San Lucas 22:18 - Tz'utujil (Ja Cꞌacꞌa Chominem)

¹⁸ Ja camic nbij chewe chi ja riyaꞌl uva ni matintij chi wiꞌ waweꞌ, cꞌa tokoriꞌ xtintij chic ja tok xtipeti ja gobierno xin Dios, neꞌ chique.

Tz'utujil NT

¹⁸ Camic quenbij chewa che ri'al uva majo'n chic quentaj ta wawe', c'jara' xtentaj chic tak xtpeta rgobierno Dios, cara' xbij chca.

San Lucas 22:18 Iomraidhean Croise

San Mateo 16:18

Anin nbij chawe chi atat at Pedro in parwiꞌ awaꞌ ja jun abaj riꞌ xtintic wiꞌ ja wiglesia in ja camíc ni maticowin wiꞌ trij.

San Mateo 26:29

Anin nbij chewe camic chi jawaꞌ riyaꞌl uva riꞌ ni matintij chi wiꞌ waweꞌ, cꞌa tokoriꞌ xtintij chic ja tok xterilaꞌ ja kꞌij chi nkatij chic ewqꞌuin chipan ja gobierno rxin ja nataꞌ Dios xarwariꞌ cꞌacꞌa chic nojelal triꞌ, neꞌ chique.

Marcos 14:23

In xucꞌam chic jun vaso vino, xmaltioxij tre ja Dios in xujach chique chakajaꞌ in quetij canojelal.

Marcos 14:25

Anin ni katzij wiꞌ ja xtinbij chewe riꞌ, ja riyaꞌl uva ni matintij chi wiꞌ waweꞌ, cꞌa tokoriꞌ xtintij chic ja tok xterilaꞌ ja kꞌij chi ntij chipan ja gobierno xin Dios xarwariꞌ cꞌacꞌa chic nojelal triꞌ, neꞌ chique.

Marcos 15:23

Ja tok xeꞌekaj chipan ja lugar Gólgota quitzujuj vino tre chi nutij. Ja vino cꞌoli mirra yujun ruqꞌuin pro ja Jesús ma xucꞌam ta chique.

Marcos 9:1

In xbij chic chique: —Ni katzij wiꞌ ja xtinbij chewe riꞌ, ecꞌoli chewe ja recꞌo waweꞌ camic riꞌ cꞌa ecꞌas na ja tok xtiquetzꞌat ja gobierno xin Dios chi npeti in congana poder rcꞌan, neꞌ chique.

San Lucas 21:31

In queriꞌ cꞌa tre chakajaꞌ ja tok xtemaj rtzꞌatic chi majtajnak rbanic cumplir nojel awaꞌ ja cꞌa xinbij chewe riꞌ jariꞌ retal nucꞌut chewach chi xa nnakajinto ja gobierno xin Dios.

San Lucas 22:16

Queriꞌ nbij chewe como anin matinban chic ja waꞌim xin pascua waweꞌ, cꞌa tokoriꞌ xtinban chic ja tok xtibantaj cumplir chipan ja gobierno xin Dios, neꞌ chique.

San Lucas 9:27

Ni katzij wiꞌ ja xtinbij chewe riꞌ, ecꞌoli chewe ja recꞌo waweꞌ camic riꞌ cꞌa ecꞌas na ja tok xtiquetzꞌat ja gobierno xin Dios. Queriꞌ xbij ja Jesús chique.

Colosenses 1:13

Arjaꞌ xokrutoꞌ pa rukꞌaꞌ ja kꞌekumal in xokrucoj chic chipan ja gobierno xin Jesucristo ja chakꞌlaj Ralcꞌwal.