San Lucas 4:5 - Tz'utujil (Ja Cꞌacꞌa Chominem)

⁵ Cꞌacꞌariꞌ ja diablo xucꞌamel chic ja Jesús, xebe parwiꞌ jun nimlaj jayuꞌ. Ja cꞌa tok xeꞌekaji xa jurata xucꞌut chwach ja gobierno rxin nojel ja tinamit ja cꞌo chwachꞌulew

Tz'utujil NT

⁵ C'jara' ja' diablo xuc'om el chic Jesús, xeba pe rwá' jun nimlaj jyu'. Tak xe'ekaja, alnak xuc'ut chwech jgobierno rxin njelal tnamet jc'ola chwech ruch'lew.

San Lucas 4:5 Iomraidhean Croise

San Mateo 24:14

Ja cꞌa utzlaj tzij ja ncꞌamonto tre ja gobierno xin chilaꞌ chicaj jariꞌ nel na rbixic nojel nat nakaj, nojel rwachꞌulew nekaj wiꞌ. Nojel nekaj wiꞌ rbixic utzcꞌa chi nquicꞌaxaj ja winak ja recꞌo nojel tak nación. Cꞌa tokocꞌariꞌ xtipeti ja qꞌuisbal rwachꞌulew.

San Mateo 4:8

Ja cꞌa xuban chic ja diablo, xucꞌamel chic ja Jesús, xebe parwiꞌ jun nimlaj jayuꞌ. Ja cꞌa tok xeꞌekaji xumaj rcꞌutic chwach ja gobierno rxin nojel ja tinamit ja cꞌo chwachꞌulew in nojel ja mebaꞌil rxin

1 Corintios 15:52

Pro ni majun rubiꞌ nbixi tok xtiqꞌuextaji, caniꞌ tok nayup kaj jutzꞌit awach xa queriꞌ tiempo nrajoꞌ chi nqꞌuextaji. Ja tok xticꞌaxax rukul ja qꞌuisbal trompeta xin Dios tokocꞌariꞌ xtiqꞌuextaji. Queriꞌ cꞌa rbanic como cꞌoli ja trompeta xin Dios ncꞌaxax na rukul cꞌacꞌariꞌ xticꞌastaj quewach ja camnakiꞌ in mchita akꞌayic chiquij triꞌ. Ja cꞌa ecꞌas na chake ejeꞌeꞌ xtiqꞌuextaji ja quicuerpo chakajaꞌ.

1 Corintios 7:31

Maxta congana tibe ecꞌuꞌx ruqꞌuin nakun jeꞌe waweꞌ chwachꞌulew in rmaltariꞌ maquita neban cumplir xa nak ta nrajoꞌ ja Dios chewe chi neban. Queriꞌ nbij chewe como jawaꞌ rwachꞌulew riꞌ xa rmajon kꞌaxem.

2 Corintios 4:17

Queriꞌ nbij chewe como ja rpokonal ja kamajon rtijic waweꞌ chwachꞌulew jariꞌ ma al ta, xa jurata nocꞌowi como ja rpokonal ja nkatij quewaꞌ rcꞌamonto chake riꞌ, nyataj na chake chi noqui ja gloria xin Dios chake pro jun gloria janila nim rukꞌij, ni mta wiꞌ qꞌuisic trij in mta bar ta triꞌ xtikajunsaj chi ta wiꞌ.

Efesios 2:2

Ja il mac ni chipan wiꞌ ixcꞌo wiꞌ nabey, xeban ja ritzelal ja caniꞌ nqueban ja winak ja xa ruqꞌuin rwachꞌulew yukul wiꞌ quecꞌuꞌx. Xa rvoluntad ja diablo xeban, jariꞌ diablo ja jefe quixin ja ritzel tak espíritu ja neqꞌuejeꞌ chicaj chipan ja aire. Jariꞌ itzel tak espíritu ja nesamaj pa tak canma ja winak ja maquenimani camic.

Efesios 6:12

Queriꞌ nbij chewe como ja kas mero kacꞌulel ja kamajon chꞌaꞌoj cuqꞌuin ma ejeꞌeꞌ tariꞌ ja kach tak winak. Pro ja kas mero kacꞌulel ejeꞌeꞌ riꞌ canojelal ja ritzel tak ángel, juleꞌ itzel ángel ja nebano mandar waweꞌ chwachꞌulew pa tak quewiꞌ pa tak canma ja winak ja xa kꞌekumal ecꞌayon, juleꞌ itzel tak espíritu ja neqꞌuejeꞌ chicaj chipan ja aire.