San Lucas 21:36 - Tz'utujil (Ja Cꞌacꞌa Chominem)

³⁶ Quixcꞌascꞌot cꞌa, xajutij temajaꞌ rbanic ja roración utzcꞌa chi Dios nuyaꞌ chewe chi netoꞌ ewiꞌ chwach nojel awaꞌ ja xinbij kaj chewe riꞌ ja penak chwach ja rwachꞌulew utzcꞌa chakajaꞌ chi nixcꞌuli ja tok nixekaj chwach ja Ralcꞌwalaxel ja xoc alaxic cuqꞌuin ja winak. Queriꞌ xbij ja Jesús chique.

Tz'utujil NT

³⁶ Quixc'asc'at c'a, njelal tiemp tebna' oración ch-utz c'ara' Dios nuya' chewa che neto' ewi' chwech njelal jawrara jxenbij kaja chewa jpenak chwech ruch'lew, ch-utz c'ara' chka' nquixc'u'la tak xtquixekaja chwech Rlec'walxel jxoca alxic cuq'uin wnak. Cara' xbij Jesús chca.

San Lucas 21:36 Iomraidhean Croise

San Mateo 24:42

Rmalcꞌariꞌ nbij chewe, quixcꞌascꞌoti como anin in ewajaw in ma ewotak ta nak kꞌij xquinmelojpi chic jutij.

San Mateo 24:43

Pro bien teyaꞌaꞌ ewxquin tre ja xtinbij chewe riꞌ, jun rajaw jay ja tok nba̱n alakꞌ ruqꞌuin, ja wixta rotak nak hora chi nekaji ja ralakꞌom ruqꞌuin chakꞌaꞌ nchajij ta cꞌariꞌ rochoch, ncꞌascꞌot ta cꞌariꞌ in maquita nuyaꞌ lugar tre ja ralakꞌom chi noc ta pa rochoch.

San Mateo 24:44

Rmalcꞌariꞌ nbij chewe, ni rjawaxic wiꞌ chi nixcꞌascꞌot ixix chakajaꞌ como ja Ralcꞌwalaxel ja xoc alaxic cuqꞌuin ja winak arjaꞌ chaka jalal tok xtipi chic jutij chipan jun hora ja ni ma echꞌobon ta.

San Mateo 25:13

Rmalcꞌariꞌ nbij chewe, quixcꞌascꞌoti como ma ewotak ta nak kꞌij in nak hora xtipi chic jutij ja Ralcꞌwalaxel ja xoc alaxic cuqꞌuin ja winak.

San Mateo 26:41

Quixcꞌascꞌoti in tebanaꞌ orar utzcꞌa ja Satanás tok xquixrtakchiꞌij maquita xquixruchꞌec. Ja rewanma jariꞌ ni katzij wiꞌ chi cꞌo rgana ncꞌascꞌoti pro como xa ix winak ja recuerpo npokonaj nuban queriꞌ, neꞌ tre.

San Mateo 8:20

In bix tre rmal ja Jesús: —Ja rutiwaꞌ cꞌo quicꞌolibal ja bar newar wiꞌ in chakajaꞌ ja tak tzꞌiquin cꞌo quesoc pro ja chwe anin ja rin Alcꞌwalaxel ja xinoc alaxic cuqꞌuin ja winak mta wochoch ja ni ta wxin wiꞌ anin ninwar wiꞌ, neꞌxi.

Marcos 13:33

Kas tebanaꞌ cuenta, quixcꞌascꞌoti in chijutij temajaꞌ rbanic ja roración como ma ewotak ta nak kꞌij tok xquinmelojpi chic jutij chwachꞌulew.

Marcos 13:37

In ma ruyon ta chewe ixix nbij wiꞌ chi nixcꞌascꞌoti pro queriꞌ nbij chique canojelal chi necꞌascꞌoti, neꞌe ja Jesús chique.

San Lucas 1:19

Ja cꞌa ángel quewaꞌ xbij chic tre riꞌ: —Anin in Gabriel, mero chwach Dios inelnakto wiꞌ. Ja cꞌa Dios arjaꞌ inrtakonto chi akꞌiloxic, inrtakonto chi rbixic chawe ja utzlaj tzij ja cꞌa xinbij kaj chawe riꞌ.

San Lucas 18:1

Cꞌacꞌariꞌ cꞌo jun cꞌambal tzij xbij chique ja ncꞌutbej chiquewach chi cꞌo rjawaxic chique chi ni matiquitanbaꞌ wiꞌ rbanic ja roración, rjawaxic chi maticapuj quecꞌuꞌx.

San Lucas 20:35

Pro ja winak ja xtiyataj na chique chi necꞌastaj chiquicojol camnakiꞌ ja xtiyataj na chique chi nebe chilaꞌ chicaj jariꞌ mchita cꞌulbic xtiqueban ta triꞌ.

San Lucas 21:35

Queriꞌ nbij chewe como ja kꞌij ja cꞌa xinbij chewe riꞌ njunsaj ruqꞌuin jun trampa chapbal chicop como ja tok xterilaꞌ ja kꞌij necha̱p na ja winak rmal pro canojel ja winak ja recꞌo nojel nat nakaj chwach ja rwachꞌulew.

Hechos 10:2

Ja cꞌa Cornelio congana nuban respetar ja Dios, arjaꞌ e rachbil canojel ja recꞌo pa rochoch ni nquixbej wiꞌ quiꞌ chwach ja Dios. Ni cꞌo wiꞌ ayuda nuyaꞌ chique ja winak in xajutij rmajon rbanic ja roración chakajaꞌ.

1 Corintios 16:13

Ja cꞌa rixix ni ta xquixcꞌascꞌot wiꞌ, ni ta xtitiqueꞌ wiꞌ chi utz ja yukulbal ecꞌuꞌx ruqꞌuin ja Jesucristo, ni ta cow wiꞌ xquixpeꞌe chwach ja ritzelal, ni ta xtecoj wiꞌ rchokꞌakꞌ ja Dios pa tak ecꞌaslemal.

2 Corintios 4:14

Queriꞌ nbij chewe como bien kotak chi ja Dios arjaꞌ nokruyic na chipan ja camíc. Como ja Dios arjaꞌ yico rxin ja kajaw Jesús chipan ja camíc in nokruyic na ajoj chipan chakajaꞌ rumac ja xa jun kabanon ruqꞌuin ja Jesús in nuyaꞌ na chake chi nokekaj na chwach pro ix kachbil chic triꞌ chakajaꞌ.

Colosenses 4:2

Camic wachꞌalal ni ma tetanbaꞌ ta wiꞌ rbanic ja roración, quixcꞌascꞌoti chi rbanic in ni temaltioxij wiꞌ tre ja Dios ja rbanon chewe.

1 Tesalonicenses 5:17

majutij tetanbaꞌ ja roración in

2 Timoteo 4:5

Pro atat tabanaꞌ cuenta awiꞌ, tachꞌoboꞌ chi utz ja naban. Tacochꞌoꞌ ja rpokonal ja npi chawij, maxta tatanbaꞌ rbixic ja utzlaj tzij xin Jesucristo, tabanaꞌ nojel ja samaj ja banon recomendar chawe rmal ja Dios.

1 Pedro 4:7

Nnakajinto ja qꞌuisbal rwachꞌulew rmalariꞌ tok nbij chewe, techꞌoboꞌ chi utz ja neban, quixcꞌascꞌoti, ni ta neban wiꞌ ja roración.

1 Pedro 5:8

Ja cꞌa diablo ja recꞌulel arjaꞌ ntajini ncanoj nak nuban chewe caniꞌ nuban jun cój nurak ruchiꞌ tok nercanoj ja nerutij. Rmalcꞌariꞌ tok nbij chewe, kas bien techꞌoboꞌ na ja neban in quixcꞌascꞌoti.

1 Juan 2:28

Chakꞌlaj walcꞌwal, camic nbij chic jutij chewe, ni quixqꞌuejeꞌ wiꞌ pa ranma ja Jesucristo. Ja wi queriꞌ xtikaban jariꞌ matikaxbej kiꞌ chwach ja tok xtipi chic jutij pro cꞌo kaconfianza ruqꞌuin triꞌ in chakajaꞌ matikawawaj kiꞌ chwach, ma qꞌuixbal ta nkanaꞌ chwach ja tok xtipeti.

Judas 1:24

Ja cꞌa Dios arjaꞌ bien ncowini nixrchajij utzcꞌa chi maquixkaj chipan ja il mac, arjaꞌ ncowini nuyaꞌ chewe chi nixpeꞌe chwach in majun nak ta nixchapbexi, ni chwach nixpeꞌe wiꞌ pa gloria in congana jun nimlaj quicotemal nyataj chewe rmal.

Apocalipsis 11:4

Ja caꞌiꞌ testigo ejeꞌeꞌ e junan ruqꞌuin ja caꞌiꞌ cheꞌ olivo ja paꞌl chwach ja Rajaw ja rwachꞌulew in e junan ruqꞌuin ja caꞌiꞌ candelero ja paꞌl chwach chakajaꞌ.

Apocalipsis 6:17

Como ja camic xurwilaꞌ ja nimlaj kꞌij rxin ja ryewal in ni majun nak ta xticowin ta xtipeꞌe ta chwach, xecheꞌe.

Apocalipsis 7:9

Ja cꞌa tok tzꞌattaj mwal awaꞌ wariꞌ ecꞌo juleꞌ winak xenutzꞌat pro congana e qꞌuiy, ni majun winak cowin ta xeralaj ta, nojel nación epenak wiꞌ, nojel tribu epenak wiꞌ, nojel tinamit epenak wiꞌ in nojel tzobal netzijon wiꞌ. Ejeꞌeꞌ epaꞌloc chwach ja trono in chwach ja Carnelo, quicojon juleꞌ tziak sak in cucꞌan rxak tak palma pa quekꞌaꞌ.

Apocalipsis 8:2

Ja cꞌa ranin xenutzꞌat ja wukuꞌ ángel ja repaꞌl chwach ja Dios in cꞌo jujun trompeta jach chique chiquijujunal.