San Lucas 24:7 - Tz'utujil (Ja Cꞌacꞌa Chominem)

⁷ quewaꞌ xbij can chewe riꞌ: —Ja Ralcꞌwalaxel ja xoc alaxic cuqꞌuin ja winak rjawaxic chi nja̱ch na pa quekꞌaꞌ ja rajmaquiꞌ, rjawaxic chi ncamsax na chwach cruz pro ja chi rox kꞌij ncꞌastaj na, neꞌ can chewe, xecheꞌe ja caꞌiꞌ achiꞌiꞌ chique.

Tz'utujil NT

⁷ cawra xbij cana chewa: —Je Rlec'walxel jxoca alxic cuq'uin wnak nc'atzina che nja'ch na pquek'a' aj-il ajmac, nc'atzina che ncamsas na chwech cruz, per prox k'ij nc'astaj na, cara' xbij cana chewa, cara' xecbij e c-e' ach-i' chca.

San Lucas 24:7 Iomraidhean Croise

San Mateo 16:21

Ja Jesús, chipan ariꞌ tiempo xumajto rkꞌalasaxic chiquewach ja rdiscípulo chi rjawaxic nbe na pa Jerusalén, quewaꞌ xbij chique riꞌ: —Nentijaꞌ na rpokonal pa quekꞌaꞌ ja principaliꞌ e cachbil ja jefe quixin sacerdote e cachbil chakajaꞌ ja maestro ja netijon quixin ja winak tre ja ley xin Dios. Congana lawuloꞌ xtiban na chwe, nincamsax na in chi rox kꞌij nincꞌastaj na, neꞌ chique.

San Lucas 24:26

Ja Cristo arjaꞌ bien kꞌalaj chi ni rjawaxic wiꞌ tre nabey chi xurtijaꞌ nojel awaꞌ ja rpokonal ja cꞌa xebij chwe riꞌ in cꞌa después na nbe pa gloria ja bar nkꞌalajin wiꞌ chi congana nim rukꞌij, neꞌ chique.

San Lucas 24:46

quewaꞌ xbij chique riꞌ: —Tzꞌibtal can chipan ja rtzobal Dios chi ja Cristo arjaꞌ nurtijaꞌ na ja rpokonal in ncamsax na in chi rox kꞌij ncꞌastaj na chiquicojol camnakiꞌ, queriꞌ nbij.

Gálatas 2:15

Ajoj chꞌobtajnak chic kumal chi xa rmal ja nyukeꞌ acꞌuꞌx ruqꞌuin ja Jesucristo chewiꞌ tok Dios natrutoꞌ, natrwasajel libre in nuban chawe caniꞌ mta awil amac abanon, ma rmal ta ja ley xin Dios ja kas ta xtaban jeꞌe cumplir tok nuban queriꞌ chawe. Ajoj masqui ok aj Israel pro ruqꞌuin ja Jesucristo yukul chi wiꞌ kacꞌuꞌx utzcꞌa chi ja Dios nokrutoꞌ nokrucꞌul pro xa rmal ja yukulbal kacꞌuꞌx ruqꞌuin ja Cristo, ma rmal ta ja ley ja kas ta xtikaban jeꞌe cumplir como ni majun winak xtitotaj ta xticꞌul ta rmal ja Dios xta rmal ja ley ja kas ta xtuban jeꞌe cumplir. Queriꞌ kabanon ja ni pa kalaxic wiꞌ chi ok aj Israel. Ajoj ok aj Israel nokcheꞌe, in xa cꞌamonnak chake chi nkabij chi ma ok junan ta cuqꞌuin ja ma e aj Israel ta como ejeꞌeꞌ mta ja ley xin Dios cuqꞌuin, xa e ajꞌil xa e ajmaquiꞌ, okchenakto chique.