San Lucas 4:1 - Tz'utujil (Ja Cꞌacꞌa Chominem)

¹ Ja cꞌa Jesús arjaꞌ nojnak ja rEspíritu Santo pa ranma, xelel chipan ja binelyaꞌ Jordán, cꞌamarel rmal ja rEspíritu Santo chipan ja lugar ja kas talani.

Tz'utujil NT

¹ Ja' Jesús nojnak Espíritu Santo pranm, xel ela chpam binel ya' Jordán, xec'mar ela rmal Espíritu Santo chpam jun tenlic lwar.

San Lucas 4:1 Iomraidhean Croise

San Mateo 3:16

Ja Jesús tok chaka maril bantaj bautizar xelto pa yaꞌ in chaka jalal tok jaktaji ja caj. Cꞌacꞌariꞌ xutzꞌat ja rEspíritu Santo xin Dios caniꞌ jun ajsakaxicꞌ kajto ruqꞌuin.

San Lucas 2:27

Ja cꞌa Simeón arjaꞌ xucꞌax rmal ja rEspíritu Santo, be chipan ja nimlaj templo xin Dios in ni jariꞌ hora tok triꞌ cꞌamarel wiꞌ chakajaꞌ ja ti yaquiꞌ Jesús cumal ja rtataꞌ ruteꞌ utzcꞌa chi neba̱n tre ja caniꞌ nbij ja ley xin Dios.

San Lucas 3:3

Ja cꞌa Juan tok xcꞌaxaj ja bix tre rmal ja Dios cꞌacꞌariꞌ be, xa bar ta triꞌ nkꞌax wiꞌ ja binelyaꞌ Jordán triꞌ nbe wiꞌ in tok ecꞌoli winak ja neꞌekaj ruqꞌuin quewaꞌ nbij chique riꞌ: —Teqꞌuexaꞌ ja renaꞌoj, teyaꞌaꞌ can ja ritzelal in quixban bautizar, quirtariꞌ neban utzcꞌa chi ncuytaji ja rewil emac, neꞌ chique.

San Lucas 3:38

Ja Cainán ralcꞌwal Enós. Ja Enós ralcꞌwal Set. Ja Set ralcꞌwal Adán. Ja Adán ralcꞌwal Dios.

San Lucas 4:14

Ja cꞌa Jesús arjaꞌ meloj chipan ja departamento Galilea, nojnak chic ja poder rxin ja rEspíritu Santo pa ranma. Be cꞌa rtzijoxic cumal ja winak nojel nat nakaj.

San Lucas 4:18

—Ja rEspíritu Santo rxin ja kajaw Dios arjaꞌ cꞌo wqꞌuin como arjaꞌ inrtakonto utzcꞌa chi nyaꞌ rbixic ja utzlaj tzij ja rcꞌamonto totajem xin Dios chique ja tak mebaꞌiꞌ, inrtakonto chi nenutoꞌ ja winak ja kas ntiꞌon canma pa rukꞌaꞌ ja il mac, inrtakonto chi nyaꞌ rbixic chique ja winak ja reꞌocnak preso pa rukꞌaꞌ ja il mac chi neꞌel na libre, in nbij chique ja moyaꞌ chi nja̱k na quewach, in nbij chique ja quimajon rtijic ja rpokonal chi netotaj na.

San Juan 1:32

In xbij chic chique: —Anin xintzꞌat ja rEspíritu Santo penak chicaj caniꞌ jun ajsakaxicꞌ kajto trij in qꞌuejeꞌ ruqꞌuin.

San Juan 3:34

Dios takyonto rxin ja Ralcꞌwalaxel in como ruqꞌuin ja Dios penak wiꞌ chewiꞌ tok tzij xin Dios ja nbij. Queriꞌ nuban como ja Dios nutakto ja rEspíritu Santo ruqꞌuin in ni nojnak wiꞌ ja rEspíritu Santo pa ranma, majutij ja maquita ucꞌan rmal.

Hechos 1:2

Xintzꞌibaj ja bar xumajto wiꞌ ja rsamaj in bar xerqꞌuisaꞌ wiꞌ tokoriꞌ tok joteꞌ chilaꞌ chicaj. Ja tok majaꞌn tibe chilaꞌ chicaj xeruchaꞌ ja rapóstol in xuchꞌob chiquewach nak nqueban can ja tok xtibe. Ja xbij chique jaꞌ Espíritu Santo ucꞌayon rxin chi rbixic.

Hechos 10:38

Bien ewotak nak xuban ja Jesús ja raj Nazaret chi Dios chaꞌo rxin, xutakto ja rEspíritu Santo ruqꞌuin in congana poder xuyaꞌ tre. Bien ewotak chi be nat nakaj ja Jesús cuqꞌuin ja winak, solo utzil nuban chique in nertzursaj ja quitijon pokon pa rukꞌaꞌ ja diablo. Queriꞌ xuban como ja Dios cꞌo ruqꞌuin.

Hechos 8:39

Ja cꞌa tok xeꞌelto ja pa yaꞌ chaka jalal tok cꞌamarel ja Felipe rmal ja rEspíritu Santo. Ja cꞌa rachi ni ma xutzꞌat chi ta wiꞌ rwach ja Felipe pro xumaj chic jutij rubey, congana nquicoti.