San Lucas 21:8 - Tz'utujil (Ja Cꞌacꞌa Chominem)

⁸ In xbij chic chique: —Kas tebanaꞌ jutzꞌit cuenta ewiꞌ, maxta cꞌo jun quixbano engañar. Queriꞌ nbij chewe como e qꞌuiy ja winak nepi na jeꞌe in xa queyon nquecoj quiꞌ chi e Cristo, quewaꞌ nquibij chique ja winak riꞌ: —Anin in Cristo, necheꞌ na chique, owi: —Xurwilaꞌ ja tiempo chi npeti ja Cristo, xquecheꞌe. Pro ixix maxta tenimaj ja nquibij.

Tz'utujil NT

⁸ Cawra xbij chic chca: —Kas tebna' cwent ewi', majo'n jun xtquixebnowa engañar. Cara' quenbij chewa com e q'uiy wnak nquepe na y xqueyon j-e' necbij kaja che j-e' e Cristo, cawra necbij chca wnak ra: —Anen en Cristo, cara' necbij chca, o wcawra: —Xerla' tiemp che npeta Cristo, cara' xtbixa chewa. Per ixix mtenimaj ta jnecbij.

San Lucas 21:8 Iomraidhean Croise

San Mateo 24:11

In e qꞌuiy ja winak ja newinakar na e profeta necheꞌxi, pro ma katzij ta chi e profeta in e qꞌuiy ja winak ja xquequeban engañar.

San Mateo 3:2

Quewaꞌ nbij chique ja winak riꞌ: —Teqꞌuexaꞌ ja renaꞌoj in teyaꞌaꞌ can ja ritzelal como xa nnakajinto ja gobierno xin chilaꞌ chicaj, neꞌ chique.

San Mateo 4:17

Ja cꞌa Jesús jariꞌ kꞌij xumajel rbixic ja rtzobal Dios chique ja winak in quewaꞌ nbij chique riꞌ: —Ja gobierno xin chilaꞌ chicaj xa nnakajinto rmalcꞌariꞌ tok nbij chewe, teqꞌuexaꞌ ja renaꞌoj, teyaꞌaꞌ can ja ritzelal, neꞌ chique.

San Lucas 17:23

Ecꞌoli winak ja quewaꞌ xtiquibij chewe riꞌ: —Tetzꞌataꞌ mpeꞌ, waweꞌ cꞌo wiꞌ ja Cristo riꞌ, xquecheꞌ na chewe, owi —Tetzꞌataꞌ mpeꞌ, quelaꞌ cꞌo wiꞌ ja Cristo leꞌ, xquecheꞌ na chewe chakajaꞌ. Pro ja tok queriꞌ xtiquibij chewe maxta quixbe cuqꞌuin, maxta quixtreꞌel chiquij.

San Lucas 21:7

—Pro tabij chake Maestro ¿nak kꞌij xtibantaji jalaꞌ ja cꞌa xabij kaj chake leꞌ? In chakajaꞌ ¿nak chi retalil nwinakari ja ncꞌutu rxin chi xajalal majaꞌn tibantaj cumplir nojelal ja cꞌa xabij chake? xecheꞌ tre.

San Lucas 21:9

Cꞌo nimak tak chꞌaꞌoj xtiban na in chakajaꞌ e qꞌuiy ja winak xqueyictaj na trij ja quigobierno jeꞌe pro ja tok xtekaj rbixic ewqꞌuin maxta texbej ewiꞌ rmal como ni rjawaxic wiꞌ chi nbantaj cumplir nojel awaꞌ wariꞌ nabey pro jariꞌ ma qꞌuisbal rwachꞌulew ta como cꞌa después na ja qꞌuisbal rwachꞌulew.

San Juan 5:43

Ja nataꞌ Dios arjaꞌ intakyonto pro ixix ni majun egana xtiyukeꞌ ta ecꞌuꞌx wqꞌuin. Pro ja tok cꞌo jun achi xa ruyon nuban mandar riꞌ chi nbe ewqꞌuin jariꞌ nyukeꞌ ecꞌuꞌx ruqꞌuin ixix.

San Juan 8:24

Rmalcꞌariꞌ xinbij chewe chi chipan ja rewil emac nixcam wiꞌ. Ja rinocnak wiꞌ anin nij in quirwariꞌ ja caniꞌ nbin chic chewe, ja cꞌa wi matenimaj chi queriꞌ nbanic jariꞌ ni nixcam wiꞌ chipan ja rewil emac. Queriꞌ xbij chique.

San Juan 8:28

Cꞌacꞌariꞌ xbij chic jutij chique: —Ja Ralcꞌwalaxel ja xoc alaxic cuqꞌuin ja winak tok xtejotbaꞌ chwach jun cruz tokoriꞌ newotakij na nak inocnak wiꞌ chi nij in quirwariꞌ ja caniꞌ nbinto chewe in newotakij na chakajaꞌ chi nojel ja nmajon rbanic ma chaka ta nuyon kaj nban como nojel ja nmajon rbixic, ja Nataꞌ arjaꞌ cꞌutyon chinwach.

1 Corintios 6:9

¿La ma ewotak ta cꞌa chi ja winak ja re banol tak itzelal ejeꞌeꞌ matiyataj chique ja herencia chi neꞌoc chipan ja gobierno xin Dios? Maxta quixban engañar, ja herencia rxin ja gobierno xin Dios jariꞌ ni matiyataj wiꞌ chique achiꞌiꞌ in ixokiꞌ ja nqueban ja il mac nixtacꞌa xtiyataj ta chique ja nexuqueꞌ chwach rachbal jun winak owi chwach rachbal jun nakun nixtacꞌa chique ta ja nqueban rij tak quewiꞌ ja quixjayilal owi ja cachajilal nixtacꞌa chique ta ja rachiꞌiꞌ ja xa cach tak achiꞌiꞌ nequiyarij

Efesios 5:6

Maxta quixban engañar cumal juleꞌ winak ja nquibij chi mta nuban chawe wi queriꞌ naban ja caniꞌ nqueban ja winak ja re quitakariꞌ caniꞌ cꞌa xinbij kaj chewe. Queriꞌ nbij chewe como xa rmal ja juleꞌ itzelal ja cꞌa xinbij kaj chewe riꞌ chewiꞌ tok npi ryewal ja Dios chiquij ja winak ja ni maqueniman wiꞌ.

2 Tesalonicenses 2:3

Ni majun nak ta xquixbanbex ta engañar. Como ja tok majaꞌn terilaꞌ ja tiempo cꞌoli rjawaxic nbantaj na nabey. E qꞌuiy ja winak nqueyaꞌ can na ja Dios tokocꞌariꞌ nwinakari ja rachi ja rucꞌan rmal ja ritzelal ja ni yatal wiꞌ tre chi nutij na pokon chipan ja juicio.

2 Timoteo 3:13

Pro ja ritzel tak winak in ja banol tak engaño ejeꞌeꞌ xa janiꞌ neyojtaj más, nequeban engañar ja winak in queriꞌ chique ejeꞌeꞌ chakajaꞌ neba̱n engañar.

1 Juan 4:1

Chakꞌlaj wachꞌalal, teyaꞌaꞌ ewxquin tre ja xtinbij chewe riꞌ. E qꞌuiy ja winak quipaxin quiꞌ chwachꞌulew ejeꞌeꞌ nquibij chi tijonem xin Dios ja nqueyaꞌ. Pro xa quipayil ja nquibij, ma katzij ta. Rmalcꞌariꞌ tok nbij chewe, ma queꞌenimaj ta canojel ja winak ja nebini chi Espíritu xin Dios ecꞌayon. Pro ja neban, bien teyaꞌaꞌ cuenta chique janiꞌ netzijoni ja wi katzij chi Espíritu xin Dios ecꞌayon owi mani.

2 Juan 1:7

Queriꞌ nbij chawe como e qꞌuiy ja banol tak engaño ja reꞌelnak chic, ebenak cuqꞌuin ja winak ja xa ruqꞌuin rwachꞌulew yukul wiꞌ quecꞌuꞌx, ejeꞌeꞌ nquipokonaj nquibij chi xoc kach winak ja Jesucristo ja tok peti waweꞌ chwachꞌulew. Xa nak ta ja nbano queriꞌ arjaꞌ banol engaño in xa rcꞌulel ja Cristo.

Apocalipsis 1:3

Congana quiꞌil tre ja nsiqꞌuini jawaꞌ ja xtintzꞌibaj riꞌ ja kꞌalasan rmal tre ja xtibantaj na cumplir in congana quiꞌil chique chakajaꞌ ja necꞌaxani in nquinimaj como xa nnakajinto ja tiempo.

Apocalipsis 12:9

Ja cꞌa nimlaj dragón arjaꞌ chꞌakixto. Jariꞌ dragón arjaꞌ ja rojer cumatz ja nbix tre chi Diablo in cꞌo jun chic rubiꞌ nbix tre, Satanás neꞌxi, arjaꞌ ja nbano engañar quixin canojel ja winak ja recꞌo chwachꞌulew. Chꞌakixto chwach ja rwachꞌulew e rachbil ja ritzel tak ángel rxin.