San Lucas 24:44 - Tz'utujil (Ja Cꞌacꞌa Chominem)

⁴⁴ Cꞌacꞌariꞌ xbij chique: —Camic bantaj cumplir ja tzij ja xinbij chewe tokoriꞌ tok majaꞌn quincami como ja xinbij chewe chi puersa nbantaj na cumplir nojel ja tzꞌibtal can chwe chipan ja rtzobal Dios caniꞌ tre ja tzꞌibtal can rmal ja Moisés in cumal ja juleꞌ chic profeta xin Dios in chakajaꞌ ja tzꞌibtal can chwe chipan ja libro xin salmo, neꞌ chique.

Tz'utujil NT

⁴⁴ C'jara' cawra xbij chca: —Camic xbantaja cumplir jtzij jxenbij chewa chpors nbantaj na cumplir njelal jtz'iban cana chwij chpam rtzojbal Dios ajni' tzra jtz'iban cana rmal Moisés ruq'uin cmal jle' chic profeta rxin Dios, chka' jtz'iban cana chwij chpam libro rxin salmo, cara' xbij chca.

San Lucas 24:44 Iomraidhean Croise

San Mateo 1:22

Nojel ja cꞌa xintzꞌibaj kaj riꞌ ma chaka ta bantaji, rumac chi triꞌ bantaj wiꞌ cumplir ja rbin can ja kajaw Dios ja tzꞌibtal can rmal ja profeta quewariꞌ:

San Mateo 16:21

Ja Jesús, chipan ariꞌ tiempo xumajto rkꞌalasaxic chiquewach ja rdiscípulo chi rjawaxic nbe na pa Jerusalén, quewaꞌ xbij chique riꞌ: —Nentijaꞌ na rpokonal pa quekꞌaꞌ ja principaliꞌ e cachbil ja jefe quixin sacerdote e cachbil chakajaꞌ ja maestro ja netijon quixin ja winak tre ja ley xin Dios. Congana lawuloꞌ xtiban na chwe, nincamsax na in chi rox kꞌij nincꞌastaj na, neꞌ chique.

San Mateo 26:54

Pro ja wixta maquita ninkꞌax chipan ja rincꞌo wiꞌ camic riꞌ matibantaj cꞌa cumplir ariꞌ ja tzꞌibtal can chipan ja rtzobal Dios chi cꞌo rjawaxic chi ninkꞌax chipan, neꞌ tre.

San Mateo 26:56

Pro nojel awaꞌ wariꞌ ma chaka ta nbantaji, rumac chi nbantaj cumplir ja tzꞌibtal can chwe ojer cumal ja rojer tak profeta xin Dios, neꞌ chique. Cꞌacꞌariꞌ ja rdiscípulo queyaꞌ can, xeꞌanmajel.

Marcos 9:31

como arjaꞌ rmajon quitijoxic ja rdiscípulo. Quewaꞌ ja rmajon rbixic chique riꞌ: —Ja Ralcꞌwalaxel ja xoc alaxic cuqꞌuin ja winak arjaꞌ nja̱ch na pa quekꞌaꞌ ja winak, ncamsax na cumal pro ja tok xticamstaji ncꞌastaj na rwach chi rox kꞌij, neꞌ chique.

San Lucas 21:22

Queriꞌ nbij chewe como ja tok xterilaꞌ ariꞌ tiempo ja cꞌa xinbij chewe riꞌ tokocꞌariꞌ cꞌo jun nimlaj juicio nkajto na parwiꞌ ja tinamit Jerusalén utzcꞌa chi nbantaj cumplir nojel ja tzꞌibtal can tre chipan ja rtzobal Dios.

San Lucas 22:37

Queriꞌ nbij chewe como anin puersa ninkꞌax na chipan ja tzꞌibtal can chwe chipan ja rtzobal Dios, quewaꞌ tzꞌibtal can chwe riꞌ: —Arjaꞌ xa junan ban tre ja caniꞌ nba̱n chique ja ritzel tak winak. Queriꞌ ja tzꞌibtal can chwe in puersa nbantaj na cumplir como nojel ja tzꞌibtal can chwe jariꞌ ntajini nbantaj cumplir, neꞌe ja Jesús chique.

San Lucas 24:46

quewaꞌ xbij chique riꞌ: —Tzꞌibtal can chipan ja rtzobal Dios chi ja Cristo arjaꞌ nurtijaꞌ na ja rpokonal in ncamsax na in chi rox kꞌij ncꞌastaj na chiquicojol camnakiꞌ, queriꞌ nbij.

San Lucas 9:22

Anin ja rin Alcꞌwalaxel ja xinoc alaxic cuqꞌuin ja winak qꞌuiy rwach ja rpokonal ntij na, xa itzel ninquetzꞌat na ja principaliꞌ xin tinamit e cachbil ja jefe quixin sacerdote e cachbil chakajaꞌ ja maestro ja netijon quixin ja winak tre ja ley xin Dios, nincamsax na in chi rox kꞌij nincꞌastaj na, neꞌ chique.

San Lucas 9:44

—Kas toc pan ewxquin ja xtinbij chewe riꞌ. Ja Ralcꞌwalaxel ja xoc alaxic cuqꞌuin ja winak arjaꞌ nja̱ch na pa quekꞌaꞌ ja winak, neꞌ chique.

San Juan 3:14

Caniꞌ xuban ja Moisés ojer chipan ja chakijlaj ulew, arjaꞌ cꞌo jun rachbal cumatz xjotbaꞌ chwach jun cheꞌ in xetotaji ja winak rmal in queriꞌ cꞌa xtiban na tre ja Ralcꞌwalaxel ja xoc alaxic cuqꞌuin ja winak, arjaꞌ njotbax na chwach jun cheꞌ.

San Juan 5:39

Ja rixix congana nesiqꞌuij ja rtzobal Dios: —Chipan ja rtzobal Dios nkawil wiꞌ ja utzlaj cꞌaslemal ja ni mta wiꞌ qꞌuisic trij, nixcheꞌ kaj. Pro ja rtzobal Dios, anin ja ninrtzijoj, ja rtzobal Dios jariꞌ nkꞌalasani nak inocnak wiꞌ.

San Juan 5:46

Ja wixta katzij chi xenimaj ja Moisés xinenimaj ta cꞌa anin ariꞌ chakajaꞌ como ja rtzꞌiban can ja Moisés, chwe anin rtzꞌiban can wiꞌ chi bien nkꞌalajini nak inocnak wiꞌ.

Hechos 13:33

jariꞌ rbanon chic cumplir ja Dios pa katiempo ajoj ja rok quiy quemam can como arjaꞌ xuyic ja Jesús chipan ja camíc. Caniꞌ tzꞌibtal can chipan ja rtzobal Dios chipan ja rcab salmo quewaꞌ nbij ja Dios tre ja Cristo riꞌ: —Atat at Walcꞌwal, camic xincꞌut chiquewach ja winak chi at Walcꞌwal, queriꞌ xbij tre.

Hechos 13:40

Rmalcꞌariꞌ tok nbij chewe, tebanaꞌ cuenta matzij tikajto chewij ja juicio xin Dios ja caniꞌ tzꞌibtal can cumal ja profeta ojer, quewaꞌ nbij ja Dios riꞌ:

Hechos 2:27

como atat mta moda xquinayaꞌ can ta chijutij chiquicojol ja camnakiꞌ. Ja cuerpo rxin ja Santilaj Awalcꞌwal wotak chi matayaꞌ lugar tre chi xtakꞌay ta.

Hechos 3:18

Pro ja xeban jariꞌ ni rchominto wiꞌ ja Dios in queriꞌ bantaji ja caniꞌ rbin can ojer chipan ja rtzobal. Como canojel ja profeta xin Dios ejeꞌeꞌ quitzꞌiban can ojer chi ja Cristo nutij na ja rpokonal.

Hechos 7:37

Ja mismo Moisés quewaꞌ xbij chique ja tinamit xin Dios riꞌ: —Ja kajaw Dios arjaꞌ cꞌo jun profeta ja xtutakto na chi etoꞌic ja caniꞌ xuban anin chwe tok xinrutak ewqꞌuin. Jariꞌ profeta arjaꞌ kach aj Israel in bien teyaꞌaꞌ ewxquin tre xa nak ta ja xtibij chewe. Queriꞌ xbij ja Moisés chique.

Hebreos 10:1

Ja rcꞌamonto ja ley xa caniꞌ rnatuꞌ ja rutzil ja tzujunto ojer rmal ja Dios pro ma rcꞌamonpi ta ja mero utzil. Rmalcꞌariꞌ maticowini ja ley xquerutoꞌ ta chijutij ja winak ja junaꞌ junaꞌ neꞌekaj chwach ja Dios in neꞌequitzujuj ja chicop chwach rumac ja quil quemac.

Hebreos 3:5

Ja Moisés ni katzij wiꞌ chi arjaꞌ xuban cumplir ja samaj xin Dios, arjaꞌ xucꞌan quixin ja tinamit xin Dios. Arjaꞌ moso rxin Dios, ja cꞌa samaj xubanto jariꞌ jun testimonio canaj can, cꞌo jeꞌe xucꞌutto ja majaꞌn tikꞌalajini triꞌ.

Hebreos 7:1

Caniꞌ tzꞌibtal can chipan ja rtzobal Dios ja Melquisedec arjaꞌ rey xin jun tinamit Salem rubiꞌ, chakajaꞌ arjaꞌ sacerdote, nuban ja samaj xin Dios ja katzij chi Dios. Xuban jutij tre ja rAbraham xercꞌuluꞌ pa bey tokoriꞌ tok ja rAbraham ecꞌo juleꞌ rey ercamsan in melojto pa chꞌaꞌoj. Ja cꞌa rAbraham ban bendecir rmal ja Melquisedec.

Hebreos 9:8

Jawaꞌ ja cꞌa xinbij chewe riꞌ cꞌoli nucꞌut chikawach ja nkꞌalasax chikawach rmal ja rEspíritu Santo, quewaꞌ nucꞌut chikawach riꞌ, ja nabey cuarto tok majaꞌn tocꞌo rukꞌij cꞌa tzꞌapal na chikawach ja santilaj lugar ja bar cꞌo wiꞌ ja Dios.

1 Pedro 1:11

Ja rEspíritu xin Cristo arjaꞌ xuchꞌob pa quewiꞌ pa tak canma chi cꞌo jun Toꞌonel ja npi na, ja cꞌa rejeꞌeꞌ congana nquetij quekꞌij chi ncotakij nak chi winakil ja npeti in nak tiempo ja npi wiꞌ. Como ja rEspíritu arjaꞌ nbij chique chi ja Cristo xturtijaꞌ na rpokonal in nya̱ꞌ chi na rukꞌij ja tok xticꞌastaj rwach. Jariꞌ chꞌobtaj chiquewach ja tok majaꞌn tipeti ja Cristo.

Apocalipsis 19:10

Ja cꞌa ranin xinxuqueꞌ chwach ja ángel, laj xinyaꞌ rukꞌij pro arjaꞌ quewaꞌ xbij chwe riꞌ: —Ma taban ta quelaꞌ como ja ranin xa ok junan awqꞌuin, xa ok ajsamajelaꞌ rxin ja Dios e kachbil ja rawachꞌalal ja nqueyaꞌ testigoꞌil trij ja Jesús. Ja más mejor naban, Dios ja tayaꞌaꞌ rukꞌij. Queriꞌ nbij chawe como ja tok nkayaꞌ testigoꞌil trij ja Jesús jariꞌ tibij tzij chi ja mismo Espíritu Santo cꞌayon kaxin chi rbixic ja kꞌalasan jeꞌe rmal ja Dios.