San Lucas 24:25 - Tz'utujil (Ja Cꞌacꞌa Chominem)

²⁵ Ja cꞌa Jesús quewaꞌ xbij chique riꞌ: —Ixix xa matichꞌobtaj emwal nojel ja quibin can ja rojer tak profeta xin Dios, ma nojel ta ecꞌuꞌx ma nojel ta ewanma eniman nojel ja tzꞌibtal can cumal chipan ja rtzobal Dios.

Tz'utujil NT

²⁵ Ja' Jesús cawra xbij chca: —Ixix majo'n ch'obtanak ta ewmal njelal je cbin cana e ojer tak profeta rxin Dios, me njelal ta ec'u'x me njelal ta ewanm eniman njelal jtz'ibtanak cana cmal chpam rtzojbal Dios.

San Lucas 24:25 Iomraidhean Croise

San Mateo 26:24

Ja Ralcꞌwalaxel ja xoc alaxic cuqꞌuin ja winak arjaꞌ ncamsax na caniꞌ tzꞌibtal can tre chipan ja rtzobal Dios pro congana lawuloꞌ tre ja xtijacho rxin pa quekꞌaꞌ ja necamsan rxin, makanaꞌ maquita Alcꞌwalaxel ja xoc alaxic cuqꞌuin ja winak. Ja xtijacho rxin más ta utz ja maquita xalax chwachꞌulew. Queriꞌ bix chique rmal.

Marcos 16:14

Ja cꞌa tok be jutzꞌit tiempo tre xucꞌut chic jutij riꞌ ja Jesús chiquewach ja julajuj rdiscípulo, ejeꞌeꞌ kas eꞌocnak pa mesa. Ja Jesús arjaꞌ xumaj quichꞌolixic rmal ja ma kas ta yukul quecꞌuꞌx ruqꞌuin in rmal ja kas maril nquinimaj chi cꞌastaji. Queriꞌ xuban chique como ejeꞌeꞌ ma xquinimaj ta ja bix chique cumal ja xetzꞌato rxin chi cꞌastajnak chic.

Marcos 7:18

In quewaꞌ xbij chique riꞌ: —Takaꞌan matichꞌobtaj emwal ixix chakajaꞌ. ¿La matichꞌobtaj cꞌa emwal chi ja noc pan achiꞌ jariꞌ mta moda xtitzꞌilorsaj ta ja rawanma?

Marcos 9:19

Ja cꞌa Jesús tok cꞌaxtaj rmal ja bix tre rmal ja rachi quewaꞌ xbij riꞌ: —Ixix ja rix aj Israel ni takaꞌan mta wiꞌ ja yukulbal ecꞌuꞌx wqꞌuin. Taqꞌue titzuri ja nsamaj checojol, cꞌayew chwe chi ncochꞌ más ja matiyukeꞌ ecꞌuꞌx wqꞌuin. Camic tecꞌamaꞌto ja ralaꞌ wqꞌuin, neꞌ chique.

San Lucas 24:24

Ecꞌo cꞌa juleꞌ achiꞌiꞌ e kachbil, ejeꞌeꞌ xebe chic ruqꞌuin ja panteón in tok xeꞌekaji quetzꞌat chi ni katzij wiꞌ ja bix chique cumal ja rixokiꞌ. Pro ja Jesús jariꞌ ni mta wiꞌ rwach quetzꞌat ta triꞌ. Queriꞌ cꞌa ja bantaji, xecheꞌe ja caꞌiꞌ discípulo tre ja Jesús.

San Juan 5:39

Ja rixix congana nesiqꞌuij ja rtzobal Dios: —Chipan ja rtzobal Dios nkawil wiꞌ ja utzlaj cꞌaslemal ja ni mta wiꞌ qꞌuisic trij, nixcheꞌ kaj. Pro ja rtzobal Dios, anin ja ninrtzijoj, ja rtzobal Dios jariꞌ nkꞌalasani nak inocnak wiꞌ.

1 Corintios 15:3

Ja xinchꞌob chewach nabey jariꞌ ja kꞌalasan chic jeꞌe chinwach anin in quewaꞌ rbanic riꞌ. Cami ja Cristo pro rmal kil kamac ja tok cami in ni tzꞌibtal can wiꞌ ojer chipan ja rtzobal Dios chi arjaꞌ ncam na pa kacuenta.