San Lucas 22:41 - Tz'utujil (Ja Cꞌacꞌa Chominem)

⁴¹ Cꞌacꞌariꞌ junwiꞌ xyonaj pon wiꞌ riꞌ, ruyon qꞌuejeꞌ pon chiquinakaj, xuqueꞌe in xumaj rbanic oración, quewaꞌ ja roración xuban riꞌ:

Tz'utujil NT

⁴¹ C'jara' xyonaj pona ri' ruyon, chenkaj xec'je' pon wa', xexque'a y xumaj rbanic oración, cawra oración xuban ra:

San Lucas 22:41 Iomraidhean Croise

San Mateo 26:39

Cꞌacꞌariꞌ junwiꞌ xyonaj pon wiꞌ riꞌ ruyon, xuqueꞌe in xumaj rbanic oración: —Nataꞌ, anin nwajoꞌ nabij ta chwe chi maquita ninkꞌax chipan awaꞌ rpokonal ja penak chinwach riꞌ xarwariꞌ ni ta cꞌa xquinkꞌax wiꞌ chipan ja wi queriꞌ nawajoꞌ chwe chi nban, neꞌ tre ja Tatixel.

Marcos 14:35

Cꞌacꞌariꞌ junwiꞌ xyonaj pon wiꞌ riꞌ ruyon, xuqueꞌe in xumaj rbanic oración: —Padre, Nataꞌ, anin nwajoꞌ nabij ta chwe chi maquita ninkꞌax chipan awaꞌ rpokonal ja penak chinwach riꞌ. Atat majun ja maquita natcowini naban, quinawasaj chipan ja rpokonal ja penak chinwach riꞌ, maquita ninkꞌax chipan xarwariꞌ ni ta cꞌa xquinkꞌax wiꞌ chipan ja wi queriꞌ nawajoꞌ chwe chi nban, neꞌ tre ja Tatixel.

San Lucas 18:11

Ja cꞌa tok xeꞌekaj chipan ja templo ja fariseo arjaꞌ peꞌi in xumaj rbanic jun oración pro xa yaꞌbal rukꞌij arjaꞌ xuban kaj ruyon, quewaꞌ ja roración ja xuban riꞌ: —Anin nmaltioxij chawe Dios ja ma in junan ta cuqꞌuin ja juleꞌ chic achiꞌiꞌ caniꞌ chique alakꞌomaꞌ in chique ja matiquinimaj ja ley in chique ja nebano rij tak quewiꞌ ja quixjayilal. Nmaltioxij chawe chakajaꞌ ja ma in junan ta ruqꞌuin alaꞌ jun achi ja molol impuesto leꞌ.

San Lucas 18:13

Ja cꞌa molol impuesto arjaꞌ cꞌa cꞌa nat qꞌuejeꞌ pon wiꞌ, tiqueꞌe, nixtacꞌa caꞌy ta chicaj. Xumaj cꞌa jun nimlaj bis, quewaꞌ ja roración ja xuban riꞌ: —Tapokonaj nwach Dios como anin xa in jun ajꞌil xa in jun ajmac. Queriꞌ xbij ja molol impuesto.

Hechos 20:36

Ja cꞌa tok tzuri tzij rmal cꞌacꞌariꞌ xuqueꞌe in xumaj rbanic oración e rachbil canojel ja recꞌo triꞌ.

Hechos 21:5

Ja cꞌa tok tzꞌakati ja wukuꞌ kꞌij kumal cꞌacꞌariꞌ xokbe chic. Canojel ja kachꞌalal e cachbil quixjayilal in tak calcꞌwal chakajaꞌ ejeꞌeꞌ xekachbilajel, xokequijachaꞌ cꞌa chiꞌ mar. Ja tok xokekaji ja chiꞌ mar xokxuqueꞌe, kaban jun oración.

Hechos 7:60

Cꞌacꞌariꞌ xuqueꞌe in xurak ruchiꞌ, quewaꞌ xbij chic riꞌ: —Wajaw, ja ngana anin maquita nayaꞌ rjil rcꞌaxel ja nqueban chwe, neꞌe. Ja cꞌa tok bitaj queriꞌ rmal cam kaj, caniꞌ waram xuban.

Hechos 9:40

Ja cꞌa Pedro arjaꞌ xerlasajel canojel ja recꞌo chipan ja cuarto. Ja tok xelastajel rmal xuqueꞌe in xuban jun oración. Cꞌacꞌariꞌ be ruqꞌuin ja camnak in quewaꞌ xbij riꞌ: —Tabita, catyictaji, neꞌ tre. Ja cꞌa Dorcas arjaꞌ xujak rwach in tok xutzꞌat ja Pedro tzꞌabeꞌ nojoj.

Hebreos 5:7

Ja tok cꞌoli ja Jesús waweꞌ chwachꞌulew arjaꞌ xuban ja roración, congana xcꞌutuj ja rtoꞌic tre ja Dios como bien rotak chi ncowini ja Dios nutoꞌ chipan ja camíc. Majtaj rmal ja nimak tak bis ja cꞌo pa ranma, xurak na ruchiꞌ, xokꞌ na rmal. Cꞌaxaxi ja roración como arjaꞌ congana nuban respetar ja Dios.