San Lucas 22:19 - Tz'utujil (Ja Cꞌacꞌa Chominem)

¹⁹ Cꞌacꞌariꞌ xucꞌam ja caxlanway, xmaltioxij tre ja Dios, xuwechꞌ in xujach chique, quewaꞌ xbij chic chique riꞌ: —Jawaꞌ wariꞌ ncuerpo ja nja̱ch na pa camíc pan ecuenta, tetijaꞌ. Ja cꞌa tok netij jariꞌ nenatbej wxin, neꞌ chique.

Tz'utujil NT

¹⁹ C'jara' xuc'om xquelway, xmeltioxij tzra Dios, xuwech' y xujach chca, cawra xbij chca ra: —Ja c'a wa' necuerpo je nja'ch na pe cmic pnecwent, tetja'. Jtak netaj jara' nenatbej wxin, cara' xbij chca.

San Lucas 22:19 Iomraidhean Croise

San Mateo 14:19

Cꞌacꞌariꞌ xbij chique ja winak: —Cꞌo buen tak kꞌayis leꞌ tetzꞌulbej, neꞌ chique. Cꞌacꞌariꞌ xucꞌam ja joꞌoꞌ rkan caxlanway e rachbil ja caꞌiꞌ cakan chꞌuꞌ, caꞌy chicaj in xmaltioxij tre ja Dios. Xuwechꞌ ja caxlanway, xujach chique ja rdiscípulo in ejeꞌeꞌ queyaꞌ chic chique ja winak.

San Mateo 15:36

Cꞌacꞌariꞌ xucꞌam ja wukuꞌ rkan caxlanway rachbil chꞌuꞌ, xmaltioxij tre ja Dios, xuwechꞌ in xujach chique ja rdiscípulo. Ja cꞌa rdiscípulo ejeꞌeꞌ queyaꞌ chic chique ja winak.

San Lucas 22:17

Cꞌacꞌariꞌ xucꞌam jun vaso vino, xmaltioxij tre ja Dios in xbij chic chique: —Tecꞌamaꞌ ja vino riꞌ, tetijaꞌ chejujunal.

San Lucas 22:20

In queriꞌ xuban chic tre jun chic vaso vino chakajaꞌ, ja tok colbetaji ja waꞌim cumal xbij chic chique: —Jawaꞌ vino riꞌ jawaꞌ nquiqꞌuel ocnak rseguro ja cꞌacꞌa chominem ja rchomin ja Dios. Ja nquiqꞌuel jariꞌ nti̱x na pan ecuenta.

San Lucas 24:30

Ja cꞌa tok tzꞌubul chic pa mesa cuqꞌuin cꞌoli ja caxlanway xucꞌam, xmaltioxij tre ja Dios, xuwechꞌ in xuyaꞌ chique.

San Juan 6:23

Pro cꞌo juleꞌ ja lancha xelel pa Tiberias, be kꞌax chic chajuparaj chic mar. Ja lugar ja bar xekaj wiꞌ chinakaj ja mismo lugar ja bar qꞌuejeꞌ wiꞌ ja Jesús tokoriꞌ tok xmaltioxij tre ja Dios in xerutzuk ja winak.

San Juan 6:51

Ja way ja nyowi cꞌacꞌa cꞌaslemal, ja way ja kajnakto chilaꞌ chicaj, anin cꞌariꞌ. Jawaꞌ way ja cꞌa xinbij kaj chewe riꞌ, xa nak ta xtitijo rxin jariꞌ ncꞌaseꞌe pro ni chijutij. Cꞌoli way ja xtinyaꞌ chique ja winak waweꞌ chwachꞌulew utzcꞌa chi cꞌo jun cꞌacꞌa cꞌaslemal nyataj chique. Ja way xtinyaꞌ jariꞌ ncuerpo anin. Queriꞌ xbij ja Jesús chique.

1 Corintios 10:16

Ja tok nkanataj rcamic ja Cristo cꞌo jun vaso vino nkamaltioxij tre ja Dios in nkatij. Ja tok nkatij ¿la ma jun ta cꞌariꞌ nkaban ruqꞌuin ja Cristo nechꞌob ixix? como ja vino jariꞌ rquiqꞌuel. In chakajaꞌ cꞌoli ja caxlanway nkawechꞌ in nkatij. Ja tok nkatij ¿la ma jun ta cꞌariꞌ nkaban ruqꞌuin ja Cristo nechꞌob ixix chakajaꞌ? como ja caxlanway jariꞌ rcuerpo.

1 Corintios 10:4

Quetij ja yaꞌ xin Dios pro ni canojelal in xa jun rwach quetij chakajaꞌ. Como cꞌoli yaꞌ quetij ja pan abaj xelto wiꞌ in ja rabaj jariꞌ retal chi ja Cristo ni tran wiꞌ chiquij ja tok xekꞌax pa tak lugar jeꞌe.

Gálatas 1:4

Ja Jesucristo arjaꞌ xuyaꞌ riꞌ pa camíc, camsax rmal ja kil kamac. Queriꞌ xuban jariꞌ xokrtobej pa rukꞌaꞌ ja ritzelal ja cꞌo chipan awaꞌ tiempo ja rokcꞌo wiꞌ riꞌ in tok xuban queriꞌ jariꞌ ni rvoluntad wiꞌ ja katataꞌ Dios ja xuban.

Efesios 5:2

In tewajoꞌ ewiꞌ caniꞌ xuban ja Cristo chake como arjaꞌ xokrajoꞌ, xuyaꞌ riꞌ pa camíc kumal. Ja tok cam pa kacuenta ja Cristo jariꞌ jun ofrenda, jun sacrificio chwach ja Dios in xel rucꞌuꞌx ja Dios trij.

1 Tesalonicenses 5:18

temaltioxij tre ja Dios xa nak ta ja nbantaji como jariꞌ nrajoꞌ chewe chi neban ja yukul ecꞌuꞌx ruqꞌuin ja Cristo Jesús.

Tito 2:14

Kumal ajoj tok xujach riꞌ pa quekꞌaꞌ ja winak chi camsaxi, xokrutoꞌ chipan ja kil kamac utzcꞌa chi arjaꞌ nchꞌachꞌojirsaj ja kacꞌaslemal. Queriꞌ xuban utzcꞌa chi nokoc tinamit rxin utzcꞌa chi nel kacꞌuꞌx trij ja banoj utzil.

1 Pedro 2:24

Ja Cristo arjaꞌ xrijkaj ja kil kamac chwach cruz. Queriꞌ xuban utzcꞌa chi nokel libre pa rukꞌaꞌ ja il mac in matikaban chic, utzil chic nrajoꞌ chake chi nkaban. Arjaꞌ soctaj pan ecuenta rmalcꞌariꞌ tok xixtzuri.