San Lucas 4:20 - Tz'utujil (Ja Cꞌacꞌa Chominem)

²⁰ Queriꞌ ja tzij ja xsiqꞌuij chiquewach. Ja cꞌa tok siqꞌuitaj rmal cꞌacꞌariꞌ xtzꞌapij ja libro, xujach chic jutij tre ja rachi ja jachyon rxin pa rukꞌaꞌ in tzꞌabeꞌe. Kas majtajnak rtzꞌelwachixic cumal ja winak pro ni canojelal.

Tz'utujil NT

²⁰ Cara' xsiq'uij chquewech. Tak xsic'taja rmal xtz'apij libro, xujach chic jmul tzra acha jxejchowa pruk'a' y xetz'be'a. Kas xer netz'e'ta cmal conjelal wnak.

San Lucas 4:20 Iomraidhean Croise

San Mateo 26:55

Ja cꞌa riꞌ hora ja Jesús arjaꞌ xbij chique ja winak: —¿La in alakꞌom laꞌan chewiꞌ tok ecꞌamonto espada ecꞌamonto cheꞌ chwij chi nchapic? Pro xinqꞌuejeꞌ waꞌan chipan ja nimlaj templo xin Dios in kꞌij kꞌij xentijoj ja winak chipan pro ma xinechap ta waꞌan triꞌ.

San Mateo 27:60

Ja cꞌa tok bartaj rmal xeryaꞌaꞌ chipan jun panteón cꞌacꞌa rxin arjaꞌ ja rcꞌoton chwach jun portales in xtzꞌapij ruchiꞌ tre jun nimlaj abaj. Cꞌacꞌariꞌ be.

San Lucas 19:48

Pro ni maticanoy wiꞌ cumal nak nqueban tre como ja winak congana nqueyaꞌ quixquin tre pro ni canojelal.

San Lucas 4:17

Cꞌo jun libro ja tzꞌibtal can rmal ja rojer profeta Isaías jariꞌ jach pa rukꞌaꞌ. Cꞌacꞌariꞌ xujak ja libro, xuwil ja tzij ja nsiqꞌuij chiquewach ja winak, quewaꞌ nbij ja tzij riꞌ:

San Lucas 4:21

Cꞌacꞌariꞌ xumaj chic tzij cuqꞌuin: —Ja camic bantaj cumplir ja rtzobal Dios ja cꞌa xinsiqꞌuij kaj chewach riꞌ, neꞌ chique.

San Lucas 5:3

Jun tre ja caꞌiꞌ lancha rxin Simón in chipan ariꞌ lancha xoc wiꞌ ja Jesús: —Joꞌ kojoteꞌ nojoj jutzꞌit asic, neꞌe ja Jesús tre ja Simón. Ja cꞌa tok ejotol nojoj chic cꞌacꞌariꞌ ja Jesús tzꞌabeꞌ chipan ja lancha in xumajto quitijoxic ja winak.

San Juan 8:2

Ja cꞌa chi rcab kꞌij be chic jutij chanim chipan ja nimlaj templo pa Jerusalén. Ja cꞌa winak xebe ruqꞌuin. Arjaꞌ tzꞌabeꞌe in xumaj quitijoxic.

Hechos 16:13

Ja cꞌa tok xerilaꞌ ja xulaꞌnbal kꞌij xokelel chipan ja tinamit, xokbe chuchiꞌ jun rkanyaꞌ. Triꞌ cꞌo wiꞌ jun lugar banbal oración. Ja tok xokekaji triꞌ ecꞌo wiꞌ juleꞌ ixokiꞌ quimolon quiꞌ, xoktzꞌabeꞌ cuqꞌuin in kamaj rbixic ja rtzobal Dios chique.

Hechos 3:12

Ja cꞌa Pedro tok xerutzꞌat quewaꞌ xbij chique riꞌ: —Achiꞌiꞌ ja rix kach tak aj Israel ¿nak tre ja tok matichꞌobtaj emwal ja bantaji riꞌ? ¿Nak tre ja tok kas emajon katzꞌelwachixic? ¿La ajoj xoktzursani ja rachi nechꞌob ixix? Ja rachi arjaꞌ ncowin chic nbini pro ma rmal ta jun poder kaxin ta ajoj xa chewiꞌ tok tzuri in ma rmal ta chakajaꞌ chi ajoj ok utzlaj tak winak.