San Lucas 22:43 - Tz'utujil (Ja Cꞌacꞌa Chominem)

⁴³ Cꞌacꞌariꞌ cꞌo jun ángel winakar chwach penak chilaꞌ chicaj, xuryaꞌaꞌ kaj más rchokꞌakꞌ.

Tz'utujil NT

⁴³ C'jara' c'ola jun ángel xwanker ta chwech penak chcaj, xrey-a' kaja más rchuk'a'.

San Lucas 22:43 Iomraidhean Croise

San Mateo 26:53

¿La ma awotak ta cꞌa chi anin ja wixta cꞌo ngana ncꞌutuj ntoꞌic tre ja nataꞌ Dios arjaꞌ chanim nerutakto juleꞌ ángel chi ntoꞌic? Pro congana e qꞌuiy nerutakto, e caniꞌ cablajuj ejército soldado ja nerutakto.

San Mateo 4:11

Cꞌacꞌariꞌ be ja diablo, xuyaꞌ can ja Jesús in ja Jesús chaka jalal tok xepi juleꞌ ángel xurquitoꞌoꞌ.

San Mateo 4:6

in xbij tre: —Ja wi katzij chi atat ja rat Ralcꞌwal Dios taqꞌuiakaꞌel cꞌa awiꞌ waweꞌ como ja chipan ja rtzobal Dios quewaꞌ tzꞌibtal can chawe riꞌ: —Ja Dios nerutakto ángel chi naturquichajij, ejeꞌeꞌ netzꞌamo awxin utzcꞌa chi matasoc awakan chwach abaj. Queriꞌ tzꞌibtal can, neꞌe ja diablo.

San Lucas 22:32

Pro anin nbanon orar pan acuenta utzcꞌa chi matiqꞌuisi chijutij ja yukulbal acꞌuꞌx wqꞌuin. Atat ja tok xcatmelojpi chic jutij pa nukꞌaꞌ tacowirsaj chic quecꞌuꞌx ja rawachꞌalal, neꞌ tre.

Hechos 14:22

quemaj ryukbaxic quecꞌuꞌx ja kachꞌalal in cꞌo juleꞌ paxbanem queyaꞌ chique quewariꞌ: —Cow quixpeꞌi, maxta teyaꞌ can ja yukulbal ecꞌuꞌx ruqꞌuin ja Jesucristo. Kanojel ja nokoc chipan ja gobierno xin Dios ni rjawaxic wiꞌ chi qꞌuiy rwach ja rpokonal npi na chakij rmal, xecheꞌ chique.

Hechos 18:23

Triꞌ qꞌuejeꞌ wiꞌ jun tiempo cꞌacꞌariꞌ be chic jutij chi quikꞌiloxic ja kachꞌalal ja recꞌo pa tak tinamit ja cꞌo pa rcuenta Galacia in pa rcuenta Frigia, nercowirsaj más quecꞌuꞌx chipan ja rtzobal Dios.

1 Timoteo 3:16

Ni katzij wiꞌ chi congana nim rukꞌij ja rkꞌalasan chikawach ja Dios tre nojel ja rcꞌamonto ja Jesucristo. Quewaꞌ ja rkꞌalasan chikawach riꞌ. Ja Dios qꞌuejeꞌ waweꞌ chwachꞌulew, xoc kach winak. Kꞌalasax rmal ja rEspíritu Santo chi ni katzij wiꞌ nojel ja xbij tok qꞌuejeꞌ waweꞌ. In tzꞌat cumal ja ángel. Yaꞌ rbixic chique ja winak pa tak nación jeꞌe. In ecꞌoli chique ja winak nojel rwachꞌulew quinimaj. In joteꞌ pa gloria chilaꞌ chicaj. Queriꞌ ja rkꞌalasan chikawach ja Dios.

Hebreos 1:14

Ja quibanic ja ángel ejeꞌeꞌ xa e moso, e espíritu, ja Dios nerutak chi quichajixic ja winak ja nyataj na chique chi nquewil ja totajem xin Dios.

Hebreos 1:6

Ja cꞌa Ralcꞌwal ja congana nim rukꞌij tok xutakto waweꞌ chwachꞌulew quewaꞌ xbij riꞌ: —Canojelal ja ángel rxin Dios tiquiyaꞌaꞌ rukꞌij, neꞌe.

Hebreos 2:17

Rmalcꞌariꞌ tok rjawaxic chi arjaꞌ xoc kach winak, ni junan kabanic ruqꞌuin ja rok rchꞌalal. Chewiꞌ cꞌa tok ncowini nokrucoj chwach ja Dios. Chewiꞌ tok xoc jun lokꞌlaj sacerdote, ncowini npokonaj kawach in ni nuban wiꞌ cumplir ja samaj xin Dios. Queriꞌ xuban utzcꞌa chi cowini xchomij ja kil kamac chwach ja Dios.