San Lucas 22:36 - Tz'utujil (Ja Cꞌacꞌa Chominem)

³⁶ Cꞌacꞌariꞌ xbij chic chique: —Pro ja camic chic nbij chewe, ja cꞌo rpwok mejor ticꞌamaꞌel in ticꞌamaꞌel rmaleta chakajaꞌ. Ja cꞌa mta jun espada ruqꞌuin mejor ticꞌayij ja rchaqueta in tilokꞌoꞌ jun espada.

Tz'utujil NT

³⁶ C'jara' cawra xbij chic chca: —Per camic quenbij chic chewa, nak c'ola rpak tec'ma' ela y tec'ma' ela rmalet chka'. Nak jun majo'n jun espada ruq'uin, jnuban tc'ayij rechquet y telk'o' jun espada.

San Lucas 22:36 Iomraidhean Croise

San Mateo 10:10

Nixtacꞌa necꞌamel ta emaleta in ni xa ja wariꞌ ja recamisa necꞌamel ja recojon, ma caꞌiꞌ ta, in ma caꞌiꞌ cꞌulaj ta exajab in ma caꞌiꞌ ta echꞌameꞌy. Queriꞌ nbij chewe como jun ajsamajel yatal tre chi nya̱ꞌ tre ja ntzukbej riꞌ.

San Lucas 22:35

Cꞌacꞌariꞌ xumaj tzij cuqꞌuin canojel ja rapóstol, quewaꞌ xbij chique riꞌ: —Ja tok xixnutakel chipan ja viaje, tok mta epwok xecꞌamel in nixtacꞌa xecꞌamel ta emaleta in nixtacꞌa exajab ta chakajaꞌ ¿la cꞌoli ja ma xtzꞌakat ta chewe triꞌ? neꞌ chique. —Ni majun xuban ta falta chake, xecheꞌ tre.

San Lucas 22:37

Queriꞌ nbij chewe como anin puersa ninkꞌax na chipan ja tzꞌibtal can chwe chipan ja rtzobal Dios, quewaꞌ tzꞌibtal can chwe riꞌ: —Arjaꞌ xa junan ban tre ja caniꞌ nba̱n chique ja ritzel tak winak. Queriꞌ ja tzꞌibtal can chwe in puersa nbantaj na cumplir como nojel ja tzꞌibtal can chwe jariꞌ ntajini nbantaj cumplir, neꞌe ja Jesús chique.

San Lucas 22:38

Ja cꞌa rejeꞌeꞌ quibij tre: —Tetzꞌataꞌ mpeꞌ Kajaw, cꞌo caꞌiꞌ espada kucꞌan riꞌ, xecheꞌ tre. —Mejor chꞌenchilaꞌ, neꞌe ja Jesús chique.

San Juan 15:20

Turkaj chewe jun tzij ja xinbij chewe quewariꞌ: —Jun moso arjaꞌ ma nim ta rukꞌij chwach ja rpatrón, xincheꞌ chewe. Tibij cꞌa tzij ariꞌ ja wi cꞌo pokon quibanon anin chwe cꞌo cꞌa pokon xtiqueban ariꞌ chewe ixix chakajaꞌ. Ja cꞌa wi quinimaj ja ntzobal ja xinbij chique jariꞌ xtiquinimaj ja xtebij ixix chique chakajaꞌ.

San Juan 16:33

Nojel awaꞌ ja xinbij chewe chipan awaꞌ jun tucwakꞌabil riꞌ utzcꞌa chi nyataj na chewe ja quicotemal xin Dios ja tok xa jun chic ebanon wqꞌuin. Ja chipan awaꞌ rwachꞌulew riꞌ congana rpokonal xtetij na pro quixquicoti como ja ritzelal rxin ja rwachꞌulew jariꞌ ni ma cowinnak ta wiꞌ chwij, nij anin wiꞌ inchꞌocmajnak. Queriꞌ xbij ja Jesús chique ja rdiscípulo.

1 Tesalonicenses 3:4

Ja tok xokqꞌuejeꞌ checojol kabij chewe chi nkatij na ja rpokonal in queriꞌ bantaji camic jariꞌ bien ewotak.

1 Pedro 4:1

Ja Cristo arjaꞌ como winak xutij ja rpokonal kumal. In queriꞌ ta cꞌa neban ixix chakajaꞌ ja caniꞌ xuban ja Jesucristo, techomij ewiꞌ utzcꞌa chi nixcowini necochꞌ ja rpokonal ja npi chewij. Ja wi atijon ja rpokonal waweꞌ chwachꞌulew ja npi chawij rmal ja Jesucristo jariꞌ matayaꞌ chic awiꞌ tre ja il mac chi xcatrumel chi ta.