San Lucas 22:57 - Tz'utujil (Ja Cꞌacꞌa Chominem)

⁵⁷ Pro ja Pedro arjaꞌ ma xuyaꞌ ta trij ja bix tre, quewaꞌ xbij tre ja rajꞌicꞌ riꞌ: —Nbij chawe ixok chi anin ma wotak ta rwach ja Jesús, neꞌ tre.

Tz'utujil NT

⁵⁷ Pedro majo'n xuya' ta tzrij je xbixa tzra y cawra xbij tzra aj-ic' ra: —Anen quenbij chawa che anen majo'n wutkin ta rwech Jesús.

San Lucas 22:57 Iomraidhean Croise

San Mateo 10:33

Pro ja winak xa nak ta chi winakil wi nquipokonaj nquibij chiquewach ja winak chi wqꞌuin anin yukul wiꞌ quecꞌuꞌx, anin chakajaꞌ nbij na chique chi ma ecꞌo ta pa ncuenta pro ni chwach ja Nataꞌ ja cꞌo chilaꞌ chicaj xtinbij wiꞌ.

San Mateo 26:70

Pro ja Pedro arjaꞌ ma xuyaꞌ ta trij ja bix tre, quewaꞌ xbij chique riꞌ pro ni chiquewach canojelal: —Anin ni ma wotak ta ja nabij leꞌ, neꞌ tre ja rixok.

San Lucas 12:9

Pro ja wi cꞌo jun npokonaj nbij chiquewach ja winak chi wqꞌuin yukul wiꞌ rucꞌuꞌx, anin chakajaꞌ nbij na tre chi arjaꞌ ma cꞌo ta pa ncuenta pro ni chiquewach ja ángel xin Dios xtinbij wiꞌ.

San Lucas 22:56

Kas tzꞌubul chi kꞌakꞌ ja tok pi jun ajꞌicꞌ, congana xtzꞌelwachij in quewaꞌ xbij riꞌ: —Jawaꞌ jun achi riꞌ arjaꞌ rachbilaj ja Jesús chakajaꞌ, neꞌe ja rajꞌicꞌ.

San Lucas 22:58

Cꞌa coꞌl ariꞌ ja tok cꞌo chic jun tzꞌato rxin ja Pedro in quewaꞌ xbij tre riꞌ: —Atat at cachbil chakajaꞌ ja rachiꞌiꞌ ja xeꞌacachbilan rxin ja Jesús, neꞌ tre. —Nbij chawe achi chi ma in cachbil ta, neꞌe ja Pedro tre.

San Juan 18:25

Ja cꞌa Simón Pedro arjaꞌ kas paꞌloc chiꞌ kꞌakꞌ, rmajon rmakꞌic riꞌ ja tok cꞌaxax tre: —¿La maxta atat jun chakajaꞌ at discípulo rxin ja Jesús? neꞌxi. Pro ja Pedro ma xuyaꞌ ta trij: —Ma anin ta, neꞌe.

San Juan 18:27

Pro ja Pedro arjaꞌ ni ma xuyaꞌ ta wiꞌ trij in chaka jalal ja tok xokꞌi ja acꞌ.

Hechos 3:19

Rmalcꞌariꞌ tok nbij chewe, teqꞌuexaꞌ ja renaꞌoj in teyaꞌaꞌ can ja ritzelal. In quixmelojto ruqꞌuin ja Dios utzcꞌa chi nchuptaji ja rewil emac. Quirtariꞌ neban utzcꞌa chi newilaꞌ jun tiempo ja tok nqꞌuejeꞌe ja kajaw Dios checojol in nixquicot rmal.

1 Juan 1:9

Pro wi nkachol ja kil kamac chwach ja Dios arjaꞌ ni nuban wiꞌ cumplir in ni utz wiꞌ nuban chi rcuyic in nokrchꞌachꞌojirsaj chipan nojelal ja ritzelal ja nkaban.