San Lucas 24:32 - Tz'utujil (Ja Cꞌacꞌa Chominem)

³² Ja cꞌa rejeꞌeꞌ quemaj chic tzij chibil tak quiꞌ, quewaꞌ quibij riꞌ: —Ja tok arjaꞌ rmajon tzij kuqꞌuin pa bey in tok rmajon rchꞌobic chikawach ja rtzobal Dios jariꞌ ni katzij wiꞌ chi congana jun nimlaj quicotemal xunaꞌ ja kanma rmal, xecheꞌe.

Tz'utujil NT

³² Arj-e' xquemaj chic tzij chbil tak qui', cawra xecbij ra: —Tak arja' remjon tzij kuq'uin pbey y tak remjon rch'obic chkawech rtzojbal Dios jara' ne ktzij wa' chcongan jun nimlaj quicotemal xuna' kanm rmal, cara' xecbij.

San Lucas 24:32 Iomraidhean Croise

Marcos 4:34

Ni majun nak ta xbij ta chique ja maquita xucoj cꞌambal tak tzij chi rbixic chique. Pro ja xuban chique ja rdiscípulo arjaꞌ, xeryonaj in xkꞌalasaj chiquewach nojel ja nbij ja cꞌambal tak tzij.

San Lucas 24:45

Cꞌacꞌariꞌ xuchꞌob más chiquewach ja rtzobal Dios,

San Juan 6:63

Ja rEspíritu arjaꞌ nyowi ja utzlaj cꞌaslemal ja mta qꞌuisic trij, ma ja ta ja cuerpo xin jun winak nyowi. Ja tijonem xinyaꞌ chewe jariꞌ xin ewanma, jun tijonem ja nuyaꞌ chewe ja utzlaj cꞌaslemal ja mta qꞌuisic trij.

Hechos 28:23

Cꞌacꞌariꞌ quicanoj jun kꞌij ja tok xtitzijoni ja Pablo cuqꞌuin. Ja cꞌa tok xerilaꞌ ja kꞌij congana e qꞌuiy ja xebe ruqꞌuin ja bar cꞌo wiꞌ. Ja tok xeꞌekaj ruqꞌuin arjaꞌ xumaj quitijoxic, akꞌabil xumaj quitijoxic in cꞌa takakꞌij xtanbaꞌ. Xuchꞌob chiquewach nak rbanic ja gobierno xin Dios. Xuchꞌob chiquewach nak rcꞌamonto ja tzꞌibtal can chipan ja rtzobal Dios ja caniꞌ tre ja ley xin Dios ja tzꞌibtal can rmal ja Moisés in caniꞌ tre ja quitzꞌiban can ja juleꞌ chic profeta jariꞌ ncꞌutbej chiquewach chi ja Jesús arjaꞌ ja Cristo ja chaꞌon rmal ja Dios. Congana xutij rukꞌij chiquij utzcꞌa chi nchꞌobtaj cumal.

Hebreos 4:12

Ja cꞌa rtzobal Dios jariꞌ ma camnak ta rwach pro cꞌo rchokꞌakꞌ, nuban ja rsamaj. Ni ma cꞌayew ta nekaji cꞌa chipan ja rawanma chwach jun espada ja congana is rutzaꞌm in caꞌiꞌ rwarey. Ni majun ja maquita ncowini noc wiꞌ chawe, wi pan apensar, wi pan awanma, wi pan abakil, nojel noc wiꞌ. Nerkꞌalasajto nak ja nanaꞌ kaj in nak ja nachꞌob kaj pan awanma.