San Lucas 4:32 - Tz'utujil (Ja Cꞌacꞌa Chominem)

³² Ja cꞌa winak kas cꞌascꞌoꞌi nquicꞌaxaj ja tijonem nuyaꞌ como ja rtzobal congana nerusil, bien kꞌalaj chi ruqꞌuin Dios penak wiꞌ ja nbij.

Tz'utujil NT

³² J-e' wnak kas nel ta quec'u'x tak necc'axaj tijonem jnuya' com rtzojbal congan nqueruchap, bien k'alaj chruq'uin Dios penak wa' je nbij.

San Lucas 4:32 Iomraidhean Croise

Marcos 1:22

Ja cꞌa winak kas cꞌascꞌoꞌi nquicꞌaxaj ja tijonem nuyaꞌ como ja tijonem nuyaꞌ chique congana nerusil, bien kꞌalaj chi ruqꞌuin Dios penak wiꞌ ja nbij, ma junan ta ruqꞌuin ja tijonem ja nqueyaꞌ ja maestro ja netijon quixin ja winak tre ja ley xin Dios ja tzꞌibtal can rmal ja Moisés.

San Lucas 2:47

Kas ncꞌascꞌoꞌi nquicꞌaxaj ja nbij pro canojelal como congana tzꞌakat ja rnaꞌoj in tok cꞌoli nquicꞌaxaj tre congana utz ja nbij chique.

San Lucas 4:33

Xuban jutij cꞌo jun achi chipan ja jay xin molbal riꞌil, ocnak jun itzel espíritu tre. Ja cꞌa rachi xumaj rakic ruchiꞌ, quewaꞌ xbij tre ja Jesús riꞌ:

San Lucas 4:36

Ja cꞌa winak congana cꞌascꞌoꞌi quetzꞌat canojelal in quewaꞌ quibij chibil tak quiꞌ riꞌ: —Jawaꞌ rachi riꞌ ¿nak chi tzijal nucoj? Cꞌo takaꞌan rukꞌaꞌ chique ja ritzel tak espíritu, congana takaꞌan rchokꞌakꞌ ja rtzobal como neruban mandar chi neꞌeli in nnimax takaꞌan cumal, necheꞌe.

San Juan 6:63

Ja rEspíritu arjaꞌ nyowi ja utzlaj cꞌaslemal ja mta qꞌuisic trij, ma ja ta ja cuerpo xin jun winak nyowi. Ja tijonem xinyaꞌ chewe jariꞌ xin ewanma, jun tijonem ja nuyaꞌ chewe ja utzlaj cꞌaslemal ja mta qꞌuisic trij.

San Juan 7:46

—Caniꞌ ntzijoni ja rachi leꞌ ni majun achi ja queriꞌ ta tzijonnak caniꞌ arjaꞌ, xecheꞌ chique.

2 Corintios 4:2

Pro ja kabanon ni kachꞌaꞌon wiꞌ chique ja juleꞌ chic winak ja nqueban tre ja quisamaj como cꞌo jeꞌe nqueban ja xa pan awatali ja xa qꞌuixbal rbanic pro ajoj ni mta wiꞌ jun engaño nkaban in tok nkayaꞌ rbixic ja rtzobal Dios ni majun nak ta nkaxol ta ruqꞌuin. Pro ja nkaban, nkakꞌalasaj chi utz ja rtzobal Dios chiquewach ja winak, ja nkajoꞌ cꞌa pa tak canma nekaj wiꞌ canojelal utzcꞌa chi ncotakij chi ni katzij wiꞌ ja nkabij in bien kotak chi Dios rotak nojel ja nkaban.

1 Tesalonicenses 1:5

Ja tok kabij chewe ja utzlaj tzij xin Jesucristo ma ruyon tariꞌ tok kabij, jaꞌ Espíritu Santo congana xucoj rchokꞌakꞌ, congana samaji pa tak ewanma. In chakajaꞌ bien xetzꞌat chi congana yukul kacꞌuꞌx ruqꞌuin ja kabij chewe. Ja tok xokqꞌuejeꞌ checojol bien ewotak chi utzlaj ejemplo kacꞌut chewach utzcꞌa chi newotakij nak rbanic ja utzlaj cꞌaslemal.

Tito 2:15

Nojel cꞌawaꞌ ja xintzꞌibaj riꞌ queꞌatijoj ja winak tre. Ja tok ncapuj quecꞌuꞌx tayukbaꞌ quecꞌuꞌx. Ja cꞌa wi ecꞌoli ja ma utz ta nqueban queꞌachꞌolij. Ma taxbej ta awiꞌ naban queriꞌ como ja Dios arjaꞌ yoyon chawe chi neꞌaban cuenta. In maxta tayaꞌ awiꞌ chique ja netzelan awxin.