San Lucas 24:36 - Tz'utujil (Ja Cꞌacꞌa Chominem)

³⁶ Kas cꞌa quimajon tzij ja tok chaka jalal winakari ja Jesús chiquicojol in quewaꞌ xbij chique riꞌ: —Ja quicotemal xin Dios tiqꞌuejeꞌ checojol, neꞌ chique.

Tz'utujil NT

³⁶ Kas quemjon tzij tak chek q'uenjlal xwankera Jesús chquecjol y cawra xbij chca ra: —Qui'il ta nec'je'a ewanm chwech Dios, cara' xbij.

San Lucas 24:36 Iomraidhean Croise

San Mateo 10:13

Ja winak wi yatal chiquij chi nixqꞌuejeꞌ cuqꞌuin xtiqꞌuejeꞌ ta cuqꞌuin ja quicotemal xin Dios ja recꞌamonel chique. Nowi ma yatal ta chiquij chi nixqꞌuejeꞌ cuqꞌuin matiqꞌuejeꞌ cꞌariꞌ chakajaꞌ ja quicotemal xin Dios cuqꞌuin.

Marcos 16:14

Ja cꞌa tok be jutzꞌit tiempo tre xucꞌut chic jutij riꞌ ja Jesús chiquewach ja julajuj rdiscípulo, ejeꞌeꞌ kas eꞌocnak pa mesa. Ja Jesús arjaꞌ xumaj quichꞌolixic rmal ja ma kas ta yukul quecꞌuꞌx ruqꞌuin in rmal ja kas maril nquinimaj chi cꞌastaji. Queriꞌ xuban chique como ejeꞌeꞌ ma xquinimaj ta ja bix chique cumal ja xetzꞌato rxin chi cꞌastajnak chic.

San Lucas 10:5

Ja tok nixoc chipan jun jay, tok neꞌekꞌijlaꞌ ja winak quewaꞌ ja kas nebij chique nabey riꞌ: —Ja quicotemal xin Dios tiqꞌuejeꞌ pan ewochoch, quixcheꞌ chique.

San Juan 14:27

Anin ninbe pro kas tiquicot can ja rewanma. Anin cꞌo jun quicotemal wqꞌuin jariꞌ nyaꞌ can chewe pro jariꞌ ma junan ta ruqꞌuin ja quicotemal ja xa xin rwachꞌulew. Maxta ticapuj ecꞌuꞌx in maxta texbej ewiꞌ chakajaꞌ.

San Juan 16:33

Nojel awaꞌ ja xinbij chewe chipan awaꞌ jun tucwakꞌabil riꞌ utzcꞌa chi nyataj na chewe ja quicotemal xin Dios ja tok xa jun chic ebanon wqꞌuin. Ja chipan awaꞌ rwachꞌulew riꞌ congana rpokonal xtetij na pro quixquicoti como ja ritzelal rxin ja rwachꞌulew jariꞌ ni ma cowinnak ta wiꞌ chwij, nij anin wiꞌ inchꞌocmajnak. Queriꞌ xbij ja Jesús chique ja rdiscípulo.

San Juan 20:26

Ja cꞌa cha jun domingo chic quimolon chic jutij quiꞌ ja discípulo chipan ja jay cachbil ja Tomás. Tzꞌapali ja chiꞌjay pro chaka jalal tok xekaji ja Jesús, peꞌi chiquicojol in quewaꞌ xbij chique riꞌ: —Ja quicotemal xin Dios tiqꞌuejeꞌ checojol, neꞌ chique.

Hechos 1:3

Ja cꞌa tok cami in tok cꞌastaji cꞌacꞌariꞌ xucꞌut riꞌ chiquewach ja rapóstol. Caꞌwinak kꞌij qꞌuejeꞌ chi na chwachꞌulew in qꞌuiylaj mul xucꞌut riꞌ chiquewach ja rapóstol in cꞌo chi na más ja xuban chiquewach utzcꞌa chi cꞌo quiseguro chi ni katzij wiꞌ chi cꞌastajnak chic. Arjaꞌ ntzijon cuqꞌuin in nuchꞌob chiquewach nak rbanic ja gobierno xin Dios.

1 Corintios 15:5

Ja cꞌa tok cꞌastaji cꞌacꞌariꞌ xucꞌut riꞌ chwach ja Cefas. In xuban chi cꞌa jutij xucꞌut riꞌ chiquewach ja rapóstol chi e cablajuj.

1 Corintios 15:7

Xuban chic jutij xucꞌut riꞌ chwach ja Jacobo in xuban chi cꞌa jutij xucꞌut riꞌ chiquewach ja rapóstol pro ni chiquewach canojelal.

2 Tesalonicenses 3:16

Ja kajaw Jesucristo arjaꞌ nyowi ja quicotemal, arjaꞌ xtuyaꞌ ta chewe ja quicotemal nojel tiempo xa nak ta npi chewij, xtiqꞌuejeꞌ ta ewqꞌuin ewanojelal.

Apocalipsis 1:4

Jawaꞌ ja nmajon rtzꞌibaxic ntakel ewqꞌuin ja rix wukuꞌ iglesia ja rixcꞌo chipan ja departamento Asia. Ja rutzil ja nsipaj ja Dios rachbil ja quicotemal xin Dios ja tariꞌ xtecochij más tre ja Dios, jariꞌ Dios mta jutij ja maquita cꞌoli, arjaꞌ cꞌoli camic, ni cꞌo wiꞌ ojer in ni cꞌo wiꞌ chwak cabij in chijutij, in xtecochij ta chique chakajaꞌ ja wukuꞌ espíritu ja recꞌoloc chwach ja trono rxin Dios,