San Lucas 21:25 - Tz'utujil (Ja Cꞌacꞌa Chominem)

²⁵ Cꞌo jeꞌe retal ja xtiwinakar chicaj chipan ja kꞌij, chipan ja icꞌ in chique chꞌumil chakajaꞌ. Ja cꞌa chwachꞌulew ja winak ja recꞌo pa tak nación ma xticanoy chi ta cumal nak la nqueban, xa nsach quinaꞌoj rmal ja nimak tak baloj pa mar congana nteneni.

Tz'utujil NT

²⁵ C'ola je' rital xtwankera chpam k'ij, chpam ic' y chpam je' ch'umil chka'. Je chwech ruch'lew je' wnak jec'ola ptak nación majo'n chic necney ta cmal nak nqueban, xe nsa'cha cna'oj rmal nmak tak bloj rxin mar jcongan netnina.

San Lucas 21:25 Iomraidhean Croise

San Mateo 24:29

Ja tok chaka maril xtocꞌowi jawaꞌ nimlaj rpokonal riꞌ cꞌacꞌariꞌ maticaꞌy chic ja kꞌij, nkꞌekumiri in maticaꞌy chic ja icꞌ chakajaꞌ. Ja cꞌa chꞌumil jariꞌ netzakto in ja nimak tak poder rxin ja caj nsi̱l na.

San Mateo 27:45

Ja pa ncꞌajkꞌij cꞌo jun nimlaj kꞌekuꞌm xoqui nojel chwachꞌulew, cꞌa a las tres xin takakꞌij sakar chic jutij.

Marcos 13:24

Ja tok chaka maril xtocꞌowi jawaꞌ nimlaj rpokonal riꞌ cꞌacꞌariꞌ maticaꞌy chic ja kꞌij, nkꞌekumiri in maticaꞌy chic ja icꞌ chakajaꞌ.

Marcos 13:26

Cꞌacꞌariꞌ ja winak ejeꞌeꞌ nquetzꞌat na ja Ralcꞌwalaxel ja xoc alaxic cuqꞌuin ja winak, arjaꞌ cꞌamonto rmal juleꞌ sutzꞌ, janila jun nimlaj poder cꞌo chic pa rukꞌaꞌ in congana nim chic rukꞌij.

Marcos 15:33

Ja pa ncꞌajkꞌij cꞌo jun nimlaj kꞌekuꞌm xoqui nojel rwachꞌulew, cꞌa a las tres xin takakꞌij sakar chic jutij.

San Lucas 21:24

Ecꞌoli chique necamsax na tzaꞌn tak espada in juleꞌ chic chique neꞌoquel preso in necꞌamarel chipan nojel tak nación. Ja cꞌa tinamit Jerusalén jariꞌ noc na pa quekꞌaꞌ ja nación jeꞌe ja ma e aj Israel ta, cꞌa tokoriꞌ xtel pa quekꞌaꞌ ja tok xtocꞌowi ja tiempo jeꞌe ja xtiyataj tre ja nación rmal ja Dios.

San Lucas 21:26

Ja tok xtiquemaj rchꞌobic ja nimak tak rcꞌayewal ja penak chwach ja rwachꞌulew xa ncapuj na quecꞌuꞌx in congana nquixbej na quiꞌ rmal. Queriꞌ xtiqueban como ja nimak tak poder rxin ja caj nusil na riꞌ.

Hechos 2:19

In cꞌo jeꞌe nwinakarsaj na chwach ja caj ja ni majutij quitzꞌaton ta ja winak. In ja chwachꞌulew chakajaꞌ cꞌo retal jeꞌe ja nwinakarsaj na caniꞌ tre quicꞌ caniꞌ tre kꞌakꞌ in caniꞌ tre sib.

Apocalipsis 20:11

Cꞌacꞌariꞌ cꞌo jun nimlaj trono sak xintzꞌat in chakajaꞌ xintzꞌat ja tzꞌubul chipan. Qꞌuisi ja caj, qꞌuisi ja rwachꞌulew, ma xucochꞌ ta qꞌuejeꞌ ta chwach ja tzꞌubul chipan ja trono, sachi pro chijutij.