San Lucas 3:14 - Tz'utujil (Ja Cꞌacꞌa Chominem)

¹⁴ Ecꞌoli soldado chakajaꞌ cꞌoli quicꞌaxaj tre quewariꞌ: —Ja cꞌa rajoj ¿nak nkaban? xecheꞌ tre. —Ma queꞌepuersaꞌij ta ja winak chi nqueyaꞌ quinakun chewe. In jun chic, ma tetzꞌak ta tzij chiquij winak. In jun chic, quixqꞌuejeꞌ conforme ruqꞌuin ja rewajil ja nechꞌec. Queriꞌ xbij ja Juan chique.

Tz'utujil NT

¹⁴ Ec'ola jle' soldado chka' cawra xecc'axaj tzra: —Ajoj ¿nak c'a nkaban? —Me tque'epors-ij ta wnak che nqueya' je cachnak chewa. Jun chic, mtetz'ak ta tzij chquij wnak. Jun chic, quixc'je'a conform ruq'uin ewjel jnech'ec. Cara' xbij Juan chca.

San Lucas 3:14 Iomraidhean Croise

San Mateo 8:5

Ja Jesús tok xekaj chipan ja tinamit Capernaum cꞌo jun capitán quixin soldado xekaj ruqꞌuin in quewaꞌ xbij tre riꞌ:

San Lucas 19:8

Ja cꞌa Zaqueo arjaꞌ peꞌi in xbij tre ja kajaw Jesús: —Ja camic Wajaw, cꞌa xinchꞌob chi caꞌiꞌ nban tre ja nmebaꞌil in nsipaj nicꞌaj chique ja tak mebaꞌiꞌ. In jun chic, cꞌo jeꞌe ja xocꞌo rwiꞌ ja rimpuesto ja xincꞌutuj chique ja winak pro ja camic can nmeloj quijiꞌ chiquitakariꞌ ja caniꞌ nwalakꞌan chique, neꞌe ja Zaqueo.

San Lucas 3:10

—¿Nak nkaban cꞌawaꞌ? kas necheꞌe ja winak tre.

San Lucas 3:13

—Ja rimpuesto tok nto̱j pan ekꞌaꞌ cumal ja winak xta nijawariꞌ necꞌam chique ja bin chewe rmal ja kꞌetbaltzij, ma teyaꞌ ta rwiꞌ ja necꞌutuj chique, neꞌe ja Juan chique.

Hechos 10:7

Be ja ángel. Ja cꞌa Cornelio ecꞌo caꞌiꞌ ajsamajelaꞌ xersiqꞌuij cachbil jun soldado. Ja soldado arjaꞌ jun chique ja nij ecꞌo wiꞌ ruqꞌuin ja Cornelio chi rtoꞌic in congana nuban respetar ja Dios.

Filipenses 2:15

Queriꞌ nbij chewe utzcꞌa chi ni katzij wiꞌ chi ix ralcꞌwal Dios nixtzꞌati utzcꞌa chi majun nak ta nixchapbexi in ni chꞌajchꞌoj wiꞌ ja rewanma. Quirtariꞌ neban jutzꞌit utzcꞌa chi mta ja ritzelal pa tak ecꞌaslemal ixix masqui ixcꞌo chiquicojol juleꞌ winak ja xa yojtajnak quinaꞌoj, juleꞌ winak ja congana itzel quicꞌaslemal. Pro ja rixix ix caniꞌ jun luz ja nsakirsan quebey chiquewach chipan ja kꞌekumal

Filipenses 4:11

Pro ja tok nbij queriꞌ chewe ma rmal ta chi cꞌol ayuda nwajoꞌ chewe como anin ni ninquicot wiꞌ nojel tiempo chi cꞌoli owi mta cꞌo wqꞌuin jariꞌ bien cꞌamonnak chic chwe.

Tito 2:3

In queriꞌ chique ja naniꞌ chakajaꞌ ja rjawaxic nqueban quewariꞌ, nqueban cuenta ja quicꞌaslemal ja caniꞌ nrajoꞌ ja Dios chique chi nqueban, maxta tiqueban molon tak tzij, ma quekꞌabar ta, tiquiyaꞌaꞌ jun utzlaj ejemplo chiquewach ja rixokiꞌ ja ma e rijaꞌ ta.

Apocalipsis 12:10

In cꞌo jun kulaj xincꞌwaxaj chilaꞌ chicaj fuerte rukul, quewaꞌ nbij riꞌ: —Camic xurwilaꞌ ja kꞌij chi ja totajem xin Dios nyataj chique winak in ntzꞌattaji ja nimlaj poder ja cꞌo pa rukꞌaꞌ, xurwilaꞌ ja kꞌij chi noqui ja gobierno rxin in nujach nojel pa rukꞌaꞌ ja Cristo ja rchaꞌon. Queriꞌ ja bantaji como chꞌakixto ja Diablo ja nbini ja quil ja kachꞌalal tre ja Dios como arjaꞌ chi pa kꞌij chi chakꞌaꞌ ni rmajonto wiꞌ quitzujuxic chwach ja Dios.