San Lucas 21:20 - Tz'utujil (Ja Cꞌacꞌa Chominem)

²⁰ Ja cꞌa tinamit Jerusalén tok xtetzꞌat chi sutin chic rij cumal juleꞌ soldado ja nurquibanaꞌ ja chꞌaꞌoj, triꞌ tewotakij wiꞌ chi xa nnakajinto ja tiempo ja nyojtaj wiꞌ ja tinamit.

Tz'utujil NT

²⁰ Je tnamet Jerusalén tak xtetz'et sutin chic rij cmal soldado jnecrebna' ch'oj, tzra' twutkij wa' che ne nkajin ta tiemp che ntu'ra tnamet.

San Lucas 21:20 Iomraidhean Croise

San Mateo 24:15

Rmalcꞌariꞌ nbij chewe, kas turkaj chewe ja bitajnak can rmal ja rojer profeta Daniel. Ja xbij ja Daniel chi nerilaꞌ na jun kꞌij ja tok cꞌoli ja npeti ja más chi na itzel ntzꞌa̱t rmal ja Dios. Ja cꞌa tok npeti arjaꞌ npeꞌe chipan ja lugar santo in congana camíc nuban. (Ja nesiqꞌuin awaꞌ juleꞌ tzij riꞌ kas tiquiwasaj jutzꞌit quinaꞌoj trij.)

Marcos 13:14

Pro kas turkaj chewe ja bitajnak can rmal ja rojer profeta Daniel. Ja xbij ja Daniel chi nerilaꞌ na jun kꞌij ja tok cꞌoli ja npeti ja más chi na itzel ntzꞌa̱t rmal ja Dios. Ja cꞌa tok npeti arjaꞌ npeꞌe chipan ja lugar ja ma yatal ta trij chi npeꞌe triꞌ in congana camíc nuban. (Ja nesiqꞌuin awaꞌ juleꞌ tzij riꞌ kas tiquiwasaj jutzꞌit quinaꞌoj trij.) Jariꞌ, tok xtetzꞌat chi paꞌl chic chipan ja lugar, ja cꞌa neban, ja rixcꞌo chipan ja departamento Judea mejor quixanmaji, tewawaj ewiꞌ pa tak cꞌachelaj.

San Lucas 19:43

Congana ninbison emwal como nerilaꞌ na jun tiempo ja tok xquepi chewij ja recꞌulel. Ja cꞌa tok xqueꞌurkaji nqueyic na jun nimlaj tabia trij ja tinamit xin banbal chꞌaꞌoj, nquisutij quiꞌ chewij, nquitzꞌapij ja bey nojelal utzcꞌa chi maquixcowini nixanmajel.

San Lucas 21:7

—Pro tabij chake Maestro ¿nak kꞌij xtibantaji jalaꞌ ja cꞌa xabij kaj chake leꞌ? In chakajaꞌ ¿nak chi retalil nwinakari ja ncꞌutu rxin chi xajalal majaꞌn tibantaj cumplir nojelal ja cꞌa xabij chake? xecheꞌ tre.

Hebreos 11:30

Ja raj Israel, rmal ja yukulbal quecꞌuꞌx ruqꞌuin ja Dios chewiꞌ tok be chi tokꞌulew ja nimlaj tabia ja sutin trij ja tinamit rbinaꞌan Jericó. Ja tre wukuꞌ kꞌij ni queyaꞌ wiꞌ jeꞌe vuelta trij ja tabia in tok tzꞌakati ja yaꞌoj vuelta cumal be ja tabia chi tokꞌulew.

Hebreos 12:1

Bien kachꞌoboꞌ wachꞌalal, congana jun nimlaj ejemplo yaꞌon can chikawach cumal awaꞌ winak riꞌ, ejeꞌeꞌ caniꞌ quisutinto quiꞌ chakij camic. Rmalcꞌariꞌ nbij chewe, katijaꞌ cꞌa kakꞌij ajoj tre ja cꞌamcꞌoj anim ja yaꞌon chikawach rmal ja Dios, cow kopeꞌi maxta ma tikaqꞌuis ta. Xa nak ta ja nokruban molestar trewaꞌ jun cꞌamcꞌoj anim riꞌ mejor kachꞌakij can in kayaꞌaꞌ can ja il mac ja xa nokruchap chipan ja kabey.