San Lucas 24:52 - Tz'utujil (Ja Cꞌacꞌa Chominem)

⁵² Ja cꞌa rejeꞌeꞌ congana queyaꞌ rukꞌij cꞌacꞌariꞌ xemeloj chipan ja tinamit Jerusalén, congana jun nimlaj quicotemal cꞌo pa tak canma.

Tz'utujil NT

⁵² Arj-e' congan xqueya' ruk'ij. C'jara' xemloja chpam tnamet Jerusalén, congan jun nimlaj quicotemal c'ola ptak canm.

San Lucas 24:52 Iomraidhean Croise

San Mateo 28:17

Ja cꞌa tok quetzꞌat ja Jesús quemaj ryaꞌic rukꞌij pro ecꞌoli ja ma kas ta nquinimaj chi Jesús.

San Mateo 28:9

Kas ebenak chi rbixic chique ja discípulo ja bixel chique tok chaka jalal quecꞌul quiꞌ ruqꞌuin ja Jesús. Ja cꞌa Jesús xuyaꞌ pon jun saludo chique. Ja cꞌa rejeꞌeꞌ tok xeꞌekaj ruqꞌuin quechap ja rkan in quemaj ryaꞌic rukꞌij.

San Lucas 24:51

Kas cꞌa rmajon rcꞌutuxic ja rutzil pa quewiꞌ ja tok chaka jalal be, cꞌamarel chilaꞌ chicaj.

San Lucas 24:53

Kꞌij kꞌij ni nepi wiꞌ chipan ja nimlaj templo, xajutij quimajon ryaꞌic rukꞌij ja Dios. Amén.

San Juan 14:28

Ixix xecꞌwaxaj ja tok quewaꞌ xinbij chewe riꞌ: —Anin ninbe pro ninmelojpi chi na jutij ewqꞌuin. Ruqꞌuin ja Nataꞌ ninbe wiꞌ, xincheꞌ chewe. Ja wixta congana ninewajoꞌ xixquicot ta cꞌariꞌ ja tok xinbij chewe chi ruqꞌuin ja Nataꞌ ninbe wiꞌ como ja Nataꞌ arjaꞌ más na nim rukꞌij chinwach anin.

San Juan 16:22

Queriꞌ cꞌa chewe ixix chakajaꞌ camic, emajon bis pro nutzꞌat chi na jutij riꞌ kawach ewqꞌuin, janila xquixquicot rmal pro jun quicotemal ja majun nak ta xtiwasan ta chewe.

San Juan 16:7

Pro nojel ja nmajon rbixic chewe ni katzij wiꞌ. Ja ninel checojol jariꞌ cꞌoli rcꞌamonto chewe. Ja wixta maquinbe maquita nkajto ariꞌ ewqꞌuin ja jun chic Toꞌonel pro ja wi ninbe, anin ninetakoto rxin ewqꞌuin.

San Juan 20:28

—Atat at Wajaw, atat at nDios, neꞌe ja Tomás tre.

Hechos 1:12

Cꞌacꞌariꞌ ja rapóstol xeꞌelto parwiꞌ ja ti jayuꞌ rbinaꞌan Olivo, xemeloji ja pa Jerusalén. Ja ti jayuꞌ xa jun caꞌiꞌ kilómetro ja rcojol ruqꞌuin ja Jerusalén.

1 Pedro 1:8

Ixix janila newajoꞌ ja Jesucristo masqui ma etzꞌaton ta rwach in ni yukul wiꞌ ecꞌuꞌx ruqꞌuin camic. Rmalariꞌ tok janila nixquicoti camic, yatajnak chewe ja nimlaj quicotemal xin chilaꞌ chicaj.