San Lucas 23:8 - Tz'utujil (Ja Cꞌacꞌa Chominem)

⁸ Ja cꞌa Herodes tok xekaji ja Jesús ruqꞌuin congana quicoti como arjaꞌ cꞌo chic tiempo ja congana rgana nutzꞌat riꞌ quewach ruqꞌuin como ekajnak chic rbixic ruqꞌuin nojel ja ntajini nuban ja Jesús in cꞌo rgana nutzꞌat ja tok nuban jun milagro.

Tz'utujil NT

⁸ Ja' Herodes tak xekaja Jesús ruq'uin congan xquicota com arja' c'o chic tiemp nyarij nutz'et ri' quewech ruq'uin com kanak chic rbixic ruq'uin njelal je ntajina nuban Jesús y nrajo' nutz'et tak nuban jun milagro.

San Lucas 23:8 Iomraidhean Croise

San Mateo 14:1

Chipan ariꞌ tiempo nojel ja ntajini nuban ja Jesús xekaj rbixic ruqꞌuin ja gobernador Herodes.

Marcos 6:14

Ja Jesús nojel ja ntajini nuban xekaj rbixic ruqꞌuin ja rey rbinaꞌan Herodes como benak nat nakaj ja rtzijoxic. Ja cꞌa Herodes quewaꞌ xbij riꞌ: —Ja rachi ja maxcoꞌ ntajini nuban arjaꞌ Juan Bautista cꞌastajnakto chiquicojol camnakiꞌ chewiꞌ cꞌa tok ocnak tre ja nimak tak poder ja ntajini nsamaj ruqꞌuin camic, neꞌe.

Marcos 8:34

Cꞌacꞌariꞌ ja Jesús xersiqꞌuij pon ja rdiscípulo e cachbil ja juleꞌ chic winak ja recꞌo triꞌ, quewaꞌ xbij chique riꞌ: —Xa nak ta ja cꞌo rgana nyukeꞌ rucꞌuꞌx wqꞌuin rjawaxic chi matuyaꞌ rgana ja tzabuklaj cꞌaslemal rcꞌan. Rjawaxic chakajaꞌ chi matipokonaj nutij ja rpokonal mwal in ntreꞌel chwij. Jariꞌ caniꞌ jun cruz nya̱ꞌ trij pro matipokonaj nucꞌam ja cruz, nrijkajel in nbe ja bar necamsax wiꞌ.

San Lucas 4:23

Ja cꞌa Jesús quewaꞌ xbij chique riꞌ: —Anin cꞌo nseguro chi quewaꞌ nebij chwe camic riꞌ: —Como neꞌatzursaj ja winak queꞌatzursaj cꞌa chakajaꞌ ja rawach tak aj tinamit. Como cꞌo juleꞌ milagro xaban chipan ja tinamit Capernaum tabanaꞌ cꞌa chakajaꞌ waweꞌ chipan ja ratinamit atat, nixcheꞌ chwe.

Hechos 8:19

quewaꞌ xbij chique riꞌ: —Teyaꞌaꞌ anin chwe ja poder ja caniꞌ cꞌol ewqꞌuin ixix utzcꞌa tok cꞌo jun nyaꞌ nukꞌaꞌ parwiꞌ nkajto ja rEspíritu Santo ruqꞌuin chakajaꞌ, neꞌ chique.