San Lucas 4:18 - Tz'utujil (Ja Cꞌacꞌa Chominem)

¹⁸ —Ja rEspíritu Santo rxin ja kajaw Dios arjaꞌ cꞌo wqꞌuin como arjaꞌ inrtakonto utzcꞌa chi nyaꞌ rbixic ja utzlaj tzij ja rcꞌamonto totajem xin Dios chique ja tak mebaꞌiꞌ, inrtakonto chi nenutoꞌ ja winak ja kas ntiꞌon canma pa rukꞌaꞌ ja il mac, inrtakonto chi nyaꞌ rbixic chique ja winak ja reꞌocnak preso pa rukꞌaꞌ ja il mac chi neꞌel na libre, in nbij chique ja moyaꞌ chi nja̱k na quewach, in nbij chique ja quimajon rtijic ja rpokonal chi netotaj na.

Tz'utujil NT

¹⁸ —Je Espíritu Santo rxin Kajaw Dios arja' c'o chic wq'uin. Arja' enretkon ta ch-utz c'ara' quenya' rbixic utzlaj tzij jrec'mon ta totanem rxin Dios chca ch'tak mibi', enretkon ta chquenuto' wnak jkas nti'ona canm pruk'a' il mac, enretkon ta chquenya' rbixic chca wnak je e'ocnak preso pruk'a' il mac che nque'el ela libre, y quenbij chca moya' che nja'k na quewech, quenbij na chca jquemjon rtijic lowlo' che nquetotaj na.

San Lucas 4:18 Iomraidhean Croise

San Mateo 11:5

Ja moyaꞌ necaꞌy chic. Ja maquecowini nebini nebin chic. Ja recꞌo itzel tak chꞌaꞌc chiquij xetzuri. Ja taconaꞌ nquicꞌaxaj chi tzij. Ja camnakiꞌ xecꞌastaji. Ja mebaꞌiꞌ majtajnak rbixic chique ja utzlaj tzij xin totajem ja rtakonto ja Dios.

San Mateo 12:18

—Tetzꞌataꞌ mpeꞌ ja rajsamajel wxin ja nchaꞌon riꞌ, arjaꞌ congana nwajoꞌ, janila nquicot wanma trij. Anin xtinyaꞌ tre ja rEspíritu Santo wxin in arjaꞌ xtucꞌut ja bey xin Dios chiquewach ja winak ja ma e aj Israel ta.

San Mateo 12:20

Ja winak ja congana lawuloꞌ quibanon in capujnak quecꞌuꞌx rmal, arjaꞌ maqueruyoj más, neruyic in nerutoꞌ. Niquirwariꞌ xtuban in rmal arjaꞌ tok xtoqui ja rbey Dios pro chijutij xtoqui in nij arjaꞌ wiꞌ ja nchꞌocmaji.

San Mateo 4:16

Ja winak ja recꞌo chipan ariꞌ lugar, nabey xa pa kꞌekumal ecꞌo wiꞌ pro nquetzꞌat na jun nimlaj luz, ja nabey ecꞌo chipan jun bey ja xa camíc rcꞌamonto pro nsakirsax na quebey chiquewach rmal ja luz. Queriꞌ ja bitajnak can.

San Mateo 5:3

—Congana quiꞌil chique ja winak ja chꞌobtajnak cumal chi ni ncꞌatzin wiꞌ ja rEspíritu Santo chique chi nqꞌuejeꞌ pa tak canma, congana quiꞌil chique como quixin cꞌariꞌ ja gobierno xin chilaꞌ chicaj.

San Lucas 4:17

Cꞌo jun libro ja tzꞌibtal can rmal ja rojer profeta Isaías jariꞌ jach pa rukꞌaꞌ. Cꞌacꞌariꞌ xujak ja libro, xuwil ja tzij ja nsiqꞌuij chiquewach ja winak, quewaꞌ nbij ja tzij riꞌ:

San Lucas 6:20

Cꞌacꞌariꞌ ja Jesús xertzꞌelwachij ja rdiscípulo in quewaꞌ xbij riꞌ: —Ixix ja rix tak mebaꞌiꞌ congana quiꞌil chewe como ewxin cꞌariꞌ ja gobierno xin Dios.

San Lucas 7:22

Cꞌacꞌariꞌ xbij chique ja caꞌiꞌ discípulo ja re xin Juan Bautista: —Jix, jebij tre ja Juan nojel ja retzꞌaton camic in nojel ja recꞌwaxan. Ja moyaꞌ necaꞌy chic. Ja maquecowini nebini nebin chic. Ja recꞌo itzel tak chꞌaꞌc chiquij xetzuri. Ja taconaꞌ nquicꞌaxaj chi tzij. Ja camnakiꞌ xecꞌastaji. Ja mebaꞌiꞌ majtajnak rbixic chique ja utzlaj tzij xin totajem ja rtakonto ja Dios.

San Juan 1:41

Be chanim ja rAndrés ruqꞌuin ja Simón ja rchꞌalal in quewaꞌ xbij tre riꞌ: —Camic kawil ja Mesías, neꞌ tre. (Mesías tibij tzij Cristo.)

San Juan 12:46

Anin inpenak waweꞌ chwachꞌulew chi nsakirsaj quebey ja winak chiquewach utzcꞌa xa nak ta chi winakil ja xtiyukeꞌ quecꞌuꞌx wqꞌuin ejeꞌeꞌ maqueqꞌuejeꞌ más chipan ja kꞌekumal.

San Juan 3:34

Dios takyonto rxin ja Ralcꞌwalaxel in como ruqꞌuin ja Dios penak wiꞌ chewiꞌ tok tzij xin Dios ja nbij. Queriꞌ nuban como ja Dios nutakto ja rEspíritu Santo ruqꞌuin in ni nojnak wiꞌ ja rEspíritu Santo pa ranma, majutij ja maquita ucꞌan rmal.

Hechos 10:38

Bien ewotak nak xuban ja Jesús ja raj Nazaret chi Dios chaꞌo rxin, xutakto ja rEspíritu Santo ruqꞌuin in congana poder xuyaꞌ tre. Bien ewotak chi be nat nakaj ja Jesús cuqꞌuin ja winak, solo utzil nuban chique in nertzursaj ja quitijon pokon pa rukꞌaꞌ ja diablo. Queriꞌ xuban como ja Dios cꞌo ruqꞌuin.

Hechos 26:18

utzcꞌa chi nasakirsaj quebey chiquewach. Camic e caniꞌ moyaꞌ, pa kꞌekumal ecꞌo wiꞌ pro neꞌacoj na pa sakil. Neꞌel na pa rukꞌaꞌ ja Satanás in neꞌoc chi na pa rukꞌaꞌ ja Dios. Queriꞌ naban chique utzcꞌa chi ncuytaji ja quil quemac utzcꞌa chi cꞌo jun herencia nyataj na chique chiquicojol ja winak ja rechꞌachꞌojirsan chic chipan ja quil quemac rmal ja yukulbal quecꞌuꞌx wqꞌuin. Queriꞌ xbij ja Jesús chwe.

Hechos 4:26

Ja rey xin rwachꞌulew ejeꞌeꞌ quichomij quiꞌ chi nqueban ja chꞌaꞌoj in chakajaꞌ ja kꞌetol tak tzij ejeꞌeꞌ quemol quiꞌ chi nechꞌojin wqꞌuin in ruqꞌuin ja Cristo ja nchaꞌon. Queriꞌ abin can.

Hechos 4:27

In ni queriꞌ bantaji ja caniꞌ abin can ojer. Como ja Herodes rachbil Poncio Pilato ejeꞌeꞌ quecꞌam quiꞌ waweꞌ pa Jerusalén chi rcamsaxic ja Jesús ja Santilaj Awalcꞌwal ja racojon como Toꞌonel kaxin ja rok winak. Queriꞌ queban e cachbil ja winak tanto chique ja ma e aj Israel ta in chique ja raj Israel chakajaꞌ.

Colosenses 1:13

Arjaꞌ xokrutoꞌ pa rukꞌaꞌ ja kꞌekumal in xokrucoj chic chipan ja gobierno xin Jesucristo ja chakꞌlaj Ralcꞌwal.

Santiago 2:5

Chakꞌlaj wachꞌalal, camic teyaꞌaꞌ ewxquin tre ja xtinbij chewe riꞌ ¿la ma ewotak ta cꞌa chi ja mebaꞌiꞌ waweꞌ chwachꞌulew Dios erchaꞌon chi neꞌoc e biyomaꞌ? Ja ocnak quibiyomal jariꞌ ja yukulbal quecꞌuꞌx ruqꞌuin ja Dios. Ejeꞌeꞌ cꞌo jun nimlaj herencia ja xtiyataj chique, jariꞌ herencia neqꞌuejeꞌe chijutij chipan ja gobierno xin Dios. Queriꞌ rtzujun ja Dios chique e janiꞌ neꞌajoꞌn rxin.

1 Pedro 2:9

Pro ja rixix ix tinamit rxin ja Dios, ixchaꞌon rmal. Arjaꞌ xixrpartiꞌij chi neban ja rsamaj. Ix sacerdote rxin ja nimlaj Rey ja cꞌo chilaꞌ chicaj. Jariꞌ samaj yatajnak chewe utzcꞌa chi neyaꞌ rbixic ja nimlaj samaj ja rbanon ja katataꞌ Dios. Kas turkaj chewe chi arjaꞌ lasan ewxin chipan ja kꞌekumal in camic ixrcojon chic pa rcuenta arjaꞌ pa jun nimlaj sakil.