuꞌx ruqꞌuin ja Jesucristo. Turkaj chewe chi ma eyon ta ixix ja nba̱n pokon chewe como queriꞌ nba̱n chique chakajaꞌ ja kachꞌalal ja recꞌo nojel rwachꞌulew.

Apocalipsis 19:10

Ja cꞌa ranin xinxuqueꞌ chwach ja ángel, laj xinyaꞌ rukꞌij pro arjaꞌ quewaꞌ xbij chwe riꞌ: —Ma taban ta quelaꞌ como ja ranin xa ok junan awqꞌuin, xa ok ajsamajelaꞌ rxin ja Dios e kachbil ja rawachꞌalal ja nqueyaꞌ testigoꞌil trij ja Jesús. Ja más mejor naban, Dios ja tayaꞌaꞌ rukꞌij. Queriꞌ nbij chawe como ja tok nkayaꞌ testigoꞌil trij ja Jesús jariꞌ tibij tzij chi ja mismo Espíritu Santo cꞌayon kaxin chi rbixic ja kꞌalasan jeꞌe rmal ja Dios.

Apocalipsis 22:9

pro arjaꞌ xbij chwe: —Ma taban ta quelaꞌ como ja ranin xa ok junan awqꞌuin, xa ok ajsamajelaꞌ xin Dios e kachbil ja rawachꞌalal ja profeta xin Dios e kachbil chakajaꞌ ja nquinimaj ja tzij ja tzꞌibtal chipan awaꞌ ja libro riꞌ. Ja más mejor naban, Dios ja tayaꞌaꞌ rukꞌij, neꞌ chwe.