San Lucas 23:34 - Tz'utujil (Ja Cꞌacꞌa Chominem)

³⁴ Ja cꞌa Jesús arjaꞌ cꞌo jun oración xuban quewariꞌ: —Nataꞌ, queꞌacuyuꞌ como ejeꞌeꞌ ma cotak ta ja netajini nqueban, neꞌ tre ja Tatixel. Cꞌacꞌariꞌ quemaj rbanic suerte trij ja rtziak nak xtichꞌeco chique in quejach chiquewach.

Tz'utujil NT

³⁴ Ja' Jesús cawra jun oración xuban: —Nedta', que'acyu' com arj-e' majo'n cutkin ta je nqueban, cara' xbij tzra Ttixel. C'jara' xquemaj rbanic suert tzrij retziak nak jun xtech'cowa chca y nquejach chquewech.

San Lucas 23:34 Iomraidhean Croise

San Mateo 11:25

Cꞌacꞌariꞌ ja Jesús arjaꞌ tzijon ruqꞌuin ja Tatixel ja cꞌo chilaꞌ chicaj, quewaꞌ xbij tre riꞌ: —Nataꞌ, atat at Rajaw caj at Rajaw rwachꞌulew, congana nmaltioxij chawe como ja winak ja nquechꞌob kaj pa tak canma chi congana cotak in congana quinaꞌoj ma chiquewach ta ejeꞌeꞌ akꞌalasan wiꞌ nak rbanic nojel awaꞌ ja nmajon rbanic in nojel ja nmajon rbixic pro ja rakꞌalasan wiꞌ, chiquewach ja winak ja quibanon taknoꞌy chawach.

San Mateo 11:26

Queriꞌ abanon chique Nataꞌ como queriꞌ ja ravoluntad, neꞌ tre.

San Mateo 5:44

Pro ja ranin nbij chewe, queꞌewajoꞌ ja recꞌulel, ja tok ecꞌoli nebin itzel tak tzij chewe ja cꞌa rixix solo utzlaj tak tzij tebij chique, ja tok ecꞌoli ja xa itzel nixquetzꞌat ja cꞌa rixix solo utzil tebanaꞌ chique, ja tok ecꞌoli nixtzꞌujuwi nixyokꞌowi owi nqueban pokon chewe ja cꞌa rixix tebanaꞌ orar pa quicuenta.

Marcos 15:24

Ja cꞌa tok riptaj cumal chwach cruz quemaj rbanic suerte trij ja rtziak. Queriꞌ queban utzcꞌa chi nquetzꞌat nak chi tziakil xtiquecꞌam chiquijujunal.

San Lucas 22:42

—Nataꞌ, anin nwajoꞌ nabij ta chwe chi maquita ninkꞌax chipan awaꞌ rpokonal ja penak chinwach riꞌ xarwariꞌ ni ta cꞌa xquinkꞌax wiꞌ chipan ja wi queriꞌ nawajoꞌ chwe chi nban, neꞌ tre ja Tatixel.

San Juan 17:9

Ja camic nintajini nban orar pa quicuenta ejeꞌeꞌ, ma pa quicuenta ta ja winak ja xa ruqꞌuin rwachꞌulew yukul wiꞌ quecꞌuꞌx. Nintajini nban orar pa quicuenta ja reꞌayaꞌon chwe como e awxin.

San Juan 19:11

—Ja wixta maquita yatajnak chawe rmal ja Dios ja cꞌo chilaꞌ chicaj ni ta cꞌa majun akꞌaꞌ ariꞌ chwe. Rmalcꞌariꞌ nbij chawe camic, más chi na nim ja ril ja jacho wxin pan akꞌaꞌ, neꞌe ja Jesús tre.

Hechos 16:28

Pro ja Pablo arjaꞌ xurak ruchiꞌ in quewaꞌ xbij tre riꞌ: —Ma tacamsaj ta awiꞌ, okcꞌoli kanojelal, neꞌ tre.

Hechos 3:17

Ixix ja rix kach tak aj Israel, ja tok xecꞌutuj rcamic ja Jesús wotak chi xa ma ewotak ta ja neban in queriꞌ chique ja kꞌetol tak tzij ja recꞌo checojol chakajaꞌ.

Hechos 7:60

Cꞌacꞌariꞌ xuqueꞌe in xurak ruchiꞌ, quewaꞌ xbij chic riꞌ: —Wajaw, ja ngana anin maquita nayaꞌ rjil rcꞌaxel ja nqueban chwe, neꞌe. Ja cꞌa tok bitaj queriꞌ rmal cam kaj, caniꞌ waram xuban.

Romanos 12:14

Ja nebano pokon chewe tecꞌutuj tre ja Dios chi nuyaꞌ ja rutzil pa quewiꞌ, maxta tecꞌutuj tre chi neruyaꞌ chipan jun rpokonal.

1 Corintios 2:8

Pro jawaꞌ nimak tak naꞌoj xin Dios riꞌ ma xchꞌobtaj ta cumal ja kꞌetol tak tzij ja nebano mandar waweꞌ chwachꞌulew, ni majun chique chꞌobtaj ta rmal. Ja cꞌa wixta chꞌobtaj cumal maquita cꞌa querip ariꞌ chwach cruz ja kajaw Jesucristo ja ni rxin wiꞌ chi cꞌaslemal xin Dios rcꞌan.

1 Corintios 4:12

Congana nokcosi, noksamaj ruqꞌuin kakꞌaꞌ. Ja tok noktzꞌuji tok nokyokꞌi cumal winak ja cꞌa nkaban, utzil xin Dios nkacꞌutuj pa quewiꞌ. Ja tok nba̱n pokon chake nkacochꞌ, matikayaꞌ rjil rcꞌaxel.

1 Timoteo 1:13

Queriꞌ xuban chwe masqui anin nabey xa itzel xintzijon tre, xinban pokon chique ja xeniman rxin in xintzꞌuj. Pro ja Dios arjaꞌ xpokonaj nwach como anin ma wotak ta ja xinban como jariꞌ tiempo ma nniman ta ja Jesucristo.

1 Pedro 3:9

Ja tok nba̱n itzel chewe owi tok cꞌoli ja pokonlaj tak tzij nbix chewe maxta teyaꞌ rjil rcꞌaxel. Ja neban, tebanaꞌ ja rutzil. Ja Dios arjaꞌ xixrsiqꞌuij chi ix banol tak utzil. Queriꞌ xuban utzcꞌa chi newilaꞌ na ja rutzil ixix chakajaꞌ rmalcꞌariꞌ tok nbij chewe, ni tebanaꞌ wiꞌ ja rutzil.